Matthieu 11:26 - Nouveau Testament en Gulay 2004

²⁶ Oiyo Bɔ’m, m’tɔyi titeke bè tede è ke nè á i an ke nyan ke maje tà kumi’t.

Matthieu 11:26 Iomraidhean Croise

Tà ke Maje ke Luc ndang 10:21

Kêm kàdenn’t nè nga, Ndil-Kêmnda ade ranel rusu kêm Jésu njin-njin ade tam ede nè: – Bɔ’m, i Kuwe-ɓee ke danrán se ke dè nang nè, m’tɔyi tede i ribe dè nyange nè nga ade dooge ke nyanger le de goto, nè njékumkunjuge se njényangerge ɓaa, i ɓɔyɔ se de dè kák. Oiyo Bɔ’m, m’tɔyi tede i kuwe ɔje nyan nè nga titeke bè se go kêmkanm lei.

Tà ke Maje ke Luc ndang 22:42

– Bɔ’m, ke nè á i ndige ɓaa, ute nyankêmkon nè dèm’t kɔke ke rang. Nè né è bè géa, i ra nyan ke kêm’m man ndige lé, nè nyan ke kêmi á ndige. [

Tà ke Maje ke Luc ndang 23:34

Nè Jésu tam ede nè: – Bɔ’m i tin kêmi mbit dè de’t, tede nyan ke dé ra nga kum de gang dè’t lé. Dé tur jala dè kubuge le’n ke rann’t ɓita dé kai nan ɓai.

Jean 11:41

Dé ndubri kuberi her ke bòi nga d’ile rang. Jésu an loo ke dɔ danrán tam ede nè: – Bɔ’m, m’rai oiyo tede i oo ndu kɔ le’m.

Jean 12:27

Ɗarinè kêm’m tò kekek. Nè ké ri á m’a ra wa? Ké m’a deji Bɔ’m le kade taa’m tà yo’t kêm kàdenn’t nè wa? M’ree tede le kwei ɓaa, m’a m’wei kuwe.

Jean 12:28

Bɔ’m, i kile tɔgmong lei ke nata ade dooge geri! Ke loon’t nè kuwe ndu Nube ɓar danrán ede nè: – M’kile tɔgmong le’m ke nata kété ɓá. Nè m’a m’tel kile tɔgmong le’m ke nata kade d’an nja karé ɓai.

Nje Ke Rome 9:18

Titeke bè, Nube ra kêmkanm se nanan ke è ndige le ra se’n kêmkanm a, è ade kêm doo nder titeke è Nube ndige a tɔ.

Nje Ke Ephese 1:11

Takul’n è á j’inge’n gaje nyan-ndube ke ɔje dè jé tede Nube tɔr jè kété mari se go nyan ke è ɔje. Nube ra nyan malang ade aw loon’t deĵ se go nyan ke è ɔje se go kem̂ndige le’n.

Nje Ke Ephese 1:9

Nube ade jè geri nyan-maje ke tò loo ɓɔyɔn’t káráng. E uwe dè nja nyan ke tò loo ɓɔyɔn’t nga kété mari se go kem̂ndige le’n è kuwe.

Nje Ke Ephese 3:11

Se go nyan ke kété mari sár ɗarinè. Nyan ke Nube ɔje kété mari ke desêin nga kile ra’n ke nata ɗarinè takul Kuwe jéi Jésu-Krist.

2 Timothee 1:9

E Nube kuwe aje jèi a, ɓar jèi le kade jèi dooge le’n ke tooi se ninn de a tɔ. Ɓar ke è ɓar jèi nga è se go kule ra jéige lé, nè è se go nyan le’n ke è kuwe ɔje kem̂n’t kété mari se go kem̂-maje le’n. E noje ke è uwe se jéi karè kété mari ɓita unde gir nyange takul kum ke j’umi nan’t bɔk se Jésu-Krist.