Matthieu 11:25 - Nouveau Testament en Gulay 2004

²⁵ Kêm ndɔn’t nè nga, Jésu ɔje tà se Nube ede nè: – Bɔ’m Kuwe-ɓee ke danrán se nang nè, m’tɔyi tede ribe ke i ribe dè nyange nè ade ngannge ke ndêin. Nè njékumkunjuge se njégos nyangerge ɓaa i ɓɔyɔ se de dè nyange nga kák .

Matthieu 11:25 Iomraidhean Croise

Matthieu 16:17

Jésu ede Pierre ede nè: – Simon, ngonn Jonas, rai neli tede è doo ndul á ade kumi gang dè tà’t nè nga lé. Nè è Bɔ’m ke danrán kuwe ade kumi gang dè tà’t nè nga.

Matthieu 21:16

– Ké i oo tàge ke ngannge tami nga wa? Nè Jésu tel ile de dè’t ede nè: – Oiyo, m’oo maje kuwe. Tà ke Magtub tam ede nè: «I ade tà ngannge ke ndêin bè se ngannge ke à ili mba teen se pa ɗɔyi nin» nga, ké sei i tutei nja karé ndan lé ɓai wa?

Tà ke Maje ke Luc ndang 22:42

– Bɔ’m, ke nè á i ndige ɓaa, ute nyankêmkon nè dèm’t kɔke ke rang. Nè né è bè géa, i ra nyan ke kêm’m man ndige lé, nè nyan ke kêmi á ndige. [

Tà ke Maje ke Luc ndang 23:34

Nè Jésu tam ede nè: – Bɔ’m i tin kêmi mbit dè de’t, tede nyan ke dé ra nga kum de gang dè’t lé. Dé tur jala dè kubuge le’n ke rann’t ɓita dé kai nan ɓai.

Jean 11:41

Dé ndubri kuberi her ke bòi nga d’ile rang. Jésu an loo ke dɔ danrán tam ede nè: – Bɔ’m, m’rai oiyo tede i oo ndu kɔ le’m.

Jean 12:27

Ɗarinè kêm’m tò kekek. Nè ké ri á m’a ra wa? Ké m’a deji Bɔ’m le kade taa’m tà yo’t kêm kàdenn’t nè wa? M’ree tede le kwei ɓaa, m’a m’wei kuwe.

Jean 12:28

Bɔ’m, i kile tɔgmong lei ke nata ade dooge geri! Ke loon’t nè kuwe ndu Nube ɓar danrán ede nè: – M’kile tɔgmong le’m ke nata kété ɓá. Nè m’a m’tel kile tɔgmong le’m ke nata kade d’an nja karé ɓai.

Nyanra Njekawkulege 17:24

Nube ke njè ra nang se nyange malang ke tooi tutu nga, è kuwe è Kuwe-ɓee ke danrán se nang nè a tɔ. E ndi kêm kei ke tò se ninn’n ke ji doo á ra lé.

1 Nje Ke Corinthe 2:10

Nè Nube ribe dè nyan nè nga ade jèi takul Ndil-Kêmnda. Kerɔte kuwe, Ndil-Kêmnda ter nyan malang a, tàgirge le Nube ke ngarankêmn’t géa, Ndil-Kêmnda ger mbak a tɔ.

2 Nje Ke Corinthe 3:14

Nè ngann Israelge nga, tàgirge le de teli tugei ndul bigm kuwe ɓai. Sár tee ɓila, loo ke d’ade tute magtub mann-ra ke mari nga ɓaa, tà kubu nè nga ɔr kum de’t lé kuwe ɓai-ɓai. Doo ke um nan’t bɔk se Krist ɓita tà kubu nè ɔr kumn’t oso nang ɓai.