Matthieu 11:23 - Nouveau Testament en Gulay 2004

²³ Sei dooge ke kêm ɓee-bò ke Capernaum, ké sei i giri kêm si’t edi nè Nube à kunn sei kunde sei dɔ ɗáng wa? Ḿ-m̀ è bè lé. Nè Nube à tel kaw se si sár ɓee le njé ke koo. Kerɔte kuwe, nyankɔbege ke Nube ra dann si’t nga, ke nè á ndɔ ke ra titeke bè ade njé ke Sodome an-in ɓaa, bainléa ɓee-bò ke Sodome à tò tutu sár tee ɓila ɓai.

Matthieu 11:23 Iomraidhean Croise

Matthieu 10:15

Kerɔte kuwe, man m’ede sei ndàt, ndɔ gangtà’t nga nyan ke ndɔ ke tee dè njé ke ɓeekon ke Sodome se Gomorhhe nga géa è soo’t dum le dooge ke kêm ɓee-bò’t nè nga ɓai.

Matthieu 16:18

Nè man m’edi titeke i i Pierre, dè kuberi her ke m’an m’unde njékebe nange le’m dè’t. Tɔgmong le yo ase ra se de nyan karé lé.

Matthieu 17:24

Loo ke Jésu se njékuwe-girnge reei teei kêm ɓee-bò ke Capernaum ɓaa, njétaa tirge ke ɔje dè ra kei le Nube osoi ra Pierre’t deji nin edi nè: – Ké njèndó sei nyan à uge tir ke sile joo nga lé wa?

Matthieu 4:13

Jésu inye ɓee ke Nazareth aw ndi kêm ɓee-bò ke Capernaum kɔte ba ke dè ninn ɓeekon le Zabulon se Nephtali.

Matthieu 8:5

Jésu aw kêm ɓee-bò ke Capernaum. Njèkan dè njérɔge ke aru karé ree ra ndoo rann’t ede nè:

Tà ke Maje ke Luc ndang 10:15

Sei dooge ke kêm ɓee ke Capernaum, ké sei giri kêm si’t edi nè ɓee le si nga d’a tel’n ke ɓee ke bò wa? Ḿ-m̀ è bè lé, ɓee le si nga d’a tel’n ke ɓee ke njè kutu go madennge malang.

Tà ke Maje ke Luc ndang 14:11

Nanan ke unde dè’n dɔ ɓaa, d’a d’ade dè’n à è nang ɓai, nè nanan ke ule dè’n ɓaa, d’a d’unn’n kunde’n ɗáng dɔ ɓai.

Tà ke Maje ke Luc ndang 16:23

Baw nè nga teen kum’n dann njé ke koo’t dann nyantosowur’t. Loo ke è gang dè’n dɔ tchet ɓaa, è an Lazare ndi mbeng kɔte Abraham’t.

Tà ke Maje ke Luc ndang 4:23

Jésu ede de ede nè: – Kerɔte kuwe, sei a kundei se’m kuju-tam kedi nè: «Njèkuge-kaje i kuwe aje rai ɓita.» Taɓai sei a tami se’m kedi nè: «J’oo tà nyange malang ke i ra kêm ɓee-bò ke Capernaum. I ra nyange nè nga kêm ɓee koji’t ade j’an tɔ.»

Nyanra Njekawkulege 2:27

Oiyo, i a kinye ngarankum ra’m ɓee le yo lé a, doo lei ke tò se ninn’n nga i a kinye’n kade jɔri pɔtɔk be-ɓade’t lé a tɔ.

Nyanra Njekawkulege 2:31

E ger kété mari titeke Krist à unde loo tee dann njé ke koo’t. Gir’n ke nè á, è tam’n kété ede nè: «Nube à inye Krist nga ɓee le yo ndan lé a, danran à jɔri pɔtɔk bè-ɓade’t lé a tɔ.»

Jude 1:7

Adi kem̂ si olé dè dooge ke kem̂ ɓee-bòge ke Sodome se Gomorrhe se ɓee-bòge ke gan-in dè de nga. Dooge nè nga ndɔ ke rai nyange ke pás-pàs tite dooge ke danrán bè tɔ. Dingemge ke sangi dingem made dege tooi se de ke dinye’t. Nè Nube ade por ke à wei ndan lé in danrán ree ró de rák-rák ade kure nyanra majelé le de ɔde kum de. Nyan ke tee dè de’t nga, è nyan-tɔje tede le dooge malang.

Lookilera’n 1:18

Man nga m’ee njèndi kumgajer. Man nga ndɔ ke wei ɓá. An! ɗarinè, m’ndi kumgajer sár se non. Man nga m’aw se tɔgmong dè yo’t a, dè ɓee le njé ke koo’t a tɔ.

Lookilera’n 11:8

Ninn de à tò nang ka-rebe kɔse’t kem̂ ɓee-bò ke dé ɓer Kuwe-ɓee le de kàde kage-ke-dese’t tutu nga. Ɓee-bò nè nga dé ɓar’n se gos d’ede nè: Sodome se Egypte.

Lookilera’n 20:13

Njé ke koo ke ndɔ ke rai ɓee dann ba-bò kate’t nga, ba-bò kate ree se de ɓuku de nata. Njé ke koo ke ndii se yo ɓee le yo nga géa, yo se ɓee le yo reei se de ɓuki de nata a tɔ. Nanan géa dé gangtà dènn’t se go kule ra’n, ra’n.

Lookilera’n 6:8

An! loo ke m’an loo gerer ɓaa, m’an sinde-mɔse. Doo ke njèkal’n nga ri’n nè yo-kos. Ɓee le njé ke koo ndolè goo’n. Dè kum nang ke tɔ sɔ nga, d’ade yo-kos se ɓee le njé koo gang ɔje dè è ke karé. Yo-kos se se ɓee le njé ke koo à tɔli dooge se kuye kaskar ke bòi bember se ɓo a, se yo-kos a, se dan-tonge ke dè nang nè a tɔ.