Matthieu 11:21 - Nouveau Testament en Gulay 2004

²¹ – Sei dooge ke kêm ɓee-bò ke Chorazin se Bethsaida a an-in ɓai! Nyankɔbege malang ke ndɔ ke Nube ra kêm ɓee-bòge’t le si nè nga, ke nè á ndɔ ke è ra titeke bè kêm ɓee-bò ke Tyr se Sidon ɓaa, bainléa dooge à tulei kubu ndoo ndii dann bu’t le turi hal de mari.

Matthieu 11:21 Iomraidhean Croise

Matthieu 11:22

Gir’n ke nè á man m’ede sei ndàt, ndɔ ke Nube à gangtà dè dooge nga, tà ke d’a gang dè si’t à tur ngain dum le dooge ke kêm ɓee-bò ke Tyr se Sidon nè nga ɓai.

Matthieu 15:21

Jésu in loon’t nè aw kêm ɓee-bòge ke Tyr se Sidon.

Matthieu 18:7

Sei dooge ke njé tel jig tuge nja madesige kade osoi dann kaiya’t nga, a an-in ɓai! Gar-gar nyange ke à tugei dooge jig’t kade osoi dann kaiya’t à tooi dè nang nè. Nè doo ke njè kunde gir nyange nè nga, à an ɓai!

Matthieu 26:24

Man ke m’ee Ngonn doo nga, m’a m’ɔte kaw se go tà ke dé ndang kêm magtub’t d’ɔje’n dè’m. Nè doo ke njèkule’m ji dooge’t nga, à an ɓai! Doo nè nga, ke nè á ndɔ ke d’oje’n lé géa è soo’t.

Marc 3:8

Kêm ɓee-bò ke Jérusalem se ɓeekon ke Idumée, njé ke in-in gide ba’t ke Jourdain se njé ke in-in ngann ɓeege le ɓeekon ke Tyr se Sidon géa ndolèi go Jésu tɔ. Kosdoo-bulege nè nga reei ra Jésu’t tede ooi ser nyange malang ke è ra.

Marc 6:45

Loo ke Jésu nda ede doobulege kade teli awi ɓéee ɓaa, ke loon’t nè kuwe è unn ndu’n ade njékuwe-girnge ede nè: – Ali kêm bato’t awi gide ba’t kété nonm’t kum si ke ɓee ke Bethsaida.

Marc 7:24

Jésu in loon’t nè aw kêm ɓeekon ke Tyr. E aw ndi kêm kei karé’t bè. E ndige le kade doo karé bè géa ger lé, nè è asekum ndi kêm kei nè nga se go ngein lé.

Marc 7:31

Go’t gugu ɓaa, Jésu in kêm ɓee-bò ke Tyr aw kêm ɓeekon ke Sidon. E unde kêm ɓeekon ke Décapole gang tel ree kum’n ke tà ba ke Galilée gugu.

Marc 8:22

Jésu se njékuwe-girnge reei kêm ɓee ke ri’n nè Bethsaida. Dooge ɔri non dingem karé ke njèkumtɔ reei se’n ra Jésu’t. Dé ndête Jésu le kade ule ji’n ɔde’n ra dingem nè nga lêm.

Tà ke Maje ke Luc ndang 4:26

Nè né è bè géa, Nube ule Elie le kade ra se è ke karé bè dann de’t lé, nè è ule’n le kade ra se njèkei-kinge karé ke kêm ɓee ke Sarepta ɓeekon ke Sidon nú.

Tà ke Maje ke Luc ndang 6:17

Jésu rise se njékuwe-girnge aw se de kade mbal’t inge’n kutu kos njékuwe-girnge. Kosdoo-bulege in-in dè nang’t le Juda malang se kêm ɓee-bò ke Jérusalem se kêm ɓeege ke tooi tà ba-kate’t, Tyr a, Sidon a tɔ.

Tà ke Maje ke Luc ndang 9:10

Loo ke njékawkulege in-in mba’t teli reei ɓá ɓaa, ɔri ser nyange malang ke rai adi Jésu oo se de. E ɔr ra’n se de aw se de ngang loo’t nata kum’n ke ɓee ke Bethsaida.

Jean 1:44

Philippe nga è doo ke Bethsaida ɓee le André se ngokon’n Pierre.

Jean 12:21

Grecge nè nga awi ra Philippe’t ke ɓee le’n è Bethsaida, ɓeekon ke Galilée ei deji edi nè: – Dingem, jè ndige le kan Jésu.

Nyanra Njekawkulege 12:20

Wong ra ngar Hérode ngain dè dooge ke ndii kêm ɓee-bò ke Tyr se Sidon. Dooge nè umi tà le de nan’t bɔk le ree kingei nin. Nè d’aw d’inge Blastus, paja le ngar Hérode d’ile’n go de’t pa ɓita d’aw ra Hérode’t dé deje’n kêmlom ɓai. Dé deje’n kêmlom titeke bè tede è se tà rebe ɓeekon le’n nè á nyankinge se nyankusege in-in tutu reei kêm ɓee-bòge ke Tyr se Sidon.

Nyanra Njekawkulege 27:3

Barè lookar’n, jè nda nang kêm ɓee-bò ke Sidon. Julius ra kêm-maje se Paul; è inye’n ade aw ra njétaakêm-Krist madennge’t kade rai se’n dè nyange ke aw ndoo de.

Jude 1:11

Dé dooge nè nga, d’a d’an ɓai! tede d’unn rebe le Cain. Kum de sú de ade dé tam tà lanm le taa’n nar titeke ndɔ ke kété Balaam ra’n bè. D’ile rɔ d’ade Nube titeke ndɔ ke Koré ra’n bè tɔ. Kerɔte kuwe, d’ade tuju titeke ndɔ ke Koré tuju’n nga bè tɔ.

Lookilera’n 11:3

M’a m’ade tɔgmong njékɔrgo tàge le’m ke joo nè nga kade ilei mber se ri Nube ase ndɔge aru dɔg gidé-joo se kɔr-mute-mute. Njékɔrgo tàge le’m ke joo nè à tulei kubu-sile ra de’t.»

Lookilera’n 6:12

Loo ke Ngonn bate teen tà nyankorji ke njèkon’t mute mute nga, m’an loo gerer ɓaa, nang unn gir yei ɓuk-ɓuk. Ke loon’t nè kuwe kàde tel ndul ndang-ndang tite kubu ndoo bè. Ra nan bere mbak tel ker tite mese bè.