Matthieu 11:17 - Nouveau Testament en Gulay 2004

¹⁷ «Jè j’unde kɔde ndam nè sei ndami lé a, j’ile pa non yo, nè sei noin undei kàde si dai-dai lé.»

Matthieu 11:17 Iomraidhean Croise

Matthieu 11:16

Ké nan á m’a kuwe’n kɔje’n dooge ke ndii dè nang nè ɗarinè nga wa? E tooi asinan se ngannge ke ndii nang ndá-loo’t ɓari made dege tami edi nè:

Matthieu 11:18

Oiyo ndɔ ke kété ke Jean ree nga, ɔge ra’n dè nyankuse’t se dè nyankain’t. Nè dooge tami edi nè: «Dè’n majelé a, ndil ke majelé tò kêmn’t a tɔ.»

Matthieu 9:15

Jésu tel deje de ede nè: – Njètaa dinye kige nga, loo ke madennge ei se’n ɓai nga, ké asi ndii dann nyantosowur’t wa? Nè ndɔ ke d’a d’uwe njètaa dinye kige nè wont kɔr’n dann de’t ɓita d’a kɔge kêm de ɓo ɓai.

Matthieu 9:23

Loo ke Jésu ree tee kêm kei le ngar dè kei kebe nan pan ɓaa, è an gos têbege se doobulege noin jik-jik. E ede de ede nè:

Tà ke Maje ke Luc ndang 15:25

Loo ke dé nda d’a d’al ra de titeke bè ɓaa, ngonn ke tɔg nda ra kule kêm ndɔr’t walé. Loo ke è à tel ree ngɔr se ɓee ɓaa, è oo ká nyan-kundege ke d’ade ndam’n nan.

Tà ke Maje ke Luc ndang 23:27

Dooge ngain dann kosdooge ke Jérusalem ndolèi go Jésu. Dinyege bule dann de’t undei kàde de dai-dai se non jik-jik tede Jésu.

Tà ke Maje ke Luc ndang 7:32

Dé tò d’asenan se ngannge ke ndii nang ndá-loo’t ɓari nan edi nè: «Jè j’unde kɔde ndam, nè sei i ndami lé a, j’ile pa non yo nè sei i taai tà jé’t lé a tɔ.»

Tà ke Maje ke Luc ndang 8:52

Dooge malang ke ndai loon’t nè nga noin jik-jik a, undei kàde de dai-dai a tɔ, tede ngonn ke dinye nè nga. Nè Jésu ede de ede nè: – Ebi’t non jik-jik. Ngonn ke dinye nè nga wei lé, nè tò ɓi karè.