Matthieu 11:12 - Nouveau Testament en Gulay 2004

¹² Unn gir kêm ndɔn’t le Jean ke njèkule dooge manné njonm sár ɗarinè nga, njétɔgege à lái Konɓee ke danrán kuwei dè ngɔde’t.

Matthieu 11:12 Iomraidhean Croise

Matthieu 11:11

Kerɔte kuwe, man m’ede sei ndàt, dann dooge ke dinyege oji de nga, doo karé ke bòi dum dè Jean ke njèkule dooge manné njonm goto. Nè né è bè géa, ngonn ke ndêin bè ke kêm Konɓee ke danrán dum dè’n.

Matthieu 11:13

Njéribe-dè-tàge ke tà Nube’t malang a, se magtub gute-ndu a tɔ, ilei mber sár teei dè Jean’t.

Matthieu 3:15

Nè Jésu tel ile’n dè’t ede nè: – Inye ade m’ra ɗarinè. Ra nyan ke kêm Nube ndige tɔl mbas nga, tuwe jè ɗêw titeke bè. Jean inye Jésu ade ra titeke bè.

Tà ke Maje ke Luc ndang 13:24

Jésu tel ile’n dè’t ede nè: – I sangi loo le kaw se tàbit kei ke njon tede man m’ede sei ndàt, dooge ngain dann si’t à sangi rebe le kaw kêm Konɓee’t le Nube. Nè asikum kilei nja de tutu ndan lé.

Tà ke Maje ke Luc ndang 16:16

Gute-ndu Nube ke Moise ndang se magtubge ke njéribe-dè-tàge ke tà Nube’t ndangi a tɔ nga, dé ndó dooge sár d’ade Jean ke njèkule dooge manné njonm ree’n. Nè unn gir ndɔ ree le Jean sár tee ɓila nga, m’ile mber Tà ke Maje m’ade dooge. Gir’n ke nè á nanan géa uwe’n ra’n mong le kum nan’t bɔk se Nube.

Jean 5:4

tede doo ke danrán ke Nube ule’n ree ra mann nè nga dɔ-dɔ ade tal bungus-bungus. Njèratur ke inye ji’n dɔ oso danné kété loo ke dé ra’n mann d’ade unn gir tal bungus-bungus nga ɓaa, né ratur le’n è ratur ke bain-bain géa ra’n tel mong maj-maj karè.]

Jean 6:27

I rai kule tede nyankuse ke dè’n à ngei karè nga lé. Nè i rai kule tede nyankuse ke à tò sár-sár se non. Nyankuse ke à tò sár se non nga, è Ngonn doo á à ade sei, tede Ngonn doo nga nyankorji le Nube Bɔ dooge tò rann’t.

Nje Ke Philippes 2:12

Kotárge le’m, ilei koje dè Nube’t se ndɔge malang titeke ndɔ ke m’ee’n se si. Ɗarinè ke m’goto se si nga, ilei koje dè Nube’t adi dum ke kété. I ɓeli Ndil Nube, i rai kule dè kaje’t le si se ngonn koje.