Matthieu 11:11 - Nouveau Testament en Gulay 2004

¹¹ Kerɔte kuwe, man m’ede sei ndàt, dann dooge ke dinyege oji de nga, doo karé ke bòi dum dè Jean ke njèkule dooge manné njonm goto. Nè né è bè géa, ngonn ke ndêin bè ke kêm Konɓee ke danrán dum dè’n.

Matthieu 11:11 Iomraidhean Croise

Matthieu 11:10

Doo nè nga, dé ndang tà kêm Magtub’t le Nube d’ɔje’n dè’n d’ede nè: «An! man m’ule ngonn njèkule le’m noin’t kété, è à gɔl rebe lei noin’t kété.»

Matthieu 11:12

Unn gir kêm ndɔn’t le Jean ke njèkule dooge manné njonm sár ɗarinè nga, njétɔgege à lái Konɓee ke danrán kuwei dè ngɔde’t.

Matthieu 3:1

Kêm ndɔnge’t nè nga, Jean ke njèkule dooge manné njonm unde loo tee aw kêm dile’t ke ɓeekon ke Judée ile mber ede nè:

Matthieu 3:11

Man ɓaa, mann á m’ule sei njonm tutu karè kade i turi hal si. Nè doo karé ke tɔgmong le’n dum le’m à ree goom’t gugu non. Gabang ke njann’t géa, man m’asekum tɔr se dè ra’m lé. Doo nè nga à ɔr sei kunde sei se ninn si gai se Ndil-Kêmnda a, se por a tɔ.

Matthieu 5:19

E ke altà tà ndukunn’t karé dann ndukunnge ke ndêin-ndêin nè a, ndó dooge le kade rai titeke bè a tɔ nga ɓaa, d’a d’an’n ke ngonn ke ndêin bè dum madennge malang kêm Konɓee ke danrán. Nè nanan ke an dè ndukunnge nè nga sêw-sêw a, ndó dooge kade rai titeke bè tɔ ɓaa, d’a d’an’n ke doo ke bò kêm Konɓee ke danrán.

Tà ke Maje ke Luc ndang 1:15

Tede à è doo ke bò tàkum Kuwe-ɓee’t. E à kain yibe nduu ke ate éké yibe ke ate karé ke rang lé a tɔ. Loo ke è nain kêm konn’t ɓai kuwe Ndil-Kêmnda taa kêm’n pel-pel.

Tà ke Maje ke Luc ndang 7:28

Jésu ede de ndàt ede nè: – Dooge malang ke d’oje de dè nang nè nga, doo karè bè ke bòi dum dè Jean goto. Nè né è bè géa, doo ke d’an’n ke nyan lé ke Nube on ɓee dènn’t nga, bòi dum dè Jean ɓai.

Tà ke Maje ke Luc ndang 9:48

– Nanan ke uwe ngonn ke tite njè ke nè ke rann’t tede ri’m ɓaa, è man kuwe á uwe’m ke rann’t. Nanan ke uwe’m ke rann’t ɓaa, è njèkule’m kuwe á uwe’n ke rann’t. Nanan ke tel ra’n ke ngonn ke ndêin bè dann si’t malang, è nè nga ndɔn’t à è doo ke bò dum sei malang.

Jean 1:15

Jean ɔrgo tà ɔje’n dè Ngonn nè nga se ndu’n ke bòi ede nè: – An-in! è ke ndɔ ke m’tam tà le’n m’ede sei m’ede nè: «Doo karé ke è nonm’t kété à ree goom’t gugu non, tede è ndi tutu kété ɓita d’oje’m ɓai.»

Jean 1:27

Doo nè nga à ree goom’t non, nè man m’asekum tɔr gabang’t ke njann’t lé.

Jean 10:41

Dooge ngain reei ra Jésu’t edi nin edi nè: – Jean nga ndɔ ke ra nyankɔbe karé bè lé. Nè tàge malang ke ndɔ ke tam ɔje’n dèi i Jésu nga, è ngarankum tà kerɔte.

Jean 3:30

Gar-gar maje kade riɓar le’n oso se loo mbit-mbit ke kété-kété, gar-gar maje kade man ɓaa, riɓar le’m ger gugu.

Jean 5:35

Jean nga kété è tite lampe ke on ndogó kotong. Nè sei ndigi kali ra si dann lookar’t le’n nè nga ndêin.

Jean 7:39

E tam tà nè nga titeke bè ɔje’n dè Ndil-Kêmnda ke njé ke undei kêm de dènn’t ayé kingei. Kêm ndɔn’t nè nga Ndil-Kêmnda ree lé ɓai tede d’ule ndubra dè Jésu’t lé ɓai.

1 Nje Ke Corinthe 15:9

Man nga m’ee tà-mba le njékawkulege. M’tuwe kade dé ɓar’m njèkawkule lé tede m’ra kum njékebe nange le Nube ndoo ngain gée.

1 Nje Ke Corinthe 6:4

Ke nè á tàge ke ɔje dè ngann nyange ke dè nang nè tooi dann si’t ɓaa, ɔri njé ke geri Nube lé á undei de ke njégangtàge le si. Dé nè nga, nyan ke ɔje dè njétaakêm-Kristge ndête de ke ndêin bè géa lé.

Nje Ke Ephese 2:3

Ngann njé dum nange nè nga, kété mari jèi malang jèi dann de’t. Kété jè njiyei se go ngur nyange le danra jéi a, jèi rai nyange se go kem̂ndige le danra a, se go tàgirge le jéi a tɔ. Jèi géa, kété se go girkoje le jéi ɓaa wong le Nube nain dè jéi’t tite gute dooge ke rang bè tɔ.

Nje Ke Ephese 3:8

Man m’ee tà mbà le njétaakem̂-Kristge malang. Nè né è bè géa, Nube uwe se’m noje ade m’ile mber nyanbaw le Krist ke doo asekum ger lé m’ade dooge ke ei Juipge lé.

2 Timothee 1:10

Noje nè nga, ɗarinè tò nata ndái-ndái ndɔ ke njèkaje jéi Jésu-Krist ree’n dè nang nè. Jésu-Krist tuju tɔgmong le yo kɔti-kɔti ade loo gang ɗeng dè ndikumgajer ke se non se go Tà ke Maje nè nga.

Hebreuge 11:40

Ndɔ ke Nube ɔje rebe nyan karé ke maje ngain dum tede le jéi, nè è ndige le kade d’inge nyan nè nga anje jèi ndan lé.

1 Pierre 1:10

Kaje nè nga, njéribe-dè-tàge ke tà Nube’t sangi gir ke get se ngang’n lêr-lêr a, nderi gir uyi tete undei. Noje ke Nube ayé kuwe se si nga, ei tami tà’n kété mari ke desêin.