Matthieu 10:40 - Nouveau Testament en Gulay 2004

⁴⁰ Doo ke rara ke uwe sei ke rann’t ɓaa, è man kuwe á uwe’m ke rann’t. Doo ke rara ke uwe’m ke rann’t ɓaa, è njèkule’m kuwe á uwe’n ke rann’t.

Matthieu 10:40 Iomraidhean Croise

Matthieu 18:5

Doo ke uwe ngonn karé ke dap tite njè ke nè ke rann’t se ri’m man ɓaa, è man kuwe á uwe’m ke rann’t non.

Matthieu 25:40

Ngar à tel kile de dè’t kede nè: «Kerɔte kuwe, man m’ede sei ndàt, nyan malang ke dɔ-dɔ sei i rai se ngonn karé ke ndêin bè dann ngakonmge ke ndii nè’t nga ɓaa, è man kuwe á i rai se’m non.»

Matthieu 25:45

Ngar à tel kile de dè’t kede nè: «Kerɔte kuwe, man m’ede sei ndàt, nyan malang ke sei mbati rai se ngonn ke ndêin bè karé dann madennge’t nè nga ɓaa, è man kuwe á i rai se’m non tɔ.»

Marc 9:37

– Nanan ke uwe ngonn ke nain dap tite njè ke nè ke rann’t tede tà le’m ɓaa, è man kuwe á uwe’m ke rann’t non. Nanan ke uwe’m ke rann’t ɓaa, è man á uwe’m ke rann’t lé, nè è Nube ke njèkule’m kuwe á uwe’n ke rann’t non.

Tà ke Maje ke Luc ndang 10:16

Jésu tel ede njékuwe-girnge ede nè: – Nanan ke ur mbi’n oo’n tà le si ɓaa, è man kuwe á ur mbi’n oo’n tà le’m. Doo ke rara ke ute sei mbeng ɓaa, è man kuwe á ute’m mbeng. Ke nè á doo ute’m man mbeng ɓaa, è njèkule’m á ute’n mbeng m è man lé.

Tà ke Maje ke Luc ndang 9:48

– Nanan ke uwe ngonn ke tite njè ke nè ke rann’t tede ri’m ɓaa, è man kuwe á uwe’m ke rann’t. Nanan ke uwe’m ke rann’t ɓaa, è njèkule’m kuwe á uwe’n ke rann’t. Nanan ke tel ra’n ke ngonn ke ndêin bè dann si’t malang, è nè nga ndɔn’t à è doo ke bò dum sei malang.

Jean 13:20

Kerɔte kuwe, man m’ede sei ndàt, nanan ke uwe doo ke m’ule’n ke rann’t ɓaa, è man kuwe á uwe’m ke rann’t. Nanan ke uwe’m ke rann’t ɓaa, è njèkule’m kuwe á è uwe’n ke rann’t non.

Jean 20:21

Jésu tel ede de ede nè: – Maje kade kêmlom nain se si. Ɗarinè, man géa m’ule sei titeke kété Bɔ’m ule’m nga tɔ.

Jean 5:23

Titeke bè á dooge malang à ilei koje dè Ngonnenn’t titeke ilei koje dè Bɔn’t nga tɔ. Doo ke rara ke ile koje dè Ngonn’t nga lé ɓaa, è ile koje dè Bɔ’n ke njèkulenn’t nga lé tɔ.

2 Nje Ke Corinthe 5:20

Jè jè ngann njékulege tede le Krist. Nube ɓar dooge ke rann’t takul jé jè. Bè ɓaa, jè ndête sei se ri Krist kade umi nan’t bɔk se Nube.

Nje Ke Galatie 4:14

Ratur ke ra’m nga è nyan ke nan sei. Sei an-in man ke nyan ke tò yêr tàkum si’t ade i tibi man yor lé a tɔ. Nè sei uwei man ke ra si’t tite doo ke Nube ule’n bè. Sei uwei man ke ra si’t titeke uwei Jésu-Krist kuwe ke ra si’t bè tɔ.

1 Nje Ke Thessalonique 4:8

Gir’n ke nè á doo ke ute tàge nè nga mbeng ɓaa, è dooge á ute de mbeng lé. Nè è Nube ke njè kade sei Ndil-Kem̂nda le’n kuwe á ute’n mbeng.

2 Jean 1:9

Nanan ke nda njáng dè nyan-ndó’t le Krist lé á unn tà ke rang karè ile dè’t ɓaa, um se Nube nan’t bɔk lé. Nanan ke nda njáng dè nyan-ndó’t le Krist ɓaa, um nan’t bɔk se Nube a, se Ngonn’n a tɔ.