Matthieu 10:4 - Nouveau Testament en Gulay 2004

⁴ Simon ke njè kile ra’n kɔke tede ɓee le’n a, se Judas Iskariot ke ndɔ ke è njèkunn dè Jésu.

Matthieu 10:4 Iomraidhean Croise

Matthieu 26:14

Judas Iskariot è njèkuwe-gir-Jésu ke karé dann njé ke dɔg-gidé-joo’t. E aw ra maw njékuje nyan-mesege’t ede de ede nè:

Matthieu 26:15

– Ke nè á m’ule Jésu nga ji si’t ɓaa, ké ri á a adi man wa? Maw njékuje nyan-mesege mbɔji nar-nda kɔr-mute adi Judas.

Matthieu 26:2

– Sei geri titeke nain ndɔ joo ɓaa à è ndɔ ra nan Paque. Man ke m’ee Ngonn doo nga, d’a d’uwe’m kule’m ji dooge ke geri Nube lé tede kàde ɓeri man dɔ kàde kage-ke-dese’t.

Matthieu 26:47

Loo ke tà nain tà Jésu’t ɓai ɓaa, Judas njèkuwe-gir-Jésu ke karé dann njé ke dɔg-gidé-joo’t ɔr non kos njérɔge mbuu tee’n pan. Kos njérɔge nè nga ei se kuye kaskar, se ɗugur kage ji de’t kêl-kêl. E maw njékuje nyan-mesege se ngatɔgege le kosdooge ke Israel á ulei kos njérɔge nè nga.

Matthieu 27:3

Judas ke ndɔ ke è njèkule Jésu ji de’t an titeke dé gangtà yo dè Jésu’t ɓá ta. Ndinge ra ase’n nák. E tel se nar-nda ke kɔr-mute nga aw’n ra maw njékuje nyan-mese’t se ngatɔgege le kosdooge ke Israel.

Marc 14:10

Go’t gugu Judas Iskariot, è ke karé dann njékuwe-gir-Jésuge ke dɔg-gidé-joo aw inge maw njékuje nyan-mesege. E ndige le kule Jésu ji de’t.

Marc 14:43

Loo ke tà nain tà Jésu’t ɓai ɓaa, ke loon’t nè kuwe Judas, è ke karé dann njé ke dɔg-gidé-joo’t tee pan se doobulege goon’t mbuu. Doobulege ke go Judas’t nga, ei maw njékuje nyan-mesege a, njékɔrgir gute-nduge se ngatɔgege le Israelge á ulei de. Doobulege nè nga reei se nyankatege se ɗugur kagege ji de’t kêl-kêl.

Tà ke Maje ke Luc ndang 22:3

Njè sú dooge ur kêm Judas’t ke ri tɔy’n nè Iskariot. Judas nga è è ke karé dann njé ke dɔg-gidé-joo’t.

Tà ke Maje ke Luc ndang 22:47

Loo ke tà nè nain tà Jésu’t ɓai ɓaa, an! dooge ɔri nan mbuu teei pan ke rann’t. Nè njèkuwe-gir-Jésu karé dann njé ke dɔg-gidé-joo’t ke ri’n nè Judas ɔr non de. E ree ngɔr ke ra Jésu’t le kuwe’n kàdenn’t sêm ra’n lapya.

Jean 13:2

Loo ke Jésu se njékuwe-girnge ndii tà nyankuse’t ɓaa, sú ree dubu tà kunn dè Jésu kêm ɓengre Judas Iskariot ngonn Simon.

Jean 6:64

Nè njé ke nange dann si’t undei kêm de dèm’t lé. Njé ke undei kêm de dè Jésu’t lé nga, è ger de kété mari loo kunn gir kule’t le’n. E ke ayé kule’n ji dooge’t nga géa è ger’n mbak ɓá a tɔ.

Jean 6:71

E tam tà nè nga titeke bè ɔje’n dè Judas ngonn le Simon Iskariot. Judas nga, è njèkuwe-gir Jésu ke karé dann madennge’t ke dɔg-gidé-joo. E è á ayé kule’n ji dooge’t kade tɔli nin.

Nyanra Njekawkulege 1:13

Loo ke dé tee kêm ɓee-bò ke Jérusalem ɓá ɓaa, ke loon’t nè kuwe, d’al d’aw kêm kei ke dè made’t ke è loo kinge nan le de se ndɔ de-ndɔ de. Ri de dé njékawkulege nga tò nè: Simon se Jean, Jacques se André, Philippe se Thomas, Barthélemy se Matthieu, Jacques ngonn Alphée se Simon ke njèkile ra’n kɔke tede ɓee le’n, se Jude ngonn Jacques a tɔ.

Nyanra Njekawkulege 1:25

Doo ke a ɔr’n nga, à è njè taa gute Judas loo kaw kule’t ke inye ɔte aw loo le’n ke ɔje dè’n è kuwe.