Matthieu 10:3 - Nouveau Testament en Gulay 2004

³ Philippe se Barthélemy, Thomas se Matthieu ke njètaa tirge, Jacques ngonn Alphée se Thadée.

Matthieu 10:3 Iomraidhean Croise

Matthieu 18:17

Ke nè á è mbate koo tà le dooge nè nga ɓai ɓaa, aw ede tà’n njékebenange le Nube. Ke nè á njékebenange le Nube kuwe è mbate koo tà le de ɓai ɓaa, maje kade an’n tite doo ke ger Nube lé a, ke njètaa tir karè a tɔ.

Matthieu 27:56

Marie ke ɓee le’n è Magdala se Marie ke kon Jacques se Joseph se kon ngannge le Zébédée géa ei dann dinyege’t nè nga tɔ.

Matthieu 9:9

Loo ke Jésu in loon’t nè à dese ɓaa, è an dingem karé ndi kêm kei taa tirge’t. Dingem nè nga ri’n nè Matthieu. Jésu ɓar’n ede’n ede nè: – Unn rebe goom’t. Ke loon’t nè kuwe, è ɔse nang in unn rebe go Jésu’t.

Marc 15:40

Dinyege ke nange ndai heb an-in nyan ke d’ade ra se Jésu nga sêw-sêw. Marie ke ɓee le’n è Magdala, Salomé se Marie ke kon Jacques ke ndêin a, se Joses a tɔ, ei se de nan’t.

Marc 2:14

Loo ke Jésu à dere le kaw ɓaa, è an Lévi ngonn Alphée ndi tà kei taa tirge’t. E ede’n ede nè: – Unn rebe goom’t. Lévi ɔse nang in, unn rebe go Jésu’t.

Marc 3:18

André, Philippe, Barthélemy a, Matthieu a, Thomas, Jacques ngonn le Alphée a, Thaddée, Simon doo ke ɓee le’n è Cana a,

Tà ke Maje ke Luc ndang 18:10

– Ndɔ karé bè dooge joo in-in awi kêm kei le Nube le kɔje se’n tà. Dooge ke joo nè nga, è ke karé è Pharisien a, è ke karé è njètaa tir a tɔ.

Tà ke Maje ke Luc ndang 18:11

Pharisien nè nga ɔse nang in nda dɔ mbeng, ɔje tà se Nube kêmn’t ede nè: «Hei! Nube, m’rai oiyo tede man m’ee tite gute dooge ke ei njéɓog-ge a, njéra nyan danné sêwge lé se njésang dinyege le made dege lé a tɔ. M’rai oiyo tede man tite njètaa tir ke nda nè nga lé a tɔ.

Tà ke Maje ke Luc ndang 18:13

Njètaa tir nga ɔse nang in nda dɔ gugu nú, è ndige kɔr kum’n kan’n loo ke dɔ lé a tɔ. Nè è unde kàde’n se ji’n ɗi ede nè: «Hei! Nube, ade kêmi tin mbit dèm’t tede man m’ee njèkaiya.»

Tà ke Maje ke Luc ndang 19:2

Doo karé bè ke è baw ndi kêm ɓee’t nè nga. Ri’n nè Zachée. E ngar le njétaa tirge.

Tà ke Maje ke Luc ndang 5:27

Go’t gugu Jésu unde loo tee. E an dingem karé ke njètaa tir ke dé ɓar’n Lévi ndi nanga loo taa tir’t. Jésu ede’n ede nè: – Unn rebe goom’t.

Jean 1:48

Nathanael deje Jésu ede nè: – Ké i ger’m loo ke ra’t wa? Jésu tel ile’n dè’t ede nè: – Kété ɓita kade Philippe ɓari loo ke ndɔ ke i ndii’n gir kage koté’t nga, m’an-in mari bere.

Jean 11:16

Thomas ke ri tɔy’n è ndunge ede njékuwegir-Jésu madennge ede nè: – Jèi géa, adi j’awi j’weii se Jésu nan’t.

Jean 14:22

– Kuwe-ɓee, ké bain jè tá a kɔrgir rai kade jè anje kɔr kade dooge ke dè nang nè wa?

Jean 14:5

Thomas deje Jésu ede nè: – Kuwe-ɓee, jè ger loo ke i ndi a aw tutu nga lé. Ké j’ase ger rebe’n titeke bain wa?

Jean 14:9

Jésu tel ile Philippe dè’t ede nè: – Philippe, man ke m’ndi se si nan’t mari bere nè kuwe i ger’m lé ɓai wa? Doo ke an’m ɓaa, an Bɔ’m tɔ. A ɓaa, ké bain taɓai á i tam se’m ede nè: «I tɔje jè Bɔi wa?»

Jean 21:2

Simon Pierre, Thomas ke ri tɔy’n nè: «Ndunge», Nathaniel ke ɓee le’n è Cana ɓeekon ke Galilée, ngann le Zébédéege ke joo se njékuwe-girnge ke rang joo tɔ. Ei nè malang ndii nan’t loo karé kêm ndɔn’t nè.

Nyanra Njekawkulege 1:13

Loo ke dé tee kêm ɓee-bò ke Jérusalem ɓá ɓaa, ke loon’t nè kuwe, d’al d’aw kêm kei ke dè made’t ke è loo kinge nan le de se ndɔ de-ndɔ de. Ri de dé njékawkulege nga tò nè: Simon se Jean, Jacques se André, Philippe se Thomas, Barthélemy se Matthieu, Jacques ngonn Alphée se Simon ke njèkile ra’n kɔke tede ɓee le’n, se Jude ngonn Jacques a tɔ.

Nyanra Njekawkulege 12:17

Pierre yei de ji’n le kade d’ebe’t tam tà. E ɔr ser kɔr ke Kuwe-ɓee ɔr’n dangai’t ade d’oo. Pierre tel ede de ede nè: – Ɔri ser nyan nè nga adi Jacques se njétaakêm-Kristge ke rang ooi. Go’t gugu, è unde loo tee aw loo ke rang’t.

Nyanra Njekawkulege 15:13

Loo ke ei ebi’t tam tà ɓá baa, Jacques unn tà ke le’n tam ede nè: – Ngakonmge, uri mbi si ooi tà le’m ɓita.

Nyanra Njekawkulege 21:18

Barè lookar’n ɓaa, Paul aw se jé ra Jacques’t, ngatɔgege malang reei ingei jè rann’t.

Nje Ke Galatie 1:19

M’an doo ke rang dann njékawkulege’t lé, nè Jacques ngokon Kuwe-ɓee kuwe se kar’n á m’an’n.

Nje Ke Galatie 2:9

Jacques se Céphas se Jean ke ndɔ ke d’an de ke kage ngadann kei nga, loo ke an-in noje ke Nube uwe se’m ɓaa, ulei jikon de adi jè se Barnabas umi se jé nan’t bɔk. Gir’n ke nè á man se Barnabas jee’n njékaw kile mber Tà ke Maje kade njé ke ei Juipge lé, nè ei ɓaa ei njékaw kile mber Tà ke Maje kade Juipge tɔ.

Jacques 1:1

Man Jacques, ɓer kule le Nube se Kuwe-ɓee Jésu-Krist, m’ndang magtub nè m’ade girkàge le Israel ke dɔg-gidé-joo ke yali nan karé-karé m’ra’n de lapya.

Jude 1:1

Man Jude, ɓer kule le Jésu-Krist, man ngokon Jacques. M’ndang magtub nè m’ade njé ke Bɔ jéi Nube ɓar de. Njé ke Bɔ jéi Nube ɓar de nga, ei lennge. E an dè de sêw-sêw takul Jésu-Krist.