Matthieu 10:28 - Nouveau Testament en Gulay 2004

²⁸ Njé ke à tɔli danra si nè asikum tɔl nganrankum ra si lé nga, i ɓeli de lé. Nè è soo’t kade i ɓeli ndil Nube ke asekum kade dé tɔl danra si se nganrankum ra si nan’t bere mbak kum de dann loo ke tur’t.

Matthieu 10:28 Iomraidhean Croise

Matthieu 10:26

I ɓeli dooge nè nga ndan lé. Nyan karé ke tò loo ɓɔyɔn’t ɗarinè ke d’a nal tee se gir’n ke nata goto a, nyan karé ke tò loo ngeinn’t ɗarinè ke d’a nal kuje gir’n ke nata ndát-ndát goto a tɔ.

Matthieu 25:46

Njé ke ndai dè jigel à ɔti kawi loo ke kure nyan ra de à ɔde kum de tutu sár se non. Nè njé ra nyan se dè najennge à ɔti kawi loo ndikumgajer sár se non.

Matthieu 5:22

Nè man m’ede sei, nanan ke ra wong se ngokon’n ɓaa, d’a gangtà dènn’t. Nanan ke tam se ngokon’n ede nè: «I mbe» ɓaa, d’a d’aw se’n loo gangtà’t ke bò. Nanan ke tam se ngokon’n ede nè: «Kêmi tɔ kuju tà lé» ɓaa, a inge ndutɔr lé sár nè kure nyanra’n à ɔde kum’n labi-labi.

Jean 5:29

Njé ra nyan majege à undei loo teei kawi loo ndikumgajer’t. Njé ra nyan majelége à undei loo teei kawi loo gangtà’t a tɔ.

Nyanra Njekawkulege 21:13

Ke loon’t nè kuwe, Paul deje de ede nè: – Ké tede ri á i non-in adi ɓengre’m ayé gang’n dɔs wa? Man m’uwe dè nja ra’m le kade dé tɔɔ’m á go karé lé, nè m’uwe dè nja ra’m le kwei tede ri Kuwe-ɓee Jésu kêm ɓee-bò ke Jérusalem.

Hebreuge 10:31

Koso ke doo à nal pater koso ji Nube ke njèndi kumgajer’t nga, è nyan ke tò ɓel ngain.

Hebreuge 11:35

Dinyege undei kem̂ de dè Nube’t. Titeke bè á ndɔ ke njé ke nange teli ingei dooge le de ke undei loo teei dann njé ke koo’t. Dingemge ke nange ndɔ ke dé ra se de nyantosowurge, nè né è bè géa, ei mbati kade doo taa de inye de dɔ. Ei rai titeke bè tede undei kem̂ de tchên dè kunde loo tee dann njé ke koo’t ke maje ngain gée nga.

Jacques 4:12

Nube kuwe karé á njèkunde gir gute-ndu a, è njègangtà a tɔ. E nga asekum kaje doo éké asekum tuju doo a tɔ. Nè i ke njègangtà dè doo ndul madi’t nga, ké i nan wa?

1 Pierre 3:14

Ke nè á ingei kem̂kon tede nyanra si ke se dè naje’n ɓaa, ali ra si. I ɓeli dooge lé a, adi kem̂ si olé bɔt-bɔt lé a tɔ.

Lookilera’n 2:10

I ɓel nyankumndoo ke à rai nga lé. An! njè kem̂ majelé à tile dooge ke nange dann si’t dangai’t tede nan’n sei. Nyantosowur à ra sei ndɔ dɔg. Um kem̂i dèm’t i nda njang sár ndɔ kwei’t ɓaa, m’a m’adi jɔkɔ kunn banga ke ndikumgajer nga tɔ.