Matthieu 10:25 - Nouveau Testament en Gulay 2004

²⁵ Maje kade njèndó nyan è tite njèndó’n nyan bè a, maje kade ngonn njèndi è tite kuwe’n bè a tɔ. Ke nè á d’ile ri-tɔi kuwe-kei d’ede nè: Ngar le ndilge ke majelé ɓaa, ké njékêmkeige le’n nga d’a t’ile ri de dum le’n è ɓai lé wa? Kuwe-kei géa á dé ɓar’n Ngar le ndilge ke majelé nè a njékêmkeige le’n tá ɓai wa?

Matthieu 10:25 Iomraidhean Croise

Matthieu 12:24

Loo ke Pharisienge ooi tà nè nga bè ɓaa, teli tami edi nè: – Doo nè nga rɔ ndilge ke majelé se tɔgmong ke Béelzébul, ngar le ndilge ke majelé ade’n.

Matthieu 12:27

Ke nè á m’rɔ ndilge ke majelé kɔke se tɔgmong ke Béelzébul ade’m ɓaa, ké nan ade tɔgmong pajage le si á rɔii ndilge ke majelé nga ta wa? Gir’n ke nè á dé pajage le si kuwe d’a k’ee njégangtà dè sige’t.

Matthieu 9:34

Pharisienge tami edi nè: – E takul ngar le ndilge ke majelé á è rɔ’n ndilge ke majelé nè nga kɔke.

Marc 10:39

Jacques se Jean ilei Jésu dè’t edi nè: – J’asekum ra nyan nè nga kuwe. Jésu tel ede de ede nè: – Kerɔte kuwe, a an-in nyan ke kêm kal mann’t ke m’a m’an-in a, d’a d’ule sei manné njonm titeke d’a d’ule’m nga a tɔ.

Marc 3:22

Njékɔrgir gute-nduge ke in-in kêm ɓee-bò ke Jérusalem reei tami edi nè: – Jésu nga, ngar le ndilge ke majelé ke ri’n nè Béelzébul tò kêmn’t. E takul ngar le ndilge ke majelé nè á è rɔ’n ndilge ke majelé kɔke.

Tà ke Maje ke Luc ndang 11:15

Nè njé ke nange dann de’t edi nè: – Jésu rɔ ndilge ke majelé se tɔgmong le ngar le de ke ri’n nè Béelzébul ade’n.

Tà ke Maje ke Luc ndang 11:18

Ke nè á njé ke Mweisekar’m lé on de in-in kayai nan danné loo joo rɔi nan ɓaa, ké tɔgmong le Mweisekar’m lé à tò kuwe wa? Tede sei i tami edi nè: «M’rɔ ndilge ke majelé se tɔgmong ke ngar le de Béelzébul ade’m.»

Tà ke Maje ke Luc ndang 11:19

Ke nè á m’rɔ ndilge ke majelé se tɔgmong le Béelzébul ɓaa, ké nan ade tɔgmong pajage le si á rɔi ndilge ke majelé nga ta wa? Dé pajage le si nè kuwe d’a d’in se si dè tà tam si’t nè ɓai.

Jean 10:20

Njè ke nange bule dann de’t tami edi nè: – N’ee nga, kumen tò kêmé’t a, bile rayé a tɔ. Ké uri mbi si ooi ta leyé tede ri wa?

Jean 7:20

Doobulege teli ilei Jésu dè’t edi nè: – I kumen, ké nan dann jé’t á sang le kade dé tɔli wa?

Jean 8:48

Juipge teli deji Jésu edi nè: – Tam ke jè tam kété j’ede nè i doo ke kêm ɓee-bò ke Samarie karè a, kumen tò kêmi’t a tɔ nga, ké è loon’t lé wa?

Jean 8:52

Juipge edi Jésu edi nè: – Ɗarinè jè ger titeke kumen tò kêmi’t kerɔte kuwe. Abraham wei ɓá, njéribe-dè-tàge ke tà Nube’t géa weii ɓá a tɔ. Nè i ɓaa i tam ede nè: «Ke nè á doo karé an dè tà le’m sêw-sêw ɓaa, yo à tɔl’n ndan lé.»