Matthieu 10:22 - Nouveau Testament en Gulay 2004

²² Dooge malang à ɔri sei njêt tede ri’m man. Nè è ke nda dè njann’t njáng sár ndɔ ke ngeinn’t ɓaa, Nube à aje’n.

Matthieu 10:22 Iomraidhean Croise

Matthieu 10:39

Nanan ke sang le kaje ra’n ɓaa, ndɔn’t à ile ra’n kɔke salang. Nanan ke ile ra’n kɔke salang tede’m man ɓaa, à tel kinge ra’n ɓai.

Matthieu 24:13

Nè nanan ke nda dè njann’t njáng sár ndɔ ke ngeinn’t ɓaa, d’a d’aje’n.

Matthieu 24:9

D’a tuwe sei ra kum si ndoo a, d’a tɔl sei a, dooge ke geri Nube lé à ɔri sei njêt a tɔ, tede ri’m man ke m’ee Ngonn doo nga.

Matthieu 5:11

Loo ke dooge à taji sei a, a rai kum si ndoo a, a teti tàge ke majelé gai-gai kundei tà si’t tede k’ee ke sei njékuwe-girmge nga ɓaa, adi ra si nel sei.

Marc 13:13

Dooge malang à ɔri sei njêt tede tà le’m. Nè doo ke orè tà’n njak sár wei’n ɓaa, Nube à aje’n.

Tà ke Maje ke Luc ndang 21:17

Dooge malang à ɔri sei njêt tede ri’m man ke m’ee Ngonn doo nga.

Tà ke Maje ke Luc ndang 21:19

Takul korè tà njak le si á d’a kaje’n nganrankum ra si.

Tà ke Maje ke Luc ndang 6:22

Ke nè á dooge ɔri sei njêt a, dé mbate sei a, dé taje sei a, se d’an sei ke dooge ke majelé tede k’ee ke sei njékuwe-gir’m man ke m’ee Ngonn doo nga ɓaa, adi ra si nel sei!

Tà ke Maje ke Luc ndang 8:15

Njar ko ke tée toso dè nang ke maje’t nga, ei dooge ke ooi Tà ke Maje se kêmnda káng ɓaa ngonmi dè ɓengre de’t a, ligri dè’t lagr-lagr sár adi kann de tò tutu.

Jean 17:14

M’ribe dè tà lei made de, nè njé ke dè nang nè ɔri de njêt tede dé le nang nè lé titeke man géa m’ee le nang nè lé nga tɔ.

Jean 7:7

Sei ɓaa, dooge ke dè nang nè asikum kɔr sei njêt lé, nè man ɓaa dooge ke dè nang nè ɔri man njêt tede kɔr ke m’ɔr gir nyanra de ke majelé ke nata se ndɔ’m-ndɔ’m.

Nyanra Njekawkulege 9:16

Doo nè nga, man kuwe m’a m’tɔje’n nyankêmkonge malang ke à inge tede ri’m gar-gar.

Nje Ke Rome 2:7

Njé ke sangi le rai nyan ke maje se ndɔ de-ndɔ de tede le kinge’n ndubra le Nube a, riɓar a, se ndikumgajer se non a tɔ nga, Nube à ade à ndii se’n sár se non.

2 Nje Ke Corinthe 4:11

Jè ndi kumgajer kuwe, nè se ndɔge malang jè ndi tà yo’t ɔje dè tà le Krist. Jè ndi tà yo’t se ndɔ jé-ndɔ jé tede kade ndikumgajer le’n too’n nata ndái-ndái ra jé ke à jɔri’t nga.

Nje Ke Galatie 6:9

Adi kem̂ jéi tête mann dè ra nyan ke maje’t nga lé. Ke nè á j’adi ji jéi sɔl giré lé ɓaa, ndɔn’t j’à j’ujei kann’n ɓai.

Hebreuge 3:14

Ke nè á jè ndai njáng dè kundekem̂’t le jéi ke desêin sár ndɔ ke ngeinn’t ɓaa, j’à j’oréi nan se Krist dè nyanbawge’t le’n kerɔte kuwe.

Hebreuge 6:11

Nè jè ndige kade nanan géa dann si’t ute ra’n kalang titeke kété sár kade è an’n nyan ke è unde kem̂’n tchên dè’t nga se kum’n ndɔ ke rang.

Jacques 1:12

Doo ke oré tà’n njak dè nyange ke nann’t ɓaa, ra’n à nel’n. Doo ke orè tà’n njak dè nyange ke nan-in nin ɓaa à inge jɔkɔ kunn banga le ndii’n kumgajer. Jɔkɔ kunn banga nga, ndɔ ke Nube unn’n ndu’n le kade njé ke tárii.

1 Jean 3:13

Ngakonmge, ke nè á dooge ke dè nang nè ɔri sei njêt ɓaa, adi ndil si tee an-in soin-soin lé.

Lookilera’n 2:10

I ɓel nyankumndoo ke à rai nga lé. An! njè kem̂ majelé à tile dooge ke nange dann si’t dangai’t tede nan’n sei. Nyantosowur à ra sei ndɔ dɔg. Um kem̂i dèm’t i nda njang sár ndɔ kwei’t ɓaa, m’a m’adi jɔkɔ kunn banga ke ndikumgajer nga tɔ.

Lookilera’n 2:17

Nanan ke ka mbi’n tò tutu ɓaa, maje kade ur mbi’n maje oo’n tà ke Ndil ede njékebe nange le Nube. Dooge ke têti rɔ ɓaa, m’a m’ade de mur ke tò loo ɓɔyɔn’t ke ri’n nè manne kade on-in. M’a m’ade’n ngonn her ke nda kade ɔr’n tà dè dooge’t. Ri ke kige ke dé ndang tu ngonn her ke nda’t nè nga, doo ke rang karé bè géa ger lé. Nè doo ke inge ngonn her ke nda nè kuwe se kár’n bere á ger.»

Lookilera’n 2:26

Dooge ke têti rɔ a, ilei koje dèm’t sár ndɔ ke ngeinn’t ɓaa, m’a m’ade de tɔgmong ke ndɔ ke Bɔ’m ade’m. M’a m’ade de tɔgmong kade on-in ɓee.

Lookilera’n 2:3

M’ger titeke i nda dè njai’t njáng a, oré tài njak dè nyankem̂konge ke ndɔ ke rai tede tà le’m a tɔ. Nè kem̂i tête mann lé.

Lookilera’n 2:7

Nanan ke ka mbi’n tò tutu ɓaa, maje kade ur mbi’n oo’n tà ke Ndil ede njékebe nange le Nube. Dooge ke têti rɔ ɓaa, m’a made de kann kage ndikumgajer ke tò loo ke maje’t le Nube kade usei.»

Lookilera’n 3:21

Doo ke tête rɔ ɓaa, m’a m’ade à ndi se’m kutu-ngar’t le’m, titeke man géa m’tête’n rɔ ɓita m’aw m’ndi’n se Bɔ’m dè kutu-ngar’t le’n ɓai.