Matthieu 10:2 - Nouveau Testament en Gulay 2004

² Njékawkulege ke dɔg-gidé-joo nga ri de á tò nè: E ke desêin è Simon ke dé ɓar’n Pierre se ngokon’n André, Jacques ngonn Zébédée se ngokonn Jean,

Matthieu 10:2 Iomraidhean Croise

Matthieu 17:1

Loo ke ra ndɔ mute-mute ɓaa, è ɔr Pierre se Jacques se ngokon’n Jean njɔl aw se de se kar de bere dè mbal ke ngal lêng-lêng.

Matthieu 20:20

Kon Jacques se Jean ngann le Zébédée ree se de ra Jésu’t. E ɔse keje’n nanga non Jésu’t le deje’n nyan karé.

Matthieu 26:37

Jésu ade Pierre se ngann le Zébédéege ke joo awi se’n nan’t. Nyantosowur unn gir taa ra’n pel-pel ade kàde’n gete get-get.

Matthieu 4:18

Ndɔ karé bè, Jésu njiye se tà ba ke Galilée. E an ngakon nange joo: Simon ke dé ɓar’n Pierre se André ndai ilei bure dann ba’t tede ei mbawge ke njékɔse kanjege.

Matthieu 4:21

Loo ke Jésu aw mbɔr ke kété ɓai ɓaa, è an ngakon nange ke rang joo Jacques se Jean ngann le Zébédée ndii se bɔ de kêm ngonn bato’t à tilei kum burege le de. Jésu ɓar de tɔ.

Marc 1:29

Loo ke Jésu unde loo tee nata kêm kei kebe nan’t ɓaa, ke loon’t nè kuwe è se Jacques se Jean, awi kêm kei le Simon se André.

Marc 13:3

Jésu ndi dè mbal ke kage olivierge ndai tutu sɔbe kàde kei le Nube. Pierre se Jean se Jacques a, se André a tɔ deji Jésu tà, loo ke nain-in se’n se kar de edi nè:

Marc 6:30

Njékawkulege teli reei ɔsi nja nan ra Jésu’t ɔri ser kulege malang ke kété rai a, se nyange malang ke kété ndói dooge a tɔ adi oo.

Tà ke Maje ke Luc ndang 11:49

Gir’n ke nè á, Nube ke njèkumkunju tam’n tà kété ɔje’n dè si ede nè: «M’a m’ule se njéribe-dè-tàge se njékawkulege kade de. D’ade tɔl njé ke nange a, d’a d’ɔr njé ke nange kororoi a tɔ.»

Tà ke Maje ke Luc ndang 22:14

Loo ke kàde ase ɓá ɓaa, Jésu se njékawkulege unni gir kuse nyan.

Tà ke Maje ke Luc ndang 22:8

Jésu ɔr Pierre se Jean ule de ede nè: – Ɔti awi uwei dè nja nyan ra nan Paque le kade j’usei.

Tà ke Maje ke Luc ndang 5:10

Jacques se Jean ngann le Zébédée ke njémade-kulege le Simon nga géa, ɓel unde de ndàt gang de tɔ. Gir’n ke nè á, Jésu ede Simon ede nè: – Ebe’t ɓel, unn gir’n ɗarinè, à i njèndon kanjege lé ta, nè a i njèndon dooge.

Tà ke Maje ke Luc ndang 9:10

Loo ke njékawkulege in-in mba’t teli reei ɓá ɓaa, ɔri ser nyange malang ke rai adi Jésu oo se de. E ɔr ra’n se de aw se de ngang loo’t nata kum’n ke ɓee ke Bethsaida.

Jean 12:22

Philippe in se tà nè aw’n ede André ɓita in-in nan’t joo mbak awi edi Jésu ɓai.

Jean 13:23

Njèkuwe-gir-Jésu karé ke è tár’n ngain ndune ra’n kàdenn’t.

Jean 20:2

Marie ɔse wan tel se ngɔde ree ra Simon Pierre’t se njèkuwe-gir-Jésu karé ke rang ke Jésu ndige’n ngain. Marie ede de ede nè: – D’ɔr ninn Kuwe-ɓee Jésu kêm bolè mbal’t nga kɔke. Nè jè ger loo ke d’ile tutu lé.

Jean 21:2

Simon Pierre, Thomas ke ri tɔy’n nè: «Ndunge», Nathaniel ke ɓee le’n è Cana ɓeekon ke Galilée, ngann le Zébédéege ke joo se njékuwe-girnge ke rang joo tɔ. Ei nè malang ndii nan’t loo karé kêm ndɔn’t nè.

Jean 21:20

Pierre tel mer goo’n. E an njèkuwe-gir-Jésu ke ndɔ ke tò kàde Jésu’t tá use’n nyan. Pierre an’n njiye go de’t se Jésu. Njèkuwe-gir-Jésu nè nga, Jésu tár’n ngain. E è nè á ndɔ ke deje Jésu mêt ede nè: «Kuwe-ɓee, ke nan à ulei ji dooge’t wa?»

Jean 21:24

E njèkuwe-gir-Jésu nè nga kuwe á ɔrgo tà nyange ke ndɔ ke an se kum’n a, se tàge ke ndɔ ke oo se mbin’n a tɔ. E ndang de kêm Magtub’t nè. Jè ger titeke tà ke è ɔrgo nga è ngarankum tà kerɔte kuwe.

Jean 6:67

Jésu tel deje njé ke dɔg-gidé-joo ede nè: – A ɓaa sei, ké i ndigi kaw tɔ wa?

Jean 6:70

Jésu tel deje de ede nè: – Sei ke dɔg-gidé-joo nè nga, ké è man kuwe á m’tɔr sei lé wa? Nè né è bè géa, è ke karé dann si’t tel è doo le sú ke njèkêmyêr.

Jean 6:71

E tam tà nè nga titeke bè ɔje’n dè Judas ngonn le Simon Iskariot. Judas nga, è njèkuwe-gir Jésu ke karé dann madennge’t ke dɔg-gidé-joo. E è á ayé kule’n ji dooge’t kade tɔli nin.

Jean 6:8

Njèkuwe-gir-Jésu karé dann madennge’t ri’n nè André, ngokon Simon Pierre, ede Jésu ede nè:

Nyanra Njekawkulege 1:13

Loo ke dé tee kêm ɓee-bò ke Jérusalem ɓá ɓaa, ke loon’t nè kuwe, d’al d’aw kêm kei ke dè made’t ke è loo kinge nan le de se ndɔ de-ndɔ de. Ri de dé njékawkulege nga tò nè: Simon se Jean, Jacques se André, Philippe se Thomas, Barthélemy se Matthieu, Jacques ngonn Alphée se Simon ke njèkile ra’n kɔke tede ɓee le’n, se Jude ngonn Jacques a tɔ.

Nyanra Njekawkulege 1:26

Dé tur jala dè’t le kan ké nan Kuwe-ɓee à ɔr’n dann dooge ke joo nè nga wa? Nè Matthias á jala ɔse’n ade d’ule’n dann njékawkulege ke nain-in dɔg-gidé-karé.

Nyanra Njekawkulege 12:2

E ade d’uwe Jacques ngokon Jean dé tɔl’n se kuye kaskar.

Nyanra Njekawkulege 3:1

Ndɔ karé bè, loo ke kàde tel ra’n se mbɔr’n, Pierre se Jean à awi ke kêm kei’t le Nube le kɔji se’n tà.

1 Nje Ke Corinthe 15:7

Go’t gugu, è unde loo tee pan ke kum Jacques’t. Ndɔ ke rang, è unde loo tee pan ade njékawkulege malang an-in nin a tɔ.

Nje Ke Ephese 4:11

E è kuwe á uwe noje se dooge ade njé ke nange ei njékawkulege a, ade njé ke karége ei njéribe-dè-tàge ke tà Nube’t a, ade njé ke nange ei njékile mber Tà ke Majege a, ade njé ke karége ke rang ei njékul dooge a, è ade njé ke nange ei njéndó dooge nyan a tɔ.

Hebreuge 3:1

Gir’n ke nè á, ngakonmge, sei ke i tooi se ninn si ke Nube ɓar sei nga, i giri dè Jésu’t. Jésu nga Nube ule’n ade è maw njèkuje nyan-mese ɔje dè kundekem̂ ke jè ndi j’ile mber’n.

1 Pierre 1:1

Man Pierre, njèkawkule le Jésu-Krist, m’ndang magtub nè m’ade njé ke Nube ɔr de unde de se ninn de ke ei njé nanmge ke sanrin nan awi ndii kem̂ ɓeekonge ke Pont, Galatie, Cappadoce, Asie a, se Bithynie a tɔ.

2 Pierre 1:1

Man Simon Pierre ɓer le Jésu-Krist a, se njèkawkule le’n a tɔ. M’ndang magtub m’ade njé ke undei kem̂ dè Jésu’t titeke j’unde’n kem̂ jéi dènn’t nga a tɔ. Kundekem̂ ke gate’n è ngain ke tɔje ndá Nube ke njè ra nyan se dè naje’n a, tɔje ndá Jésu-Krist ke njèkaje jèi a tɔ.

2 Jean 1:1

Man ngatɔge doo nga, m’ndang magtub nè m’adi i Kyria se ngannige. I nga i dinye ke d’undei se ninn’n gai. I se ngannige malang nga, m’tár sei kerɔte kuwe. E man á m’tár sei se kar’m lé, nè dooge malang ke geri ngarankum tà nga géa tári sei tɔ.

3 Jean 1:1

Man ngatɔge doo nga, m’ndang magtub nè m’ade kotár le’m Gaius ke m’tár’n ke kerɔte kuwe.

Lookilera’n 1:1

Nyange ke tooi loo ɓɔyɔn’t ke Nube ribe dè ade Jésu-Krist. Jésu-Krist ribe dè nyange ke tooi loo ɓɔyɔn’t nè nga ade ɓer kulege le’n. Nyange ke Nube ade Jésu-Krist ribe dè ade ɓer kulege le’n nga, gar-gar ei nyange ke à reei ngɔr kuwe. Jésu-Krist ule doo le’n ke danrán karé ade ree tɔje Jean ɓer le’n nyange nè nga.

Lookilera’n 1:9

Man m’ee ngokon si Jean á m’ndang magtub nè. M’um se Jésu nan’t bɔk tite si sei tɔ. Man nga m’ee made ɓee le si ɔje dè konɓee le Nube. Nyantosowur ke ra sei á oréi tà si njak i ndii nginei ndɔ tel ree le Krist nga, man géa ra’m se si tɔ. Man Jean nga d’uwe’m d’aw se’m d’ile’m dè goré loo ke ri’n nè Patmos tede tà le Nube ke ndɔ ke m’ile mber’n a, tede tà le Jésu ke ndɔ ke m’ɔrgo a tɔ.

Lookilera’n 18:20

Sei ke i ndii danran, i rai ranel! Sei kosdooge le Nube ke i tooi se ninn si, njékawkulege a, se njéribe-dè-tàge ke tà Nube’t a tɔ nga, ali ra si ɔje dè tuju ke Nube tuju ɓee-bò nè nga! E è Nube kuwe á gangtà se dè naje’n dè ɓee-bò’t nè ɔje’n dè majelége ke ndɔ ke ra se si.

Lookilera’n 22:8

E man Jean kuwe á m’oo tà nè se mbi’m a, m’an nyange nè se kum’m a tɔ. Loo ke m’oo tà nè a, m’an nyange nè bè ɓaa, m’oso nang nja doo ke danrán ke kété tɔje’m nyange nè nga le ɗɔi’n.