Matthieu 10:17 - Nouveau Testament en Gulay 2004

¹⁷ I ndai kêm si se dooge lé, tede à ulei sei ji njégangtàge’t a, à tundei sei se ndêin maru kêm kei kebe nange’t a tɔ.

Matthieu 10:17 Iomraidhean Croise

Matthieu 10:18

D’ade kali sei kaw se si non njékonɓeege’t se non ngarge ke bò tede tà le’m. Bè ɓaa, ɔri go tà le’m adi de a, adi dooge ke ei Juipge lé a tɔ.

Matthieu 20:19

Dé nè nga, d’a d’in se’m ke kété kule’m ji dooge ke geri Nube lé le kade ulei mbe dèm’t. A undei man se ndêin a, à ɓeri man kàde kage-ke-dese’t a tɔ. Nè ndɔ ke njèkon’t mute ɓaa, man m’unde loo tee dann njé ke koo’t.

Matthieu 23:34

Gir’n ke nè á an-in! m’a m’ule se njéribe-dè-tàge ke tà Nube’t se njékumkunjuge a, se njéndang magtubge a tɔ ra si’t. Nè sei a tɔli njé ke karége a, a i ɓeri njé ke nange kàde kage-ke-dese’t a, a i tundei njé ke nange se ndêin maru kêm kei kebe nan’t le si a, a ɔri njé ke nange kororoi se kêm ɓee-ɓee a tɔ.

Matthieu 26:59

Nè maw njékuje nyan-mesege se njégangtàge sangi dooge kade têti tà undei tà Jésu’t le kade adi dé tɔl’n.

Matthieu 5:22

Nè man m’ede sei, nanan ke ra wong se ngokon’n ɓaa, d’a gangtà dènn’t. Nanan ke tam se ngokon’n ede nè: «I mbe» ɓaa, d’a d’aw se’n loo gangtà’t ke bò. Nanan ke tam se ngokon’n ede nè: «Kêmi tɔ kuju tà lé» ɓaa, a inge ndutɔr lé sár nè kure nyanra’n à ɔde kum’n labi-labi.

Marc 13:12

Ngakon nange ke dingem joo à unni dè nan. Njè ke tɔge à unn dè njè ke ndêin kade dé tɔl’n. Bɔ ngannge à unni dè ngann dege le kade dé tɔl de a, ngannge géa à unni dè bɔ dege le kade dé tɔl de a tɔ.

Marc 13:9

Nè sei ɓaa, kêm si dè ra si’t ɔje dè nyange ke d’ade ra se si. D’ade tuwe sei kaw se si gangtà dè si’t a, d’ade tunde sei kêm kei kebe nange’t a tɔ. D’ade kali sei kaw se si non njékonɓeege’t se non ngar-ɓeege’t a tɔ, tede tà le’m man le kade ɔri go tà le’m adi de.

Tà ke Maje ke Luc ndang 12:11

Loo ke d’ade kali sei kaw se si gangtà dè si’t kêm kei kebe nange’t éké non ngar ɓeege’t, éké non njékonɓeege’t géa, adi kêm si tò kekek dè gos ke a ɔri tà le taai dè si, éké dè tà ke kum tam’t nga lé a tɔ.

Jean 11:47

Maw njékuje nyan-mesege se Pharisienge ɔsi nja njégangtàge nan’t deji de edi nè: – Ké ri á j’à rai ta wa? Doo nyan le doo ke dé ɓar’n Jésu nè nga ra nyankɔbege ngain.

Jean 16:2

D’ade rɔ sei kêm kei kebe nange’t. Kàde ke ndɔn’t nè, dooge malang à in-in tami kedi nè: «sei njé mbate Nubege» à ree non. Gir’n ke nè á, ndɔn’t d’a tɔl’n sei ke nyankuje-mese kede nè n’ilei riɓar dè Nube’t.

Nyanra Njekawkulege 17:14

Ke loon’t nè kuwe, njétaakêm-Kristge ulei se Paul ade aw kum’n se ke tà ba-bò kate’t, nè Silas se Timothée á nain-in kêm ɓee ke Bérée.

Nyanra Njekawkulege 22:19

M’tel m’ede’n m’ede nè: «Kuwe-ɓee, dooge geri mbak titeke è man kuwe á m’aw se kêm kei kebe nan, kêm kei kebe nan, m’tuwe njé ke undei kêm de dèi’t. M’unde de se ndêin maru a, m’um de dangai’t a tɔ.

Nyanra Njekawkulege 26:11

Nja bule, m’aw se kêm kei kebe nange karé-karé malang, m’ra se de nyan ke tur. Taɓai m’unde tɔge dè de’t le kade d’inye go ri Jésu. Wong ra’m dè de’t ngain gée ade m’ɔr de kororoi sár m’tee se de heb se dè ɓee, dè ɓee.

Nyanra Njekawkulege 9:2

deje’n magtubge tede kaw’n kêm kei kebe nange’t kêm ɓee-bò ke Damas. Saul ra titeke bè tede kade ke nè á inge dingemge éké dinyege ke nange ke unni rebe le Kuwe-ɓee Jésu ɓaa, ayé tuwe de, tɔ de ree se de kêm ɓee-bò ke Jérusalem.

Nje Ke Philippes 3:2

Undei kum si go bisege’t lé a, undei kum si go njékulege ke majelé lé a, undei kum si go njé sule sei kade ujei tà mɔte sige lé a tɔ.

2 Timothee 4:15

I géa, an’n maje tede è ute tàge le jéi mbeng-mbeng kɔke.

Hebreuge 11:36

Nè njé ke nange ke rang ɓaa, ndɔ ke d’ule mbe dè de’t a, dé tunde de se ndêin a tɔ. Ndɔ ke dé tɔ njé ke nange se sul a, dum de dangai’t a tɔ.