Matthieu 10:16 - Nouveau Testament en Gulay 2004

¹⁶ An-in! man m’ule sei titeke doo ule’n batege dann bise-kɔrge’t bè. Undei kumkunju dè ra si’t asenan se lige bè a, adi kêm si nda káng-káng tite der-ndage bè a tɔ.

Matthieu 10:16 Iomraidhean Croise

Matthieu 24:25

Gir’n ke nè á man m’ede’n sei tà nyange nè nga kété kade ooi.

Matthieu 24:45

Ké nan è ngonn njèndi ke gang tchat ke kuwe’n ɔr’n unde’n dè gute madennge’t le kade kai de nyankuse de se ndɔ karé-karé malang wa?

Matthieu 25:2

Njé ke mige dann de’t ei njé kêm tɔ kuju tà lége a, njé ke mige ei ke gangi tchatge a tɔ.

Matthieu 25:4

Nè njé ke gangi tchat nga otoi lampege le de ji de’t se wubu’n nan’t mbak.

Matthieu 25:9

Ngamandege ke gangi tchat nga teli ilei de dè’t edi nè: «Naje, naje, wubu le jé nga ase kade jè kayai nan lé. Sei kuwe ɔti awi ɓee le njé kigennge i ndogoi le si.»

Tà ke Maje ke Luc ndang 10:3

Awi, an-in! sei i tooi asinan se ngann batege ke m’ule de dann heng-ge’t bè.

Tà ke Maje ke Luc ndang 21:15

Tede tà kumkunju ke m’a m’ule tà si’t nga, doo karé bè géa dann njébange’t le si asekum naje sei tà’t éké kile sei dè tà’t ndan lé.

Nyanra Njekawkulege 20:29

Man m’ger mbak, loo ke m’a m’in kaw ɓaa, heng-ge ke tooi ɓel à uri dann si’t le sanrin bate kosge nè nga.

1 Nje Ke Corinthe 14:20

Ngakonmge, i teli ngannge ɔje dè gangtà nga lé. I teli ngannge ɔje dè majelé nè maje kade sei dooge ke tɔge káng-káng ɔje dè gangtà.

2 Nje Ke Corinthe 1:12

Nyan ke ade dè jé in’n tchakm nga, è tàgir ke kêm jé’t. Jè ger kêm jé’t titeke nyanra jé taa kum dooge ke dè nang nè. Sei kuwe mbain géa, i geri titeke nyanra jé è nyanra ke se dè naje’n. E kêmnoje le Nube á ɔr non jé ade jè ra’n nyan se dè naje’n m è kumkunju le doo lé.

2 Nje Ke Corinthe 11:14

E nè nga è nyan ke à ade ndil doo à tee kan-in soin-soin lé, tede Sú kuwe géa tel ra’n ke ngonn le lookar tɔ.

2 Nje Ke Corinthe 11:3

Titeke ndɔ ke li ra’n gos sú’n kum Eve nga, m’ɓel kade tàgir le si tel tur gide’n ade noje kêmnda ke Krist uwe se si.

2 Nje Ke Corinthe 8:20

Dé tann nar ngain d’um ji jé’t. J’unde kumkunju dè ra jé’t le kade doo karé bè géa ule tà gir jé’t ɔje dè nar nè nga lé.

Nje Ke Philippes 2:15

I rai titeke bè le kade unji nyang-nyang a, d’a kile’n tà dè si’t lé a tɔ. Sei a teli k’ei ngann Nube a, tà karé à uwe dè si lé dann girkoje dooge ke ndi dè nang nè nga lé. Dooge ke ndii dè nang nè nga , ei njé ndɔje lɔk-lɔkge se njé ra nyan majelége a tɔ. Sei a ndon-in dann de’t asenan se nyan-ndogó bè.

Nje Ke Colosses 1:9

Gir’n ke nè á jè géa, unn gir kem̂ ndɔn’t ke tà’n oso’n mbi jé’t nga, ndɔ karé bè géa j’ebe ra jé kɔje tà se Nube tede le si lé. Jè deje’n le kade ade kum si gang dè nyan ke kem̂’n ndige’t a, taɓai jè deje’n le kade Ndil-Kem̂nda ade sei kumkunju se gos ter nyan ke deri taa ra si pel-pel.

Nje Ke Colosses 4:5

I njiyei se kumkunju’n ra njé ke nata’t a, i pabri kurloo ke Nube ade sei nga parr-parr a tɔ.

1 Nje Ke Thessalonique 2:10

Nyanra jé se pa njiye jé ke ndɔ ke jè njiye’n dann si’t nga tooi se ninn de a, tooi se dè naje’n a tɔ. Doo asekum kile tà dè jé’t lé. Sei njétaakem̂-Kristge an-in a, i geri a tɔ. Nube géa an a, ger a tɔ.

1 Nje Ke Thessalonique 5:22

Majelé ke rara géa ɔgi ra si dè’t kɔke.