Matthieu 10:15 - Nouveau Testament en Gulay 2004

¹⁵ Kerɔte kuwe, man m’ede sei ndàt, ndɔ gangtà’t nga nyan ke ndɔ ke tee dè njé ke ɓeekon ke Sodome se Gomorhhe nga géa è soo’t dum le dooge ke kêm ɓee-bò’t nè nga ɓai.

Matthieu 10:15 Iomraidhean Croise

Matthieu 12:36

E á man m’ede sei ndàt, titeke tà malang ke dooge tami ke nonon karè nga, à ugei kure’n ndɔ gangtà’t.

Matthieu 5:18

Kerɔte kuwe, man m’ede sei ndàt, nyange ke ndêin-ndêin ke dé ndang kêm magtub gute-ndu ke mari’t nga, karé bè géa à goto lé sár kade danran se dè nang à gotoi pa ɓita.

Matthieu 7:22

Ndɔ gangtà’t ɓaa, dooge bule à deji man kedi nè: «Ngar, Ngar, ké ndɔ ke j’ile mber se rii lé wa? Ké ndɔ ke jè rɔ ndilge ke majelé kɔke se rii lé wa? Ké ndɔ ke j’unn rii jè ra’n nyankɔbege lé wa?»

Marc 6:11

Kêm ɓee-bò ke rara ke awi tutu nga, ke nè á dooge ke kêm ɓee’t nè uwei sei ke ra de’t lé a, ooi tà le si lé a tɔ ɓaa, loo ke a undei loo le teei nata kêm ɓee’t nè nga ɓaa, i gegi bubur ke nja si’t gák-gák umi dè de’t undei naje le si.

Jean 12:48

Nanan ke ute’m mbeng taa tàge le’m lé ɓaa, njègangtà dènn’t ndi tutu ɓá ta. Tà le’m ke m’tam nga kuwe à gangtà dènn’t ndɔ ke ngeinn’t.

Jean 6:39

Njé ke Bɔ’m ke njèkule’m ade’m se de malang nga, è ndige le kade doo karé bè géa dann de’t tuju lé. Nè è ndige le kade m’ade undei loo teei dann njé ke koo’t ndɔ ke ngeinn’t.

Jean 6:40

Nyan ke kêm Bɔ’m ndige á tò nè: Nanan ke oré kum’n dè’m man Ngonnnen’t a, unde kêm’n dèm’t a tɔ ɓaa, è à ndi kumgajer se non. Taɓai man m’ade à unde loo tee dann njé ke koo’t ndɔ ke ngeinn’t a tɔ.

Nyanra Njekawkulege 17:31

E ɔje ndɔ karé ke le gang’n tà se dè naje’n dè dooge malang ke ndii dè nang nè. Nube ɔr doo karé unde’n ke njègangtà ɓá. Doo nè nga, Nube ade unde loo tee dann njé ke koo’t tede kade dooge malang undei kêm de dènn’t.

1 Nje Ke Corinthe 3:13

ndɔ tel ree le Kuwe-ɓee à kuje gir kule ra nanan géa ke nata ndái-ndái ɓai. Ndɔ tel ree le Kuwe-ɓee Jésu nga tò asenan se por ke à nan kule ra nanan géa le kan.

1 Nje Ke Thessalonique 5:4

Nè sei ngakon jége ɓaa, i ndii dann tilkus’t á ndɔ nè à ube’n sei nang tite njèɓog lé.

Hebreuge 10:25

Adi j’inyei loo kebe nan le jéi titeke njé ke nange ebi ra de dè’t se ndɔge, ndɔge nga lé. Adi j’ulei dingem kem̂ nan’t dum ke kété tede sei an-in ndɔ tel le Kuwe-ɓee Krist nain ngɔr ta.

2 Pierre 2:6

Ndɔ ke Nube gangtà dè ɓee-bòge ke Sodome se Gomorrhe ade por ró dooge ke ndɔ ke ndii kem̂ ɓee-bòge nè nga rák-rák ade teli ei bu. E ade ɓee-bòge nè nga teli ei nyan-tɔje tede le dooge ke njékaltàge ke ndɔ ke rang.

2 Pierre 2:9

Kuwe-ɓee Nube ger loo kɔr njé ke ilei koje dènn’t dann nyan ke à nan de. Nè è ger loo kunde njé kem̂ majelége konn le ngine’n ndɔ gangtà. Ndɔ nè nga, kure nyanra de à ɔde kum de labi-labi.

2 Pierre 3:7

Nè danran se nang ke ɗarinè nga, Nube unde de konn se go tà ke in tànn’t kuwe ɓai ngine’n ndɔ ke à gang’n tà dè njékaltàge le tuju’n de kɔke. Ndɔ’n nè nga, danran se nang nè géa por à ró de rák-rák a tɔ.

1 Jean 4:17

Ke nè á tár nan maje ɔr njêt ra jéi’t ɓaa, j’à ndai kem̂ jéi káng ndɔ ke Nube à gang’n tà dè jéi’t. J’à ndai kem̂ jéi káng tede ndikumgajer le jéi dè nang nè táa nan se le Jésu-Krist.

Jude 1:6

Adi kem̂ si olé dè dooge ke danrán ke mbati ngonmi riɓar ke d’ule dè de’t a, ke ndɔ ke inyei loo ndi de ke ɔje dè de. Nube ngonm de dann loo ke ndul ndin-ndin’t se sul ji de’t se nja de’t dangai’t sár se non ngine’n ndɔ gangtà ke bò.

Jude 1:7

Adi kem̂ si olé dè dooge ke kem̂ ɓee-bòge ke Sodome se Gomorrhe se ɓee-bòge ke gan-in dè de nga. Dooge nè nga ndɔ ke rai nyange ke pás-pàs tite dooge ke danrán bè tɔ. Dingemge ke sangi dingem made dege tooi se de ke dinye’t. Nè Nube ade por ke à wei ndan lé in danrán ree ró de rák-rák ade kure nyanra majelé le de ɔde kum de. Nyan ke tee dè de’t nga, è nyan-tɔje tede le dooge malang.