Matthieu 1:23 - Nouveau Testament en Gulay 2004

²³ «An! ngomande ke nal ger dingem ɓai a ndann ngonn, a oje ngonn ke dingem, d’a d’ile ri’n nè Emmanuel.» Tel se tà koje jéi ɓaa, è «Nube nain se jéi».

Matthieu 1:23 Iomraidhean Croise

Matthieu 1:24

Loo ke Joseph in gir ɓi’t ɓaa, è ra titeke doo ke danran ke Kuwe-ɓee ule’n unn’n ndu’n ade’n kété nga tɔ. E taa Marie ke neen’n.

Matthieu 28:20

I ndói de loo kile koje dè ndukunnge malang ke kété m’unn m’ade sei nga. An-in! man nga géa m’a m’ee der gir si se ndɔ karé-karé malang sár ndɔ ke ngeinn’t.

Tà ke Maje ke Luc ndang 20:44

Ngar David géa ɓar Messie ke Kuwe-ɓee le’n. A ɓaa ké Kuwe-ɓee le ngar David asekum tel k’ee ngonnkà’n titeke bain taɓai wa?

Jean 1:14

Tà nè nga, tel è danra doo. E ra ɓee dann jéi’t j’an-in ndubra le’n tite ndubra le Ngonn dagi ke in ra Bɔ dooge’t. Kêmnoje se ngarankum tà taa ra’n pel-pel.

Nyanra Njekawkulege 18:9

Ndɔ karé bè, Kuwe-ɓee ede Paul dann ndɔɔ se nyanpinde ede nè: – I tam tà kumi ke kété-kété m i ɓel lé!

Nje Ke Rome 8:31

Ké tà ri j’à tami dè nyange’t nè nga ɓai wa? Ke nè á Nube è le jéi ɓaa, ké nan à ɔse se jéi tà wa?

Nje Ke Rome 9:5

Juipge nga ei girkà le dooge le Nube ke ri de ɓar ngain. Krist ke è Nube ke on ɓee dè nyange’t malang nga géa d’oje’n girkà le de dé nè nga tɔ. Maje kade dè Krist mong káng-káng sár se non! Maje kade è titeke bè kuwe.

2 Nje Ke Corinthe 5:19

Oiyo, è Nube kuwe á um se dooge ke dè nang nè nan’t bɔk tàkul Krist. E mbate tute go majelége le de. Kule kum dooge ke dè nang nè nan’t bɔk se’n á è Nube um ji jé’t.

1 Timothee 3:16

Kerɔte kuwe, nyanger le jéi ke bò ke tò loo ɓɔyɔn’t ke jè geri se go kundekem̂ le jéi nga á tò nè: Krist unde loo tee pan tel ra’n tite jéi jèi dooge bè, Ndil-Kem̂nda ɔr tà dènn’t. Dooge ke danrán an-in nin loo kunde loo tee dann njé ke koo’t a, loo kin kaw danrán’t a tɔ. D’ile mber tà le’n dann dooge ke ei Juipge lé. Dooge ke dè nang nè undei kem̂ de dènn’t a, d’unn’n mbeng d’aw se’n danrán dann ndubra’t a tɔ.

2 Timothee 4:17

Nè ndɔ ke Kuwe-ɓee è der-gir’m ade’m tɔg’m. Gir’n ke nè á, ndɔ ke m’ile’n mber Tà ke Maje m’tɔl’n mbas m’ade dooge malang ke ei Juipge lé ooi. E tede è ke nè á ndɔ ke Kuwe-ɓee ɔr’m tà toboi’t.

2 Timothee 4:22

Maje kade Kuwe-ɓee nain sei. Maje kade kem̂noje le Nube nain se si tɔ.