Matthieu 1:21 - Nouveau Testament en Gulay 2004

²¹ Ngonn ke dingem ke a oje’n nga, i a kile ri’n nè Jésu. E kuwe á à ɔr kosdooge le’n dann kaiyage’t le de kaje de.

Matthieu 1:21 Iomraidhean Croise

Matthieu 1:25

Nè Joseph tò se’n ke neen’n lé sár ade oje’n ngonn ke dingem ke ile ri’n nè Jésu.

Tà ke Maje ke Luc ndang 1:13

Nè doo ke danrán ke Kuwe-ɓee ule’n nga ede Zacharie ede nè: – Ebe rai ɓel, Zacharie, ndinge ndoo lei oso mbi Nube’t. Dinye lei Elisabeth à oje ngonn ke dingem. I a kile ri’n nè Jean.

Tà ke Maje ke Luc ndang 1:31

An! ɗarinè i a ndann ngonn, i a koje ngonn ke dingem, a ile ri’n nè Jésu.

Tà ke Maje ke Luc ndang 2:11

Ɓila d’oje njèkaje sei kêm ɓee’t le ngar David. E nè nga à è Kuwe-ɓee a, Krist a tɔ.

Tà ke Maje ke Luc ndang 2:21

Loo ke ngonn ke kide nè nga ra ndɔ sɔsɔ ɓaa, njékojennge adi d’uje tà mɔte’n, taɓai d’ile ri’n nè Jésu. Ri nè nga è ri ke doo ke danrán ke Kuwe-ɓee ule’n ede de kété ɓita kon’n ndann’n ɓai.

Jean 1:29

Barè lookar’n, loo ke Jean an Jesu à ree ke rann’t ɓaa, è tam ede nè: – An-in! Ngonn Bate le Nube ke njèkɔr kaiya dè dooge’t dè nang nè nga.

Jean 4:42

Dooge ke reei ra Jésu’t nga edi dinye nè edi nè: – Jè j’um kêm jé dènn’t tede tà tami nga lé ta. Nè j’um jé dènn’t tede tà tam’n ke jè kuwe j’oo se mbi jé. Jè ger titeke è nga è njé kaje dooge dè nang nè kerɔte kuwe.

Nyanra Njekawkulege 13:23

Ndɔ ke Nube unn ndu’n le kade Israelge njèkaje de. E ɔr Jésu njèkaje de nga girkà’t le ngar David.

Nyanra Njekawkulege 3:26

Nube ɔr ngonn njèndi le’n Jésu ule’n ra si sei’t kuwe kété desêin sàk-sàk. Nube ade ngonn njèndi le’n Jésu unde loo tee dann njé ke koo’t. Ke nè á nanan géa dann si’t inye go nyanra pás-pàsge le’n ɓaa, Jésu à tɔr ndu’n dè si’t.

Nyanra Njekawkulege 4:12

Doo karé ke rang ke kaje à in rann’t goto. Gar-gar ri doo karé ke rang dann dooge ke danrán éké ke dè nang nè ke j’asekum kinge kaje se takul’n goto.

Nyanra Njekawkulege 5:31

E nga Nube unn’n unde’n dè jikonn’t ade è njè kunde gir kaje le dooge. Nube ra titeke bè le kade dooge ke kêm ɓeekon ke Israel turi hal de ingei kêm tin mbit dè kaiyage’t le de.

Tite 2:14

Jésu-Krist inye ra’n ade yo uge’n dè jéi, ɔr’n jèi dann majelé’t bere mbak. E ɔr jèi unde jèi se ninn’n le kade jèi kosdooge le’n kuwe deri. Jésu ra titeke bè tede kade jèi kosdooge le’n ke njé ra nyange ke maje se rakɔlé.

Hebreuge 7:25

Gir’n ke nè á njé ke reei ra Nube’t se takul Jésu ɓaa, è ase kaje de nja karé bere ke ngang’n. Jésu nga ndi kumgajer sár se non. E ɔje tà se Nube dɔ-dɔ tede le de.

1 Jean 1:7

Ke nè á jè njiyei dann lookar’t titeke Nube ndii’n dann lookar’t nga bè ɓaa, j’umi nan’t bɔk a, mese Ngonn’n Jésu-Krist togo kaiya le jéi bere mbak ndát-ndát ɔr kɔke.

1 Jean 3:5

Sei geri mbak titeke Krist unde loo tee tede kɔr majelé kum kɔke. Nè è nga majelé karé bè géa goto rann’t.

Lookilera’n 7:14

M’tel m’ile ngatɔge nè nga dè’t m’ede nè: «Kuwe’m, i i ger de mbak.» Ngatɔge nè nga ede’m ede nè: «Dé nè nga d’in dann nyantosowur ke bò’t. Dé togo kubuge le de ke bòi yul se mese Ngonn bate d’ade nda káng-káng.