Matthieu 1:20 - Nouveau Testament en Gulay 2004

²⁰ Nè loo ke Joseph ndi à gir tà dè nyan’t nè nga bè ɓai ɓaa, an! doo ke danran ke Kuwe-ɓee ule’n tee dènn’t pan ede’n tà se nin ede nè: – Joseph, ngonn David, i ɓel le taa Marie ke neein lé, tede ngonn ke tò kêmn’t nga in ra Ndil-Kêmnda’t.

Matthieu 1:20 Iomraidhean Croise

Matthieu 1:18

Koje Jésu-Krist nga è titeke bè. Kon’n Marie nga, è njènong le Joseph. Marie ndann ngonn se go tɔgmong le Ndil-Kêmnda kété ɓita dé se Joseph dé ger nan ke dinye se dingem ɓai.

Matthieu 2:12

Nube ede de se nin le kade dé tel ree ra Hérode’t gugu lé. E á d’unn rebe ke rang dé tel d’aw ɓeekon’t le de.

Matthieu 2:13

Loo ke baw-nyangerge ɔti awi ɓá ɓaa, an! doo ke danran le Kuwe-ɓee tee hɔi ke ra Joseph’t se ni ede’n ede nè: – Ɔse nang in, unn ngonn ke kide nè nga se kon’n an-in se de aw se de ɓeekon ke Egypte. I ndi tutu nú sár kade man kuwe m’edi ɓita i tel i ree ɓai tede Hérode sang le tɔl ngonn ke kide nè nga.

Matthieu 2:19

Loo ke Hérode wei ɓá ɓaa, doo ke danran le Kuwe-ɓee tee hɔi ke ra Joseph’t ede’n se ni kêm ɓeekon ke Egypte ede’n ede nè:

Matthieu 2:22

Nè loo ke Joseph oo titeke Archélaus ngonn le Hérode on ɓee ɓeekon’t ke Judée gute bɔn’t ɓaa, è ɓel tel kaw ndi tutu. Se go tà ke Nube ede’n se ni kété nga, Joseph ɔr ra’n aw ndi kêm ɓeekon ke Galilée.

Matthieu 27:19

Loo ke Pilate ndi nang dè ɗinger loo gangtà’t ɓaa, neen’n ule doo karé rann’t ede nè: – Ile tài tu tà’t le njè ra nyan se dè naje’n nè nga lé. Ndɔɔ laa m’nin se’n tò ɓel ngain.

Matthieu 28:5

Doo ke danrán ke Kuwe-ɓee ule’n nga ede dinyege ede nè: – Sei ɓaa, i ɓeli lé. Ma m’ger titeke sei sangi Jésu ke dé ɓer’n kàde kage-ke-dese’t nga.

Tà ke Maje ke Luc ndang 1:19

Doo ke danrán ke Kuwe-ɓee ule’n nga tel ile Zacharie dè’t ede nè: – Man m’ee Gabriel ke njè nda non Nube’t se ndɔge-ndɔge. E Nube kuwe á ule’m rai’t le kade m’ɔje sei tà a, le kade m’ile mber Tà ke Maje nè nga m’adi a tɔ.

Tà ke Maje ke Luc ndang 2:4

Titeke bè á, Joseph in-in’n kêm ɓee ke ri’n nè Nazareth, ɓeekon ke Galilée aw’n kêm ɓee ke ri’n nè Bethléhem ɓeekon ke le Juda. Bethléhem nga, è ɓee koje ngar David. Joseph aw le kade d’unde ri’n kêm ɓee-bò’t nè nga, tede è géa è girkà le David tɔ.

Nyanra Njekawkulege 5:19

Nè dann ndɔ ɓaa, Kuwe-ɓee ule doo le’n ke danran ade ree teen tàbit-kei dangai inye wei. E ade njékawkulege undei loo teei kêm kei dangai’t ɓaa, è ede de ede nè:

Lookilera’n 19:7

Jè rai ranel a, j’ali ra jéi a, j’ɔsi pa j’ilei riɓar dè Nube’t a tɔ. An! ndɔ ra nan taa nan le Ngonn Bate nga ase ɓá! Njènong le’n nga géa uwe dè nja ra’n ɓá a tɔ.