Matthieu 1:1 - Nouveau Testament en Gulay 2004

¹ Magtub ke ɔje dè girkà le Jésu-Krist ngonnkà David, ngonnkà Abraham,

Matthieu 1:1 Iomraidhean Croise

Matthieu 1:18

Koje Jésu-Krist nga è titeke bè. Kon’n Marie nga, è njènong le Joseph. Marie ndann ngonn se go tɔgmong le Ndil-Kêmnda kété ɓita dé se Joseph dé ger nan ke dinye se dingem ɓai.

Matthieu 1:2

Abraham oje Isaac; Isaac oje Jacob, Jacob oje Juda se ngakonnge;

Matthieu 15:22

An! dinye karé ke kêm ɓee ke Canan unde loo tee tam tà se ndu’n ke bòi beng ede Jésu ede nè: – Kuwe-ɓee, Ngonn David, an kumtondoo le’m kɔkrɔ karè. Ndil ke majelé ra kum ngonn’m ke dinye ndoo ngain.

Matthieu 3:16

Loo ke Jean ule Jésu manné njonm ɓá ɓaa, Jésu unde loo tee nata. An! ke loon’t nè kuwe, kum danran teen halal ade an ndil Nube rise ndi dènn’t tite der-nda bè.

Matthieu 9:27

Loo ke Jésu ɔte loon’t nè le kaw ɓaa, njékumtɔge joo tami tà se ndu ke bòi beng ndoléi goo’n edi nè: – Ngonnkà ngar David, an kumtondoo le jé kɔkrɔ karè.

Tà ke Maje ke Luc ndang 1:33

Ngonn nè nga à on ɓee dè kosdooge ke Israel’t sár se non. Konɓee le’n nga, ngei’n goto.

Jean 7:42

Bethléhem nga è ngonn ɓee kɔje ngar David. Ké magtub ke tò se ninn’n tam titeke Krist nga à in Bethléhem girkà’t le ngar David nga lé wa?

Nyanra Njekawkulege 2:30

Nè David nga kété è njèribe-dè-tà ke tà Nube’t. E ger titeke Nube mann ra’n ade’n kété ede nè: «M’a m’ɔr ngonnkài karé ke kêmi’t dann ngannkàige’t kade ndi kutu-ngar’t lei.»

Nje Ke Rome 1:3

Tà ke Maje nè nga dé ndang d’ɔje dè Kuwe-ɓee le jéi Jésu-Krist, Ngonn Nube. Krist nga d’oje’n girkà’t le ngar David se go danra.

Nje Ke Rome 4:13

Ndɔ ke Nube unn ndu’n ade Abraham se ngannkànnge titeke à ingei dè nang nè bere mbak ke nyan-ndube le de. Abraham inge kunn-ndu nè nga bè tede kan ke è an dè gute-ndu sêw-sêw lé, nè tede kɔr ke Nube ɔr tà dènn’t takul kundekêm le’n.

Nje Ke Rome 9:5

Juipge nga ei girkà le dooge le Nube ke ri de ɓar ngain. Krist ke è Nube ke on ɓee dè nyange’t malang nga géa d’oje’n girkà le de dé nè nga tɔ. Maje kade dè Krist mong káng-káng sár se non! Maje kade è titeke bè kuwe.

Nje Ke Galatie 3:16

Ndɔ ke Nube unn ndu’n ade Abraham se ngonnkà’n. Nube tam ede nè: «Ngannkàige» lé, nè «ngonnkài». E ule ji’n dè ngonnkà’n ke karé bere luk-luk ke è Krist. Ke nè á Nube tam ede nè ngannkàige ɓaa, tà nè ɔje dè dooge bule.

1 Timothee 2:5

Nube è karé bere luk-luk, njè nda dann Nube’t se dooge géa è karé bere luk-luk a tɔ. Doo nè nga è Jésu-Krist.

2 Timothee 2:8

Ade kem̂i olé dè Jésu-Krist ngonnkà David. Jésu-Krist nga unde loo tee dann njé ke koo’t titeke Tà ke Maje ke m’ile mber’n tam’n ndàt.

Lookilera’n 22:16

Man Jésu kuwe á m’ule doo le’m ke danrán kade aw ɔrgo tà nyange nè ade sei njétaakem̂-Kristge malang loo kebe nange’t le si. Man m’ee ngonnkà David a, m’ee mbonron lookar a tɔ.»