Marc 9:50 - Nouveau Testament en Gulay 2004

⁵⁰ Kate nga è nyan ke maje. Nè ke nè á kate tel bɔlɔs ɓaa, ké ri á a i rai kade tel don gugu wa? Sei kuwe i teli i tooi tite kate ke don bè. Umi kêm si nan’t bɔk.

Marc 9:50 Iomraidhean Croise

Matthieu 5:13

Sei sei kate le dooge ke dè nang nè. Ke nè á kate ke don tel bɔlɔs ɓaa, ké ri á d’a ra’n kade tel don gugu wa? Nyan ke le ra’n ke rang goto, nè d’a kunn kum nata kade dooge njiyei dè’t.

Marc 9:34

Nè doo karé bè dann de’t ile’n dè’t lé, tede kété dé naje nan tà rebe d’ede nè: Ké nan à è doo ke bò dum dè madennge wa?

Marc 9:49

Nanan géa d’a d’ule’n por ke tur’t titeke d’ile’n kate ke don janm tu nyankuse’t bè.

Nje Ke Rome 12:18

I ndii se kêmlom se dooge malang; ke nè á asikum ra ɓaa, i rai.

2 Nje Ke Corinthe 13:11

Ngakonmge, gute tàge ke nain kade m’ede sei á tò nè: I rai ranel se ndɔge-ndɔge, awi kum si ke kété-kété dè maje kɔr njêt’t, i sɔli kêm nan, adi tàgir le si è karé, i ndii se kêmlom. Titeke bè á Nube ke njè tár sei ke kêmlom in rann’t à nain’n se si.

Nje Ke Galatie 5:22

Kann nyan le Ndil á tò nè: Tár nan, ranel, kem̂lom, kem̂kile, kem̂-maje, kem̂-kunde,

Nje Ke Ephese 4:29

Adi tà ke ete-se karé bè tee tà si’t lé. Maje kade adi tà ke maje ke à ade kundekem̂ le njé ke rang à ra tɔge ke kété-kété á adi tee tà si’t tede kade njé ke ooi ubei maje’n.

Nje Ke Philippes 1:27

Nyan karé ɓaa, adi pa njiye si uwe made nan se Tà ke Maje le Krist. Titeke bè á, né m’aw m’an sei, éké m’aw lé géa, m’a m’oo titeke sei umi tàgir le si nan’t bɔk a, undei tɔge si nan’t i rɔi se kem̂ karé. I rai titebè tede kade dooge ke rang undei kem̂ de dè Tà ke Maje’t nga.

Nje Ke Colosses 3:12

Nube tár sei ngain. Gir’n ke nè nè á è tɔr’n sei le kade sei dooge le’n ke i tooi se ninn de. Bè ɓaa, an-in kumndoo le nan, i rai kem̂kanm se nan, ulei dè si adi nan a, awi lom-lom a, ilei kem̂ si pon a tɔ.

Nje Ke Colosses 4:6

Maje kade tà tam si è ke maje se ndɔge-ndɔge a, kade tà si tee se tà nelge dɔ-dɔ a tɔ. Titeke bè á sei a geri loo kile nanan géa dè tà’t se go rebe’n.

1 Nje Ke Thessalonique 5:13

I ɗɔyi de ngain a, i tári de a tɔ, tede kule ke ei rai dann si’t. I ndii se nan se kem̂lom.

2 Timothee 2:22

Ute rai mbeng kɔke dè ngur nyange ke ra basa madige ke rang. I tel ɔr dè nja nyanra ke se dè naje’n, se dè nja kundekem̂, se dè nja tár nan. Ɔr dè nja kem̂lom se njé ke ɓari ri Kuwe-ɓee se ngarankem̂ de ke unju nyang-nyang.

Hebreuge 12:14

Uwei ra si mong le ndii se kem̂lom se dooge malang. Awi kum si ke kété-kété le k’eei dooge ke tooi se ninn de gai. Ke nè á è bè lé ɓaa, doo karé bè géa à an Kuwe-ɓee se kum’n ndan lé.

Jacques 1:20

Kerɔte kuwe, doo ke wong in se’n nga à ra nyan ke se dè naje’n tàkum Nube’t lé.

1 Pierre 3:8

I ndigi tà go nan’t malang a, unni kum si dè nan’t lé a, i ndigi nan tite ngakon nange bè a, i rai kem̂kanm se nan a, ulei dè si adi nan a tɔ.