Marc 9:5 - Nouveau Testament en Gulay 2004

⁵ Pierre unn tà tam ede Jésu ede nè: – Ngar, è soo’t kade jè ndii nè: J’à ra kei kanm mute, karé à è lei, karé à è le Moise, karé à è le Elie a tɔ.

Marc 9:5 Iomraidhean Croise

Matthieu 17:4

Pierre ede Jésu ede nè: – Kuwe-ɓee, è soo’t kade jè ndii loo ke nè’t kuwe ta. Ke nè á i ndige ɓaa, m’a ra kei kubu mute loo ke nè’t: karé lei a, karé le Moise a, karé le Elie a tɔ.

Matthieu 23:7

Dé ndigi le kade dooge rai de lapya ndá-looge’t a, le kade dooge ɓari de njé nyangerge a tɔ.

Matthieu 23:8

Nè sei ɓaa, adi dooge ɓari sei titeke bè lé, tede sei nga njè ndó sei nyan kuwe è karé bere. Gute si malang ɓaa, sei ngakon nange.

Marc 9:4

Njékuwegir-Jésuge ke mute nè nga an-in njèyo Moise se njèyo Elie undei loo teei hɔi ke ra de’t, ndai ɔji tà se Jésu.

Marc 9:6

Pierre ger gir tà ke è tam nè nga lé, tede ɓel ra Pierre se madennge ke joo nè nga ngain.

Tà ke Maje ke Luc ndang 9:33

Loo ke dingemge nè à inyei Jésu le kɔti kawi ɓaa, Pierre ede’n ede nè: – Ngar, è soo’t ngain kade jè ndii nè. Ade jè rai kei kam mute, karé à è lei, karé à è le Moise, è ke karé à è le Elie tɔ. Pierre tam tà nè nga bè anje ger gir.

Jean 4:31

Loo ke nja de nain rebe ɓai-ɓaa, njékuwe-gir-Jésuge awi se’n kabr-kabr edi nè: – Ngar, use nyan ndêin ɓita.

Nje Ke Philippes 1:23

Nyange ɔsi kàde’m loo joo, ngur kin kaw ndi se Krist ra’m pênn-pênn. E á m’an ke nyan ke à too’m soo’t ngain.

1 Jean 3:2

Kotárge le’m, ɗarinè jèi ngann Nube. Nè táa ke jè táai nan se’n nga, ɗarinè tò nata ndái-ndái lé ɓai. Nè né è bè géa, nyan karé ke jè geri á tò nè: Ndɔ ke Krist à tel kunde loo tee pan ɓaa, j’à tooi táai nan se’n tcha-tcha tede j’à j’an-in nin se kum jéi ndan-ndan kem̂ ndɔn’t nè nga.