Marc 9:43 - Nouveau Testament en Gulay 2004

⁴³ Ke nè á jii karé è nyan ke à tugei jig’t kade oso dann kaiya’t ɓaa, uje’n i gang’n kɔke kade aw danrán loo ndikumgajer se non se meti nga, maje dum kade d’ilei se jii joo mbak loo ke tur’t, dann por’t ke wei ndan lé’t. [

Marc 9:43 Iomraidhean Croise

Matthieu 17:27

Nè né è bè géa , è tà le kade j’ilei de kage lé. Aw tà ba-bò’t ile kui. Kanje ke desêin ke a uwe’n nga, loo ke a i teen tà’n ɓaa, a inge nar ke kum sile sɔ. Ɔr i ree’n ade de tede le’m a, tede lei a tɔ.

Matthieu 25:41

Ngar à kede njè ke ndai dè jigeln’t k’ede nè: «Sei njénonkilge, ɔti tam’t ke rang awi dann por ke à wei ndan lé ke d’uwe dè nja d’ɔje’n dè sú se ngann njékulege le’n.

Matthieu 3:12

Doo nè nga, kéee le’n è jinn’t. A ɔi kêm gar le’n ndát-ndát a, a ɔse nja ko le’n nan’t kêm dam’t a tɔ. Nè a ró tise ko se por ke doo ase tɔl ndan lé.

Matthieu 5:22

Nè man m’ede sei, nanan ke ra wong se ngokon’n ɓaa, d’a gangtà dènn’t. Nanan ke tam se ngokon’n ede nè: «I mbe» ɓaa, d’a d’aw se’n loo gangtà’t ke bò. Nanan ke tam se ngokon’n ede nè: «Kêmi tɔ kuju tà lé» ɓaa, a inge ndutɔr lé sár nè kure nyanra’n à ɔde kum’n labi-labi.

Marc 9:44

E loo ke kodége ke tooi tutu weii ndan lé a, por ke tutu wei ndan lé a tɔ.]

Tà ke Maje ke Luc ndang 14:13

Nè loo ke ade d’ade ra mur tête tà ɓee ɓaa, maje kade i ɓar njéndooge a, njékumtɔge se njédɔgemetege se njé ke kêl ra de wei tonrin a tɔ.

Tà ke Maje ke Luc ndang 14:21

Ngonn njèndi nè nga tel ree ra kuwen’t ɔr go tàge nè malang ade’n. Loo ke kuwe’n oo tàge nè nga bè ɓaa, kêm’n aw biriri-biriri ade ede ngonn njèndi le’n nè nga ede nè: «I tel aw law-law ndá-looge’t i ree se njéndooge se njé ke kêl ra de wei tonrin a, njédɔgemetege a, njékumtɔge a tɔ.»

Tà ke Maje ke Luc ndang 3:17

Doo nè nga aw se nyan gɔl nyinge dè ko le’n jinn’t. E à gɔl dè njar ko le’n yák-yák kɔse nja nan’t kum damé. Nè à ró tise’n rák-rák se por ke à wei ndan lé.

Nje Ke Rome 8:13

Ke nè á sei rai nyange ke kêm danra ndige ɓaa, sei a i tooi kasinan se dooge ke weii tàkum Nube’t. Nè ke nè á Ndil ra se si ade ebi ra si rai nyange le danra ɓaa, sei a i ndii kumgajer kerɔte kuwe.

1 Nje Ke Corinthe 9:27

Man m’ee njèkile mber kade dooge ke rang. Nè m’gudu ra’m ngire a, m’ade ra’m kage nè bainléa ndɔ ke rang d’a d’ute’m mbeng kɔke.

Nje Ke Galatie 5:24

Dooge ke umi nan’t bɔk se Jésu-Krist nga, uwei danra se ngur nyange le’n ke majelé ɓerii kade kage-ke-dese’t.

Nje Ke Colosses 3:5

Gir’n ke nè á inyei go tò se nan ke kaiya’t se nyan ke mine, se kem̂kein se ngur nyan ke majelé se nede nyan ke è mage polé nga, adi wei ra si’t mbɔrɔk-mbɔrɔk. Nyange malang nè nga ei le nang nè.

Tite 2:12

Kem̂noje le Nube nè nga ndó jèi loo mbate nyange ke uwe made nan se le Nube lé a, se ngur nyange ke ɔje dè dè nang nè a tɔ. Nè kem̂noje nè nga ndó jèi rebe kunde kumkunju dè ra’t dann dooge ke ndii dè nang nè ɗarinè. Kem̂noje le Nube nga ndó jèi nyanra ke se dè naje’n ke uwe made nan se kile koje dè Nube’t.

Hebreuge 12:1

Jèi géa, njékɔrgo tàge le jéi ndii ɗêng-ɗêng tɔ. Bè ɓaa, nyan ke rara ke wɔi jèi a, se kaiya ke ule jèi poré ɔge jèi kaw kum jéi ke kété nga adi jè risi de j’undei de nang. J’an-in ngɔde kum jéi ke kété ɔje dè nyan ke tò non jéi’t.

1 Pierre 2:1

Bè ɓaa, inyei go kem̂yêr se nyanra ke se go ngein, se kede gos, se kem̂kein a, se tam tede nan a tɔ. Inyei go nyange nè bere mbak kɔke.