Marc 9:4 - Nouveau Testament en Gulay 2004

⁴ Njékuwegir-Jésuge ke mute nè nga an-in njèyo Moise se njèyo Elie undei loo teei hɔi ke ra de’t, ndai ɔji tà se Jésu.

Marc 9:4 Iomraidhean Croise

Matthieu 11:13

Njéribe-dè-tàge ke tà Nube’t malang a, se magtub gute-ndu a tɔ, ilei mber sár teei dè Jean’t.

Marc 9:3

Kubuge le’n ke rann’t unni gir ndoléi kein-kein a, ndai káng-káng a tɔ. Doo karé ke dè nang nè ase togo kubu kade nda tite kubuge le Jésu ke rann’t nè goto.

Marc 9:5

Pierre unn tà tam ede Jésu ede nè: – Ngar, è soo’t kade jè ndii nè: J’à ra kei kanm mute, karé à è lei, karé à è le Moise, karé à è le Elie a tɔ.

Tà ke Maje ke Luc ndang 24:27

Go’t gugu, Jésu ɔr gir nyange malang ke dé ndang d’ɔje’n dè’n kêm Magtub’t le Nube. E unn gir dè magtubge’t le Moise sár tee’n dè le njéribe-dè-tàge ke tà Nube’t.

Tà ke Maje ke Luc ndang 24:44

Go’t gugu, è ede de ede nè: – An-in! è á è tà le’m ke ndɔ ke m’ede sei kété ke m’nain’n se si ɓai nga: nyange malang ke Moise se njéribe-dè-tàge ke tà Nube’t ndangi ɔji dè’m se tàge malang ke tò kêm Magtub pa’t nga, gar-gar à awi loon’t deĵ kuwe.

Tà ke Maje ke Luc ndang 9:19

Dé tel d’ile’n dè’t d’ede nè: – I nga dooge ke nange tami tà ɔji dèi edi nè: «I Jean ke ndɔ ke è njèkule dooge manné njonm, njé ke nange giri kêm de’t edi nè: i Elie, njé ke nange ke rang tami edi nè: i njèribe-dè-tà ke tà Nube’t ke kété mari á unde loo tee dann njé ke koo’t.»

Jean 5:39

Sei teri kêm Magtub ke tò se ninn’n tede sei geri kêm si’t titeke takul de á a ingeii ndikumgajer se non. Nè Magtubge nè nga ei njékɔrgo tàge ke ɔje dè’m.

Lookilera’n 19:10

M’oso nang nja doo ke danrán’t nè nga rap, m’ule dè’m m’ade’n. Nè è tel ede’m nè: «Ebe’t ra titeke bè, tede man nga m’ee made-ɓer kule lei a, le ngakoinge ke njékɔrgo tàge le Jésu a tɔ. Gar-gar, i ɗɔi Nube.» Ngarankum tà ke Jésu ɔrgo nga, è tà ke ndɔ ke Ndil ule tà njéribe-dè-tàge ke tà Nube’t ade tami.