Marc 9:35 - Nouveau Testament en Gulay 2004

³⁵ Jésu tête ra’n ndi nang. E deje njékuwe-girnge ke dɔg-gidé-joo le kade reei rann’t an-in dè’n ulei nan’t. Jésu ede de ede nè: – Ke nè á doo karé ndige le k’ee ngawtà madennge ɓaa, gar-gar maje kade tel ra’n ke njè kutu go madennge malang a, ke njèkule le de malang a tɔ.

Marc 9:35 Iomraidhean Croise

Matthieu 23:11

E ke ndige k’ee doo ke bò dann si’t ɓaa, maje kade tel ra’n ke ngonn njèkule le si.

Marc 9:36

Jésu uwe ji ngonn karé bè, ɔr non’n aw se’n danné bɔp non njékuwe-girnge’t ke an-in dè’n ulei nan’t wàk nga. Go’t gugu è unn’n unde’n non kejenn’t ɓaa, è ede de ede nè:

Tà ke Maje ke Luc ndang 18:14

Man m’ede sei ndàt, loo naje’n goto, doo nè nga d’ɔr tà dènn’t pa ɓita tel aw kêm kei le’n ɓai. Nè Pharisien nè nga tà uwe dè’n. Nanan ke unde dè’n dɔ ɓaa, d’a d’ade dè’n à è nang, nanan ke ule dè’n ɓaa, d’a d’unn’n kunde’n dɔ ɗáng ɓai.

Tà ke Maje ke Luc ndang 22:26

Maje kade sei i rai titeke bè dann si’t lé. Nè è ke è doo ke bò dum dè madennge nga, maje kade tel ra’n ke ngonn gir si. E ke è njékɔr non madennge nga, maje kade tel ra’n ke ngonn njèndi le si a tɔ.

Jacques 4:6

E uwe se jéi noje ke bò. Gir’n ke nè á Magtub ke tò se ninn’n tam’n ede nè: «Nube ute njé ti ra dege mbeng, nè è uwe noje se njé kule dè dege.»