Marc 9:31 - Nouveau Testament en Gulay 2004

³¹ Tede è ndi à ndó nyan njékuwe-girnge ede nè: – Man ke m’ee Ngonn doo nga, d’a d’uwe’m kule’m ji tɔgmong’t le dooge a, d’ade tɔl’m a tɔ. Ndɔ ke njèkon’t mute go kwei’t le’m ɓaa, m’a m’unde loo tee dann njé ke koo’t.

Marc 9:31 Iomraidhean Croise

Matthieu 16:21

Unn gir kêm ndɔn’t nè nga, Jésu-Krist ede njékuwe-girnge ede nè: – Gar-gar m’a m’aw ke kêm ɓee-bò ke Jérusalem. Ngatɔgege se maw njékuje nyan-mesege a, se njéndang magtubge a tɔ, à rai se’m nyantosowur. D’ade tɔl’m nè ndɔ ke njékon’t mute ɓaa, m’a m’unde loo tee dann njé ke koo’t.

Matthieu 20:28

E titeke bè á man ke m’ee Ngonn doo nga, m’ree’n dè nang nè. M’ree le kade dooge ei ngann njékulege le’m lé, nè m’ree tede le k’ee ngonn njèkule le dooge a, le kinye ra’m kade yo tede le kuge’n dè de a tɔ.

Matthieu 26:2

– Sei geri titeke nain ndɔ joo ɓaa à è ndɔ ra nan Paque. Man ke m’ee Ngonn doo nga, d’a d’uwe’m kule’m ji dooge ke geri Nube lé tede kàde ɓeri man dɔ kàde kage-ke-dese’t.

Matthieu 27:63

– Ngar ke maje, kêm jé olé dè tà’t le njè libe kum dooge nè. Kété ke ndii’n se dè’n dɔ ɓai nga, è tam ede nè: «Ndɔ ke njékon’t mute ɓaa, m’a m’unde loo tee dann njé ke koo’t.»

Marc 10:34

Dooge ke dɔ à tulei mbe dèm’t a, à tibi yoro kum’t a, à tundei man se ndêin a, à tɔli man a tɔ. Nè ndɔ ke njèkon’t mute ɓaa, m’a m’unde loo tee dann njé ke koo’t.

Marc 8:31

Unn gir kêm ndɔn’t nè nga, Jésu ede njékuwe-girnge ede nè: – Man ke m’ee Ngonn doo nga, nyankêmkonge ngain à rai man. Ngatɔgege le Israel se njékɔrgir gute-nduge se maw njékuje nyan-mesege à utei man mbeng a, à tɔli man a tɔ. Ndɔ ke njèkon’t mute ɓaa, m’a m’unde loo tee dann njé ke koo’t.

Marc 9:12

Jésu ede de ede nè: – Elie à tel ree le gɔl nyange malang kade teli tooi loon’t titeke kété pa ɓita. A ɓaa, ké bain á dé ndang tà kêm Magtubge’t d’ɔje’n dè’m man Ngonn doo d’ede nè: Gar-gar nyankêmkonge ngain à ra’m a, d’a d’an’m ke nyan lé a tɔ wa?

Tà ke Maje ke Luc ndang 24:26

Krist ke Nube ule’n nga, gar-gar nyantosowur à ra’n ɓita à ɔte kur kák kaw dann ndubra’t le’n ɓai. Ké sei geri bè lé wa?

Tà ke Maje ke Luc ndang 9:44

– Sei ɓaa, uri mbi si maje ooi tàge ke m’a m’ede sei ɗarinè. Man ke m’ee Ngonn doo nga, d’a d’ule’m ji dooge’t.

Jean 10:18

Doo karé ke asekum tɔl’m se dè ra’n goto, nè man kuwe m’inye ra’m m’ade yo. M’aw se tɔgmong le kinye ra’m kade yo a, m’aw se tɔgmong le tel ndi kumgajer gugu a tɔ. E ke nè á è nyan ke Bɔ’m unn’n ndu’n ade’m le kade’m m’ra.

Jean 2:19

Jésu tel ile de dè’t ede nè: – I tuji gile kei ke tò se ninn’n le Nube nga kɔke ɓaa, m’a m’tel ra’n gugu kêm ndɔ mute karè.

Jean 3:14

Ndɔ ke kété Moise ra li nan tà kage’t dɔ kêm dile’t. Man Ngonn doo nga géa, gar-gar d’a ɓer’m dɔ titeke bè tɔ.

2 Timothee 2:12

Ke nè á jè ndai dè nja jéi’t njáng se’n ɓaa, j’à j’on-in ɓee se’n nan’t tɔ. Ke nè á jè naji se ra jéi dènn’t ɓaa, è géa à naje se ra’n dè jéi’t tɔ.