Marc 9:25 - Nouveau Testament en Gulay 2004

²⁵ Jésu an kosdoo-bulege têti nan yip à reei ke ra de’t. E unn gir ndáng ndil ke majelé nè nga ede nè: – I ndil ke majelé ke njé kɔge ngonn nè tam tà se koo tà nga, man m’unn ndu’m m’adi, unde loo i tee kêmn’t aw se noin.

Marc 9:25 Iomraidhean Croise

Matthieu 12:22

Dé ree se dingem karé ke ndil ke majelé tò kêmn’t ra Jésu’t. Dingem nè nga è njèkumtɔ a, tam tà lé a tɔ. Jésu ɔr ratur ra dingem’t nè ade tam tà yoror-yoror a, an loo njai-njai a tɔ.

Matthieu 17:18

Jésu ndáng ndil ke majelé nè nga ade unde loo tee kɔke kêm ngonn’t nè. Kum kàdenn’t nè kuwe, ratur ɔr dè ngonn’t nè nga kɔke.

Marc 9:15

Loo ke kosdoo-bulege an-in Jésu pan ɓaa, ke loon’t nè kuwe, ei ndebi ɗêk-ɗêk, an-in ngɔde le rai nin lapya.

Marc 9:24

Ke loon’t nè kuwe, bɔ ngonn nè nga tam se ndu’n ke bòi beng ede nè: – Kuwe-ɓee, m’unde kêm dè Nube’t kuwe! I din-in’m tede kundekêm le’m ase lé.

Marc 9:26

Ndil ke majelé ra ngonn nè ade non kaláng-kaláng a, sure mbangang-mbangang a, ɓita unde loo tee aw ɓai. Ngonn nè tel tò nang ratch. Dooge bule dann njé ke ndai loon’t edi nè: – Ngonn basa nga wei ɓá ta.

Tà ke Maje ke Luc ndang 11:14

Ndil ke majelé tò kêm dingem karé’t. Ndɔ karé bè, Jésu rɔ ndil ke majelé ke ɔge dingem nè tam tà nga kɔke. Loo ke ndil ke majelé nè unde loo tee nata ɓaa, dingem nè unn gir tam tà. Kosdoo-bulege ke ndai loon’t nga, ndil de tee an-in soin-soin.

Tà ke Maje ke Luc ndang 4:35

Jésu in se ndil ke majelé nè ndáng’n ede nè: – Ebe rai tam tà, unde loo i tee kɔke kêm dingem’t nè. Ndil ke majelé unn dingem nè nga ile’n nang njanm dann dooge’t ɓaa, unde loo tee nyɔrong aw nal ra se’n nyan karé ke majelé.

Tà ke Maje ke Luc ndang 4:41

Ndilge ke majelé géa undei loo teei kêm dooge’t bule se non tà de’t beng-beng edi nè: – I i Ngonn le Nube. Jésu on de njanm-njanm ɔge de tam tà, tede dé ger’n mbak titeke è Krist.

Tà ke Maje ke Luc ndang 8:29

Dingem nè tam tà nè nga titeke bè tede Jésu unn ndu’n ade ndil ke majelé le kade unde loo tee kɔke kêm doo’t nè. Dɔ-dɔ ndil ke majelé nè nga unn dingem nè tile’n barak-barak. Doo nè nga, dɔ-dɔ dé tɔ ji’n se sul a, d’ile kanglang njann’t dé ngonm’n nang. Nè è gang sul ke jinn’t nga ɗap-ɗap a, tête kanglang ke njann’t dap-dap a tɔ. Ndil ke majelé nga ɔr dingem nè aw se’n kêm dilege’t a tɔ.

Tà ke Maje ke Luc ndang 9:42

Loo ke bɔ ngonn nè à ree se’n ɓaa, ndil ke majelé unn ngonn nè ile’n nang njanm ade sure mbangang-mbangang. Nè Jésu in se ndil ke majelé nè nga ndáng’n. E aje ngonn nè nga tel ule’n ji bɔn’t.

Nyanra Njekawkulege 16:18

E ra titeke bè kum’n ke kété-kété ase ndɔ bule. Wong ra Paul ade tel tur ra’n dè ndil ke majelé’t ke tò kêm ngonn ke dinye’t nè nga, ede’n ede nè: – M’unn ndu’m se ri Jésu-Krist m’adi, unde loo i tee kêm ngonn ke dinye’t nè kɔke. Kêm kàdenn’t nè kuwe, ndil ke majelé nga unde loo tee.

Jude 1:9

Michel ngar le dooge ke danrán nga, ndɔ ke gaki nan se sú dè ninn njèyo Moise’t. Michel ndige le gangtà dè sú’t lé a, ndige le taje’n lé a tɔ. Nè è ede sú ede nè: «Maje kade Kuwe-ɓee kuwe ndángi.»