Marc 9:24 - Nouveau Testament en Gulay 2004

²⁴ Ke loon’t nè kuwe, bɔ ngonn nè nga tam se ndu’n ke bòi beng ede nè: – Kuwe-ɓee, m’unde kêm dè Nube’t kuwe! I din-in’m tede kundekêm le’m ase lé.

Marc 9:24 Iomraidhean Croise

Marc 9:23

Jésu tel deje bɔ ngonn nè nga ede nè: – Ké bain á i tam ede nè: Ke nè á ase ra nyan karè wa? Doo ke unde kêm’n dè Nube’t ɓaa, Nube asekum ra nyan malang tede’n kuwe.

Marc 9:25

Jésu an kosdoo-bulege têti nan yip à reei ke ra de’t. E unn gir ndáng ndil ke majelé nè nga ede nè: – I ndil ke majelé ke njé kɔge ngonn nè tam tà se koo tà nga, man m’unn ndu’m m’adi, unde loo i tee kêmn’t aw se noin.

Tà ke Maje ke Luc ndang 17:5

Njékawkulege edi Jésu edi nè: – Ade kundekêm le jé in dè made’t ke kété-kété.

Tà ke Maje ke Luc ndang 7:38

E ree ndi nang go Jésu’t non sɔk-sɔk uwe’n nja’n. Mann kum’n ke non’n nga tɔl nja Jésu tɔbl. E tise nja Jésu se bin dè’n, taɓai è tête wubu ke ete sununn nè nga njann’t a tɔ.

Tà ke Maje ke Luc ndang 7:44

Jésu tel tur kum’n ke ra dinye’t nè nga ede nè: – Simon, ké an nyan ke dinye nè ra nga wa? M’ree kêm kei lei, nè i ade’m mann m’togo’n nja’m lé. Nè dinye nè togo nja’m se mann kum’n a, tise nja’m se bin dè’n a tɔ.

Nyanra Njekawkulege 10:19

Pierre ndi à girtà dè nyanpinde’t nè nga ɓai. Ndil-Kêmnda ede’n ede nè: – An! dingemge mute à sangi nin.

Nyanra Njekawkulege 10:31

«Corneille, Nube ur mbi’n oo’n tà lei ke ɔje se’n nga. Noje ke i uwe se njéndooge nga géa, kêm’n wei nal dè’t lé a tɔ.

2 Nje Ke Corinthe 2:4

M’ndi dann nyantosowur’t se dann ɓel’t. Magtub ke m’ndang nè nga m’ade sei se mann non kum’t tede kade’n sei kêmkon gugu lé ta. Nè m’ndang magtub nè m’ade sei kade i geri njai titeke m’tár sei ngain m’ade al dè loo’n.

Nje Ke Ephese 2:8

E takul kem̂noje le Nube á sei ingei kaje se go kundekem̂ le si. Kem̂noje nè nga in ra si’t lé, nè è nyan-noje ke in ra Nube’t kuwe.

Nje Ke Philippes 1:29

Tede Nube uwe se si noje le kade undei kem̂ si dè Krist’t á go karé lé, nè le kade ingei nyankem̂konge tede le Krist.

2 Nje Ke Thessalonique 1:11

Gir’n ke nè á j’ɔje’n tà se Nube se ndɔge malang tede si. Jè deje Nube le jéi le kade ade nyanra si uwe made nan se ndikumgajer se non ke è ɓar sei tede nga. Maje kade ra se si se go tɔgmong le’n ade i rai nyange malang ke maje ke i ndigi rai. Maje kade Nube ade i ndii kum dè ra kule dè kundekem̂’t le si.

2 Nje Ke Thessalonique 1:3

Ngakon jége, gar-gar jè ra Nube oiyo se ndɔge malang tede si. Ra ke jè ra’n oiyo bè nga, è loon’t kuwe tede kundekem̂ dè Nube’t le si se tár ke sei malang i tári nan nga in dè made’t ke kété-kété.

2 Timothee 1:4

Kem̂’m olé dè mann non ke ndɔ ke tee kumi’t. Gir’n ke nè á ngur tel kaw kan kumi kade dè ranel le’m ɔr’n njêt ra’m pênn-pênn.

Hebreuge 12:17

Sei geri mbak, Esau nga ndɔ ke mbɔr go’t gugu ɓaa, è ndige le kinge ndutɔr ke nyan-ndube nè bɔ’n ute’n mbeng. E non se mann non kumn’t a, è sang loo kade bɔ’n tel tur ndu’n nè ase nan’t ade’n lé ta.

Hebreuge 12:2

Jésu è njèkunde gir kundekem̂ le jéi a, è njè kade kundekem̂ le jéi maje ɔr njêt a tɔ. Ade j’oréi kum jéi dènn’t sêw-sêw se ndɔge malang. Jésu inye ra’n ade dé tɔl kade kage-ke-dese’t anje kan rasɔl’n ke nyan. Kerɔte kuwe, Jésu oré kum’n dè nyan ranel ke tò nonn’t kété ɓaa, ɗarinè è ndi dè jikon kutu-ngar’t le Nube ta.

Hebreuge 5:7

Krist nga, loo ke ndɔ ke è ndi se dè’n dɔ dè nang nè ɓai nga, è ɔje tà se Nube a, è ndête’n se mann non kumn’t se ndu’n ke bòi beng a tɔ. Nube asekum taa Krist tà yo’t tede koje ke è ile dènn’t.