Marc 9:23 - Nouveau Testament en Gulay 2004

²³ Jésu tel deje bɔ ngonn nè nga ede nè: – Ké bain á i tam ede nè: Ke nè á ase ra nyan karè wa? Doo ke unde kêm’n dè Nube’t ɓaa, Nube asekum ra nyan malang tede’n kuwe.

Marc 9:23 Iomraidhean Croise

Matthieu 14:29

Jésu ede Pierre ede nè: – I ree ke laa. Pierre rise kêm bato’t, njiye dè mann’t kum’n ke ra Jésu’t.

Matthieu 17:20

Jésu tel ede de ede nè: – E tede kundekêm le si ke tin lé. Kerɔte kuwe, man m’ede sei ndàt, ke nè á kundekêm le si è tite kum kage Mutarde bè ɓaa, sei asikum kedi mbal nè kedi nè: «Ɔr rai loo ke nè’t kɔke aw i nda nú bè» ɓaa, mbal nè nga à ɔr ra’n se gir son’n bere kaw kuwe tɔ. Nyan karé bè ke à dum si goto.

Marc 11:23

Kerɔte kuwe, man m’ede sei ndàt, ke nè á doo karé ede mbal nè ede nè: «Ɔr rai loo ke nè’t kɔke aw oso ba ɓaa, d’ade ra nyan nè kade’n kuwe. Nè è tà le kade um kêm’n dè’t bɔk-bɔk m naje se ra’n dè’t lé.

Marc 9:22

Dɔ-dɔ ndil ke majelé sure ngonn nè nga ile’n poro éké manné le kade an-in mann wei. Nè ke nè á ase ra nyan karé tede tà le’n ɓaa, kɔkrɔ karè i din-in jè.

Marc 9:24

Ke loon’t nè kuwe, bɔ ngonn nè nga tam se ndu’n ke bòi beng ede nè: – Kuwe-ɓee, m’unde kêm dè Nube’t kuwe! I din-in’m tede kundekêm le’m ase lé.

Tà ke Maje ke Luc ndang 17:6

Kuwe-ɓee tel ile de dè’t ede nè: – Ke nè á kundekêm le si è ndêin-ndêin bè tite kum kage ke ri’n nè Mutarde géa, sei asikum kede kage koté nè kedi nè: «Ɔr rai se ngirei bere mbak aw i nda dann ba’t» ɓaa, kage nè nga à ra nyan ke sei edii.

Jean 11:40

Jésu tel ede’n ede nè: – Ke nè á unde kêmi dèm’t ɓaa a an tɔgmong le Nube se kumi. Ké kété m’edi bè lé wa?

Nyanra Njekawkulege 14:9

Doo nè nga ndi ur mbi’n oo’n tàge ke Paul ndi à tam. Paul an dingem nè nga kàkàk. E ger titeke doo nè nga aw se kundekêm ke asekum kaje’n.

Hebreuge 11:6

Ke nè á kundekem̂ goto ɓaa, doo asekum taa kum Nube ndan lé. Doo ke age ngɔr ke ra Nube’t tede kum se’n nan’t bɔk nga, gar-gar maje kade ger titeke Nube ndi tutu. Nube à uge dè ji njé ke sangi nin se kem̂nda káng nga.