Marc 9:22 - Nouveau Testament en Gulay 2004

²² Dɔ-dɔ ndil ke majelé sure ngonn nè nga ile’n poro éké manné le kade an-in mann wei. Nè ke nè á ase ra nyan karé tede tà le’n ɓaa, kɔkrɔ karè i din-in jè.

Marc 9:22 Iomraidhean Croise

Matthieu 14:31

Ke loon’t nè kuwe, Jésu ule ji’n uwe’n Pierre, taɓai deje’n ede nè: – Ké i doo ri á kundekêm lei ii lé bè wa? Ké bain á i naje se rai bè wa?

Matthieu 17:15

– Kuwe-ɓee, an! kumtondoo le ngonn’m ke dingem nè nga kɔkrɔ karè. Ngonn nè kɔnon ra’n ndoo ngain. Dɔ-dɔ è toso poro a, toso manné a tɔ.

Matthieu 20:34

Jésu an kumtondoo le njékumtɔge ade ule ji’n ɔde’n kum de. Ke loon’t nè kuwe, kum de tel an loo njai-njai. Dé liger lagr-lagr go Jésu’t.

Matthieu 8:2

Njèbanje karé bè aw ngɔr ke ra Jésu’t ɔse keje’n nang nonn’t ede’n ede nè: – Kuwe-ɓee, ke nè á i ndige se’m le kade banje ɔr ram’t ndát-ndát ɓaa, ra’m à tel tò karè.

Matthieu 9:28

Loo ke Jésu aw tee kêm ɓéee ɓaa, njékumtɔge nè nga agi ngɔr ke rann’t. E deje de ede nè: – Ké sei giri titeke m’a m’ase ra nyan ke sei deji man nga wa? Dé tel d’ile’n dè’t d’ede nè: – Oiyo Kuwe-ɓee, i asekum ra kuwe.

Marc 5:19

Jésu inye loo ade doo nè nga aw se’n lé, nè è ede’n ede nè: – Ɔte aw ra njé ke lei’t, ɔrgir kêmkanm se nyan malang ke Nube ra sei ade ooi.

Marc 9:21

Jésu deje bɔ ngonn ke dingem nè nga ede nè: – Ké nyan nè nga ra ngonni ase ndɔ kandang ɗarinè ta wa? E tel ile jésu dè’t ede nè: – Nyan nè nga ra’n se ngonn’n mari.

Marc 9:23

Jésu tel deje bɔ ngonn nè nga ede nè: – Ké bain á i tam ede nè: Ke nè á ase ra nyan karè wa? Doo ke unde kêm’n dè Nube’t ɓaa, Nube asekum ra nyan malang tede’n kuwe.

Tà ke Maje ke Luc ndang 7:13

Loo ke Kuwe-ɓee Jésu tête kum’n an kon ngonn nè nga ɓaa, kêm’n aw biriri-biriri ade ede nè: – Ebe’t non.