Marc 9:21 - Nouveau Testament en Gulay 2004

²¹ Jésu deje bɔ ngonn ke dingem nè nga ede nè: – Ké nyan nè nga ra ngonni ase ndɔ kandang ɗarinè ta wa? E tel ile jésu dè’t ede nè: – Nyan nè nga ra’n se ngonn’n mari.

Marc 9:21 Iomraidhean Croise

Marc 5:25

Dinye karé ke mese tal rann’t ase lo dɔg-gidé-joo nda dann kosdooge’t nè nga tɔ.

Marc 9:20

Dé ree se ngonn nè nga ra Jésu’t. Loo ke ndil majelé an Jésu pan ɓaa, ke loon’t nè kuwe è unn ngonn nè nga yei’n yák yák ile’n nang barak. Ngonn nè ndubri nang gurur-gurur a, pululu tée tànn’t pɔt-pɔt a tɔ.

Marc 9:22

Dɔ-dɔ ndil ke majelé sure ngonn nè nga ile’n poro éké manné le kade an-in mann wei. Nè ke nè á ase ra nyan karé tede tà le’n ɓaa, kɔkrɔ karè i din-in jè.

Tà ke Maje ke Luc ndang 13:16

An! dinye nè nga è ngonnkà Abraham. Nè njèban ade ratur tɔ’n nang njanm-njanm ase ɓal dɔg-gidé-sɔsɔ ɗarinè. Gar-gar man tutu’n kinye’n dɔ. Ké tede k’ee ke è ndɔ taa kebe á kade m’aje’n lé wa?

Tà ke Maje ke Luc ndang 8:43

Dinye karé ke mese tal rann’t gavbak-gavbak ase lo dɔg-gidé-joo nda dann dooge’t nè tɔ. E tunde nyankingege le’n malang tin sakt-sakt kɔke ra njékugege’t. Nè doo karé bè ke njèkuge asekum kɔr ratur nè rann’t lé.

Jean 9:1

Loo ke Jésu à dere le kaw ɓaa, è an dingem karé bè ke d’oje’n ke njèkumtɔ.

Nyanra Njekawkulege 14:8

Dingem karé bè ndi kêm ɓee ke Lystre. Doo nè nga nja’n wei tonri ade ndi nang bɔp, m in dɔ njiye ndɔ karé bè lé. E mete ke in-in’n kêm konn’t.

Nyanra Njekawkulege 3:2

D’unn dingem karé ke d’oje’n ke njèdɔgemete d’unde’n tàbit kei’t le Nube ke dé ɓar’n «Tàbit kei ke maje ngain.» Dé ree se’n d’unde’n bè se ndɔge malang le kade kɔ nyan dooge ke à reei kêm kei’t le Nube.

Nyanra Njekawkulege 4:22

Njèdɔgemete ke Pierre se Jean rai nyankɔbe aji nin nga, ɓal’n dum dè ɓal kɔr-sɔ.

Nyanra Njekawkulege 9:33

E inge dingem karé ke ri’n nè Enée. Dingem nè nga kêl ra’n wei tonrin ade tò nang dè tire ratur’t lo sɔsɔ.