Marc 9:20 - Nouveau Testament en Gulay 2004

²⁰ Dé ree se ngonn nè nga ra Jésu’t. Loo ke ndil majelé an Jésu pan ɓaa, ke loon’t nè kuwe è unn ngonn nè nga yei’n yák yák ile’n nang barak. Ngonn nè ndubri nang gurur-gurur a, pululu tée tànn’t pɔt-pɔt a tɔ.

Marc 9:20 Iomraidhean Croise

Marc 1:26

Ndil ke majelé sure dingem nè mbangang-mbangang a, ade non ɓerer-ɓerer ɓita unde loo tee kêmn’t ɓai.

Marc 9:18

Loo ke rara géa, ndil ke majelé uwe’n ile’n nanga barak. Loo ke uwe’n ile’n nang barak ɓaa, pululu tée tànn’t pɔt-pɔt a, use gɔge’n matchatch-matchatch a, sure mbangang-mbangang a tɔ. M’deje njékuwe-girige le kade rɔi ndil ke majelé nè nga kɔke kêmn’t, nè tɔg de ase lé.

Marc 9:19

Jésu deje njékuwe-girnge ɓai ede nè: – Sei dooge ke i ndii dè nang nè ɗarinè nga, ké sei doo rige á kundekêm le si goto bè wa? Ké m’a ndi se si dè nang nè ndɔ kandang ɓita kundekêm le si à tò ɓai wa? Ké m’a kile kêm’m dè si’t nja kandang wa? I reei se ngonn nè nga ram’t laa.

Marc 9:21

Jésu deje bɔ ngonn ke dingem nè nga ede nè: – Ké nyan nè nga ra ngonni ase ndɔ kandang ɗarinè ta wa? E tel ile jésu dè’t ede nè: – Nyan nè nga ra’n se ngonn’n mari.

Marc 9:26

Ndil ke majelé ra ngonn nè ade non kaláng-kaláng a, sure mbangang-mbangang a, ɓita unde loo tee aw ɓai. Ngonn nè tel tò nang ratch. Dooge bule dann njé ke ndai loon’t edi nè: – Ngonn basa nga wei ɓá ta.

Tà ke Maje ke Luc ndang 4:35

Jésu in se ndil ke majelé nè ndáng’n ede nè: – Ebe rai tam tà, unde loo i tee kɔke kêm dingem’t nè. Ndil ke majelé unn dingem nè nga ile’n nang njanm dann dooge’t ɓaa, unde loo tee nyɔrong aw nal ra se’n nyan karé ke majelé.

Tà ke Maje ke Luc ndang 8:29

Dingem nè tam tà nè nga titeke bè tede Jésu unn ndu’n ade ndil ke majelé le kade unde loo tee kɔke kêm doo’t nè. Dɔ-dɔ ndil ke majelé nè nga unn dingem nè tile’n barak-barak. Doo nè nga, dɔ-dɔ dé tɔ ji’n se sul a, d’ile kanglang njann’t dé ngonm’n nang. Nè è gang sul ke jinn’t nga ɗap-ɗap a, tête kanglang ke njann’t dap-dap a tɔ. Ndil ke majelé nga ɔr dingem nè aw se’n kêm dilege’t a tɔ.

Tà ke Maje ke Luc ndang 9:39

An! ndil ke majelé uwe ngonn nè nga mêtch, ke loon’t nè kuwe ra’n ade non ɓerer-ɓerer a, sure mbangang-mbangang ade pululu tee tànn’t pɔt-pɔt a tɔ. Taɓai ndil nè nga uwe’n gudu’n ngoin-ngoin ke mari-mari ɓita inye’n ɓai.

Tà ke Maje ke Luc ndang 9:42

Loo ke bɔ ngonn nè à ree se’n ɓaa, ndil ke majelé unn ngonn nè ile’n nang njanm ade sure mbangang-mbangang. Nè Jésu in se ndil ke majelé nè nga ndáng’n. E aje ngonn nè nga tel ule’n ji bɔn’t.

Jean 8:44

Sei ɓaa, bɔ si ke le si è sú. Nyange ke ngur’n ra bɔ si pênn-pênn á sei ndigi rai. E nga, è njè tɔ koo dooge ká-ká, kété mari ke desêin sár tee ɓila. E nga, nda dè njann’t njáng dè ngarankum tà’t lé, tede ngarankum tà goto kêmn’t. Tà lanm ke è tam se ndɔge malang nga in-in kêm’n è’t kuwe tede è njè tà lanm a, è bɔ njé tà lanmge a tɔ.

1 Pierre 5:8

I ndii kum si karè, ɔgi kum si ɓi. Sú ke è njèban le si nga uje rɔ ringe’n tite toboi bè. E sang doo ke le kuwe’n kuse’n.