Marc 9:2 - Nouveau Testament en Gulay 2004

² Loo ke Jésu ede njékuwe-girnge tà yoo’n se kunde loo tee le’n dann njé ke koo’t, ra ndɔ mute-mute ɓaa, è ɔr Pierre, Jacques se Jean njɔl ade awi se’n dɔ dè mbal karé’t bè. Ra’n tel waks tàkum de’t.

Marc 9:2 Iomraidhean Croise

Matthieu 14:13

Loo ke Jésu oo tà nè nga bè ɓaa, è al kêm bato’t ɔr ra’n se kar’n aw kêm dile loo’t se kar’n. Nè loo ke kosdoo-bulege ooi ká’n ɓaa ei in-in se kêm ɓee-bòge gai-gai awi goon’t se nja de.

Marc 14:33

E ade Pierre, Jacques se Jean á danni nin. Ɓel unn gir kunde’n ndàt gang’n ade kàde’n gete get-get.

Marc 16:12

Njékuwe-gir-Jésuge joo in-in Jérusalem kêm ndɔn’t nè à awi ke ngonn ɓee karé’t bè. Jésu unde loo tee pan kum de’t. Nè ra ra’n tite doo ke rang bè.

Marc 5:37

Jésu inye loo ade doo karé ke rang dann’n lé, nè ade Pierre se Jacques se ngokon’n Jean danni nin awi se’n.

Tà ke Maje ke Luc ndang 6:12

Kêm ndɔn’t nè nga, Jésu aw dè mbal’t le kɔje tà se Nube. E ɔje se’n tà dann ndɔ sár ade loo ar yerer.

Jean 1:14

Tà nè nga, tel è danra doo. E ra ɓee dann jéi’t j’an-in ndubra le’n tite ndubra le Ngonn dagi ke in ra Bɔ dooge’t. Kêmnoje se ngarankum tà taa ra’n pel-pel.

Nje Ke Rome 12:2

Umi nan’t lêtêt se dooge ke ndii dè nang nè ɗarinè nga lé. Nè inyei Nube adi tel sei ke dooge ke kige a, ade ade sei tàgir ke kige a tɔ. Titeke bè á a i teri nyan ke maje ke kêm Nube ndige a, nyan ke maje ɔr njêt ke à taa kum’n ɗekm a tɔ.

2 Nje Ke Corinthe 13:1

Kaw ke m’a m’aw ɓéee le si nè nga, è njèkon’t mute ta. Titeke Magtub le Nube tam’n ede nè: «Doo ke tà oso dènn’t ɓaa, tà ke à tee tà njékɔrgo tàge joo éké mute kuwe ase gɔl tà nè malang kade oso nan’t.»

Nje Ke Philippes 3:21

Ra jéi ke dang’t ra’n ade uwe ndoo mɔngong nga, Jésu-Krist à tel’n le kade tò tanan se le’n ke ndoin kein-kein. E aw se tɔgmong le dum’n dè nyange malang, ule’n de wɔr-wɔr.

Lookilera’n 20:11

Go’t gugu, m’an doo karé bè ndi dè kutu-ngar ke nda ke bòi’t. Nang se danran ɔti an-in nan tà kum’n ta.