Marc 9:19 - Nouveau Testament en Gulay 2004

¹⁹ Jésu deje njékuwe-girnge ɓai ede nè: – Sei dooge ke i ndii dè nang nè ɗarinè nga, ké sei doo rige á kundekêm le si goto bè wa? Ké m’a ndi se si dè nang nè ndɔ kandang ɓita kundekêm le si à tò ɓai wa? Ké m’a kile kêm’m dè si’t nja kandang wa? I reei se ngonn nè nga ram’t laa.

Marc 9:19 Iomraidhean Croise

Matthieu 17:17

Jésu tel tam ede de ede nè: – Sei njé kunn mbi dè tà’tge se njéndɔje lɔk-lɔkge. Ké m’a m’ndi se si ndɔ kandang ɓai wa? I reei se ngonn nè nga ke ram’t nè.

Marc 16:14

Loo ke njékuwe-gir-Jésuge ke dɔg-gidé-karé ndii à usei nyan ɓaa, Jésu tee pan kum de’t malang. Jésu in se de ede nè: – Sei njé kunn mbi dè tàge’t se njékêm nderge! Sei mbati kumi kêm si dè tà’t le njè ke an-in man kumgajer loo kunde loo tee’t le’m dann njé ke koo’t.

Marc 9:18

Loo ke rara géa, ndil ke majelé uwe’n ile’n nanga barak. Loo ke uwe’n ile’n nang barak ɓaa, pululu tée tànn’t pɔt-pɔt a, use gɔge’n matchatch-matchatch a, sure mbangang-mbangang a tɔ. M’deje njékuwe-girige le kade rɔi ndil ke majelé nè nga kɔke kêmn’t, nè tɔg de ase lé.

Marc 9:20

Dé ree se ngonn nè nga ra Jésu’t. Loo ke ndil majelé an Jésu pan ɓaa, ke loon’t nè kuwe è unn ngonn nè nga yei’n yák yák ile’n nang barak. Ngonn nè ndubri nang gurur-gurur a, pululu tée tànn’t pɔt-pɔt a tɔ.

Tà ke Maje ke Luc ndang 24:25

E ede de ede nè: – Sei njé kêm tɔ kuju tà lége tur se si ngain le ger gir tà ke njéribe-dè-tàge ke tà Nube’t tami kété mari nga.

Tà ke Maje ke Luc ndang 9:41

Jésu unn tà tam ede nè: – Sei ke njé kunn mbi dè tàge’t se njé ndɔje lɔk-lɔkge ke ɗarinè nga, ké m’a ndi se si dè nang nè ndɔ kandang ɓai wa? Ké m’a kile kêm dè si’t nja kandang ɓai wa? Jésu tel ede dingem nè nga ede nè: – I ree se ngonni nga ke nè.

Jean 12:27

Ɗarinè kêm’m tò kekek. Nè ké ri á m’a ra wa? Ké m’a deji Bɔ’m le kade taa’m tà yo’t kêm kàdenn’t nè wa? M’ree tede le kwei ɓaa, m’a m’wei kuwe.

Jean 20:27

Go’t gugu è tur kum’n dè Thomas ede’n ede nè: – An tà dòge ke jim’t. Ule ngonn jii ke kété nè ɔde’n tà dò ninge ke kêl kàdem’t. Ebe’t kunn mbii dè tà’t lei. Unde kêmi dèm’t.