Marc 9:12 - Nouveau Testament en Gulay 2004

¹² Jésu ede de ede nè: – Elie à tel ree le gɔl nyange malang kade teli tooi loon’t titeke kété pa ɓita. A ɓaa, ké bain á dé ndang tà kêm Magtubge’t d’ɔje’n dè’m man Ngonn doo d’ede nè: Gar-gar nyankêmkonge ngain à ra’m a, d’a d’an’m ke nyan lé a tɔ wa?

Marc 9:12 Iomraidhean Croise

Matthieu 16:21

Unn gir kêm ndɔn’t nè nga, Jésu-Krist ede njékuwe-girnge ede nè: – Gar-gar m’a m’aw ke kêm ɓee-bò ke Jérusalem. Ngatɔgege se maw njékuje nyan-mesege a, se njéndang magtubge a tɔ, à rai se’m nyantosowur. D’ade tɔl’m nè ndɔ ke njékon’t mute ɓaa, m’a m’unde loo tee dann njé ke koo’t.

Matthieu 26:24

Man ke m’ee Ngonn doo nga, m’a m’ɔte kaw se go tà ke dé ndang kêm magtub’t d’ɔje’n dè’m. Nè doo ke njèkule’m ji dooge’t nga, à an ɓai! Doo nè nga, ke nè á ndɔ ke d’oje’n lé géa è soo’t.

Marc 10:33

Jésu ede njékuwe-girnge ede nè: – An-in! j’à j’awi ke kêm ɓee-bò ke Jérusalem. Man ke m’ee Ngonn doo nga, d’a d’ulem ji maw njékuje-nyan-mesege’t se ji njékɔrgirgute-nduge’t. Dé nè nga, d’ade gang tà yo dèm’t a, d’ade d’ule’m ji dooge ke dɔ ke geri Nube lé.

Marc 9:13

Nè né è bè géa, man m’ede sei titeke Elie nga tel ree ɓá, nè dooge ke nange rai se’n nyan titeke kêm de ndige se go tà ke dé ndang kêm magtub’t d’ɔje’n dè’n kété mari.

Marc 9:31

Tede è ndi à ndó nyan njékuwe-girnge ede nè: – Man ke m’ee Ngonn doo nga, d’a d’uwe’m kule’m ji tɔgmong’t le dooge a, d’ade tɔl’m a tɔ. Ndɔ ke njèkon’t mute go kwei’t le’m ɓaa, m’a m’unde loo tee dann njé ke koo’t.

Tà ke Maje ke Luc ndang 1:76

Ngonn nè nga d’a ɓar’n njèribe-dè-tà ke tà Nube’t ke njè dum dè nyange malang. Ngonn nè nga à njiye non Kuwe-ɓee’t le gɔl rebege le’n ke à ree’n.

Tà ke Maje ke Luc ndang 23:11

Hérode se kos njérɔge le’n t’ulei mbe dè Jésu’t a, ilei rasɔl dènn’t a tɔ. Taɓai Hérode ade d’ule kubu ke ndolé kein-kein rann’t ɓaa tel ule se’n gugu ade’n Pilate.

Tà ke Maje ke Luc ndang 23:39

Njé ra majelége joo ke dé ɓer de se’n nan’t nga, è ke karé tule mbe dènn’t tɔ ede nè: – Ké i i Krist ke Nube ule’n nga lé ɓai wa? I taa rai i kuwe tà yo’t ɓaa, i taa jè tà yo’t sei tɔ.

Nyanra Njekawkulege 1:6

E á njékawkulege ɔsi nja nan ra Jésu’t deji nin edi nè: – Kuwe-ɓee, ké ɗarinè kuwe è ndɔ ke a i tel’n se konɓee le ngann Israelge kade gugu ta wa?

Nyanra Njekawkulege 4:11

Jésu nga è è Magtub le Nube ke tò se ninn’n tam tà ɔje’n dè’n ede nè: «E kuberi her ke sei njékunde keige an-in ke nyan lé, nè tel è kuberi her mong dè kum kei.»