Marc 8:34 - Nouveau Testament en Gulay 2004

³⁴ Taɓai è ɓar doobulege se njékuwe-girnge ke rann’t ede de ede nè: – Ke nè á doo karé ndige le k’ee njèkuwe-gir’m ɓaa, maje kade inye go tàgir ke ɔje dè ra’n kɔke a, maje kade unn kage-ke-dese le’n ndolè’n goo’m a tɔ.

Marc 8:34 Iomraidhean Croise

Matthieu 10:38

Nanan ke uwe dè nja ra’n le kwei titeke man m’ra’n bè lé ɓaa, asekum k’ee le’m man lé karè.

Matthieu 16:24

Taɓai Jésu ede njékuwe-girnge ede nè: – Ke nè á doo karé ndige kunn rebe goom’t ɓaa, maje kade inye go tàgir ke ɔje dè ra’n kɔke a, maje kade uwe dè nja ra’n se ndɔge malang le kwei titeke man m’ra’n bè ɓita unn dè nja’m têr-têr ɓai.

Matthieu 27:32

Loo ke njérɔge à undei loo le teei se Jésu kawi se’n gide ɓee-bò’t nata ɓaa, ei ingei dingem karé ke ɓee le’n è Cyrène deĵ. Ei undei tɔg dènn’t le kade unn kage-ke-dese le Jésu nga oto. Dingem nè nga ri’n nè Simon.

Marc 10:21

Jésu an basa nè nga gerer, tede è tár’n ngain. Jésu ede’n ede nè: – Nain nyan karé kade i ra ɓai. Aw, ige nyankingeige malang, i kai nar’n njéndooge ɓaa, a inge nyanbaw danrán. I ra nyange nè malang pa ɓita i ree unn rebe goom’t ɓai.

Marc 7:14

Go’t gugu, Jésu tel ɓar doobulege rann’t ede de ede nè: – Sei malang uri mbi si ooi tà ke m’a m’tam nè tede kade i giri gir’n njai.

Tà ke Maje ke Luc ndang 13:24

Jésu tel ile’n dè’t ede nè: – I sangi loo le kaw se tàbit kei ke njon tede man m’ede sei ndàt, dooge ngain dann si’t à sangi rebe le kaw kêm Konɓee’t le Nube. Nè asikum kilei nja de tutu ndan lé.

Tà ke Maje ke Luc ndang 14:33

Jésu tɔl ngang tà nè nga ede nè: – Sei géa è titeke bè tɔ. Ke nè á doo karé dann si’t inye go nyankingege le’n lé ɓaa, è asekum k’ee njèkunn dè nja’m têr-têr lé.

Tà ke Maje ke Luc ndang 18:22

Loo ke Jésu oo tà le doo nè bè ɓaa, è ede’n ede nè: – Nyan karé nain kade i ra ɓai. Aw ige nyange lei mbak inye nar’n i nobo njéndooge ɓaa, i a kinge nyanbaw ra Nube’t nú ɓai. Aw i ra nyange nè pa ɓita i tel i ree unn rebe goom’t ɓai.

Tà ke Maje ke Luc ndang 20:45

Kosdoo-bulege malang ndii uri mbi de tchên ooi tà le Jésu ɓaa, è ede njékuwe-girnge tàkum de’t malang ede nè:

Tà ke Maje ke Luc ndang 9:23

Go’t gugu, Jésu ede dooge malang ke ndai rann’t ede nè: – Ke nè á doo karé ndige kunn dè nja’m têr-têr ɓaa, maje kade an ra’n ke nyan lé a, maje kade uwe dè nja ra’n le kwei tite man m’ra’n bè, ɓita unn rebe goom’t se ndɔge malang ɓai.

Jean 10:27

Batege le’m nga uri mbi de ooi ndu’m. Man m’ger de mbak, à umi nan goom’t a tɔ.

Jean 19:17

Jésu kuwe unn kage-ke-dese le’n oto. E unde loo tee’n kêm ɓee-bò ke Jérusalem aw’n ngang loo’t nata. E loo «Ngó-non-dooge» ke dé ɓar’n «Golgotha» se tà hébreu.

Nyanra Njekawkulege 14:22

Njétaakêm-Kristge ke ndii kêm ɓee-bòge’t nè nga, Paul se Barnabas ulei dingem kêm de’t a, ndeje de kade awi kum de ke kété dè kundekêm de dè Nube’t le de. Taɓai ei edi de edi nè: – Gar-gar nyantosowurge à ra jèi ngain ɓita j’à j’awi kêm Konɓee’t le Nube ɓai.

Nje Ke Rome 6:6

Jè ger titeke danra jéi ke mari nga, dé tɔl’n se Jésu nan’t kade kage-ke-dese’t le kade danra ke majelé ke ur sire tutu nga tel unde nang ndagja. Gir’n ke nè á jèi ɓerge le kaiya gugu lé ta.

Nje Ke Rome 8:17

Ke nè á jèi ngann Nube kerɔte ɓaa, j’ingei nyange ke ndɔ ke Nube unn’n ndu’n le kade dooge le’n se Krist nan’t. Bè ɓaa, ke nè á, j’orèi nan se Krist dè nyantosowurge’t le’n ɓaa, ndɔn’t j’à j’orèi nan se’n dè ndubra’t le’n nga tɔ.

1 Nje Ke Corinthe 15:31

Ngakonmge, m’ndi tà yo’t se ndɔ karé-karé. Man m’ede sei ndàt, tede sei nyan pite ra le’m takul kum ke j’umi nan’t bɔk se Kuwe-ɓee le jéi Jésu-Krist nga.

1 Nje Ke Corinthe 8:13

Gir’n ke nè á, ke nè á m’an titeke nyankuse à ade ngokon’m à oso dann majelé’t ɓaa, mbate kuse dan nè nga njing è soo’t dum kade ngokon’m oso dann majelé’t tede tà le’m.

1 Nje Ke Corinthe 9:19

Man nga m’ndi dè’m pal m m’ee ɓer le doo karé bè lé. Nè né è bè géa, m’tel ra’m ke ɓer le dooge malang tede kinge’n kosdooge bule ngain ase dè tɔgem’t kade Krist.

Nje Ke Galatie 2:20

Man nga, dé tɔl’m kade kage-ke-dese’t se Krist’t nan’t. Ke nè á m’ndi kumgajer ɓai ɓaa, è man lé ta, nè è Krist á ndi kumgajer kem̂’t. Ke nè á danra’m ndi kumgajer ɗarinè ɓaa, è tede kem̂’m ke m’unde dè Ngonn le Nube ke tár’m. Ngonn le Nube inye ra’n ade yo tede’m.

Nje Ke Galatie 5:24

Dooge ke umi nan’t bɔk se Jésu-Krist nga, uwei danra se ngur nyange le’n ke majelé ɓerii kade kage-ke-dese’t.

Nje Ke Galatie 6:14

Man ɓaa, nyan karé bere ke m’unn’n tà ra’m dè de’t nga, è kwei le Krist Kuwe-ɓee le jéi Jésu Krist kade kage-ke-dese’t. M’an nyange le nang nè ke nyange ke tuji tede kwei le Kuwe-ɓee le jéi Jésu-Krist. Man géa dooge ke dè nang nè an-in man ke doo ke wei bè tɔ.

Nje Ke Philippes 3:10

Man m’ndinge ra’m le ger gel Krist, le ger tɔgmong kunde loo tee dann njé ke koo’t le’n. M’ndinge ra’m le korè se’n nan dè kem̂kon’t le’n a, se le tel tanan se’n dè kwei’t le’n a tɔ.

Nje Ke Philippes 3:7

Nè nyange nè ke kété m’an de ke nyankinge’m nga, ɗarinè m’an dè ke nyange ke tuji tede tà le Krist.

Nje Ke Colosses 1:24

Ɗarinè, m’ra ranel dè nyankem̂konge ke m’inge tede le si. Titeke bè á m’oré’n se Krist nan dè nyantosowurge ke ndɔ ke ra’n, se ndɔ’m-ndɔ’m tede le danra’n ke è njékebe nange le Nube nga.

Nje Ke Colosses 3:5

Gir’n ke nè á inyei go tò se nan ke kaiya’t se nyan ke mine, se kem̂kein se ngur nyan ke majelé se nede nyan ke è mage polé nga, adi wei ra si’t mbɔrɔk-mbɔrɔk. Nyange malang nè nga ei le nang nè.

2 Nje Ke Thessalonique 3:11

Taɓai, jè j’oo titeke njé ke nange dann si’t ei njé ra dabege. Kule ra de ke rang goto, nè ei njé kunde ra de nyan’t le dooge ke rang.

Tite 2:12

Kem̂noje le Nube nè nga ndó jèi loo mbate nyange ke uwe made nan se le Nube lé a, se ngur nyange ke ɔje dè dè nang nè a tɔ. Nè kem̂noje nè nga ndó jèi rebe kunde kumkunju dè ra’t dann dooge ke ndii dè nang nè ɗarinè. Kem̂noje le Nube nga ndó jèi nyanra ke se dè naje’n ke uwe made nan se kile koje dè Nube’t.

Hebreuge 13:13

Bè ɓaa, ade jè taai nyan rasɔl le’n j’otoi dè jéi’t j’awi jè tilei non’n gide loo ndi’t nata heb.

1 Pierre 4:1

Krist nga nyankem̂kon ra ra’n. Sei géa, maje kade unni tàgir le Krist nè nga ke nyankate le rɔ’n se kaiya. Doo ke nyankem̂kon ra ra’n nga à ebe ra’n dè ra majelé’t.

1 Pierre 4:13

Nè maje kade i rai ranel tede korè ke sei oréi nan se Krist dè nyankem̂konge ke ra’n. Ndɔ ke Krist à tel ree dann ndubra le’n tàkum dooge’t malang ɓaa, sei géa a ali ra si tɔ.

2 Pierre 1:14

Jésu-Krist Kuwe-ɓee le jéi ade m’ger ɓá titeke nain ngɔr ɓaa, danra’m à inye nang nè ta.

1 Jean 3:16

Ɗarinè, jè geri ngarankum tár nan takul kinye ke Krist inye ra’n ade yo tede le jéi. Gir’n ‘ke nè á, jèi géa, gar-gar j’à kinyei ra jéi kadi yo tede le ngakon jéige tɔ.

Lookilera’n 2:10

I ɓel nyankumndoo ke à rai nga lé. An! njè kem̂ majelé à tile dooge ke nange dann si’t dangai’t tede nan’n sei. Nyantosowur à ra sei ndɔ dɔg. Um kem̂i dèm’t i nda njang sár ndɔ kwei’t ɓaa, m’a m’adi jɔkɔ kunn banga ke ndikumgajer nga tɔ.