Marc 8:2 - Nouveau Testament en Gulay 2004

² – M’an kumndoo le kosdooge nè nga. An-in! dé ndi se’m ase ndɔ mute ɓila. Nè ɗarinè nyan ke bè le kade d’use goto.

Marc 8:2 Iomraidhean Croise

Matthieu 14:14

Jésu in kêm bato’t rise nang. Doobulege ngain kujei nan rann’t hakl. E an kumndoo le de a, è ɔr ratur ra njératurge’t le de a tɔ.

Matthieu 20:34

Jésu an kumtondoo le njékumtɔge ade ule ji’n ɔde’n kum de. Ke loon’t nè kuwe, kum de tel an loo njai-njai. Dé liger lagr-lagr go Jésu’t.

Matthieu 9:36

Jésu an kumtondoo le doobulege tede ɔri yàl-yàl a, awi dè nan’t ɗɔtɔtɔ asenan se batege ke njékul dege gotoi bè a tɔ.

Marc 1:41

Jésu an kumndoo le dingem ke njèbanje. E ule ji’n ɔde’n ra njèbanje, ede’n ede nè: – M’ndige bè kuwe, maje kade rai tel tò karè ndát-ndát.

Marc 5:19

Jésu inye loo ade doo nè nga aw se’n lé, nè è ede’n ede nè: – Ɔte aw ra njé ke lei’t, ɔrgir kêmkanm se nyan malang ke Nube ra sei ade ooi.

Marc 6:32

Jésu se njékuwe-girnge ali kêm ngonn bato’t, awi ngang loo’t nata.

Marc 6:34

Loo ke Jésu rise nang kêm ngonn bato’t ɓaa, an kosdoo-bulege. E an kumndoo le de tede tooi asinan se batege ke njèkul de goto bè. E an kumndoo le de ade unn gir ndó de tàge ngain bè.

Marc 8:3

Ke nè á m’inye de bè m’ade dé tel d’aw ɓéee kêm de ɓo ɓaa, kumkil à ra de rebe, tede njé ke nange dann de’t in-in heb ngain.

Marc 9:22

Dɔ-dɔ ndil ke majelé sure ngonn nè nga ile’n poro éké manné le kade an-in mann wei. Nè ke nè á ase ra nyan karé tede tà le’n ɓaa, kɔkrɔ karè i din-in jè.

Tà ke Maje ke Luc ndang 15:20

Loo ke ngonn ke ndêin tam tà nè nga titeke bè ɓá ɓaa, è ɔse nang in aw kum’n ke ra bɔn’t. Loo ke è nain heb ɓai kuwe ɓaa, bɔ’n an’n ɓá. Ke loon’t nè kêm’n tɔse’n se non mbik-mbik ade in an-in ngɔde tile non’n, uwe’n kàdenn’t sêm.

Tà ke Maje ke Luc ndang 7:13

Loo ke Kuwe-ɓee Jésu tête kum’n an kon ngonn nè nga ɓaa, kêm’n aw biriri-biriri ade ede nè: – Ebe’t non.

Hebreuge 2:17

Gir’n ke nè á, gar-gar Jésu tel tanan se ngakonnge tcha-tcha dè nyange’t malang tede kade tel ee’n maw njèkuje nyan-mese le Nube a, taɓai è njè kem̂kanm ke dooge asi kundei kem̂ de dènn’t tede kase ke è ase kɔr se-kaiyage le kosdooge malang kade taai kum Nube kerɔte.

Hebreuge 4:15

Kerɔte kuwe, maw njèkuje nyan-mese le jéi nga ase ra se jéi dè yaige’t le jéi kuwe. Loo ke ndɔ nain dè nang nè ɓai nga, nyange nan’n titeke nan’n jéi bè tɔ, nè è ute kaiya mbeng.

Hebreuge 5:2

Maw njèkuje nyan-mese nga géa, è njè ra majelé tite dooge nga tɔ. Gir’n ke nè á è ase kile’n kem̂’n pon dè njé ke geri nyan lé a, dè njé ke ndemi’t a tɔ.