Marc 8:17 - Nouveau Testament en Gulay 2004

¹⁷ Jésu ger tà ke kêm de’t nga mbak. E deje de ede nè: – Ké bain á sei murin tà edi nè: «E tede mapa ke goto ji si’t wa?» Ké è tede kunn mbi dè tà’t le si nga wa?

Marc 8:17 Iomraidhean Croise

Matthieu 12:15

Loo ke Jésu ger titeke Pharisienge ɔri nan tà dènn’t le kuwe’n tɔl’n ɓaa, è inye loo nè ɔr ra’n aw rang. Kosdoo-bulege ngain ndolèi goo’n. E ɔr ratur ra de’t malang.

Matthieu 15:17

Nyan malang ke in nata aw kêm tà doo’t nga, tuge gang aw jebelenn’t ade aw ede’n yide. Ké sei geri bè lé wa?

Matthieu 16:7

Njékuwe-gir- Jésuge murin tà kêm de’t edi nè: – N’tam bè tede mapa ke j’inyei nang anje kɔi ji jéi’t.

Marc 16:14

Loo ke njékuwe-gir-Jésuge ke dɔg-gidé-karé ndii à usei nyan ɓaa, Jésu tee pan kum de’t malang. Jésu in se de ede nè: – Sei njé kunn mbi dè tàge’t se njékêm nderge! Sei mbati kumi kêm si dè tà’t le njè ke an-in man kumgajer loo kunde loo tee’t le’m dann njé ke koo’t.

Marc 2:8

Ke loon’t nè kuwe Jésu ger tàgirge le de ke kêm ɓengre de’t mbak. E deje de ede nè: – Ké bain á sei giri tàge ke titeke bè dè ɓengre si’t wa?

Marc 3:5

Jésu an de ɗêrêr-ɗêrêr ɓaa, wur’n ndir’n njàk-njàk tede kêm majelé le de. Go’t gugu è ede dingem ke ji’n wei tonrin nè nga ede nè: – I ndaje jii. Dingem nè nga ndaje ji’n ɓaa, tel tò karé titeke kété.

Marc 6:52

Dé ger gir nyan ke ɔje dè mapa ke Jésu ade in dè made’t ke kété-kété nga lé. Nè d’uwe kêm de mong dè kunn mbi dè tà’t le de nga ke kété-kété.

Marc 8:16

Njékuwe-gir-Jésuge murin tà dann de’t edi nè: – Ké n’tam tà nè nga bè tede mapa ke goto ji jéi’t nga wa?

Tà ke Maje ke Luc ndang 24:25

E ede de ede nè: – Sei njé kêm tɔ kuju tà lége tur se si ngain le ger gir tà ke njéribe-dè-tàge ke tà Nube’t tami kété mari nga.

Jean 16:30

Ɗarinè jè ger titeke i ger nyange malang, i aw ndoo kade doo deji tà lé. Gir’n ke nè á j’unde’n kêm jé dèi’t titeke i in ra Nube’t nú kuwe.

Jean 21:17

Jésu deje Simon njèkon’t mute ede nè: – Simon, ngonn le Jean, ké i ndige’m kerɔte kuwe wa? Kêm Pierre on’n tede deje ke Jésu tel deje’n njèkon’t mute ede nè: – Ké i ndige’m kerɔte kuwe wa? Taɓai Pierre tel ede Jésu ede nè: – Kuwe-ɓee, i ger nyange malang ɓá, i ger titeke m’ndigi kerɔte kuwe. Jésu tel ede Simon Pierre ede nè: – Bè ɓaa, ul ngann batege le’m ade’m sei.

Lookilera’n 2:23

M’a m’ade yo-kos à tɔl ngannenge kabak. Bè tá njékebe nange le Nube malang à geri titeke man m’ee njè ter tàgir le dooge ke dè ɓengre de’t. Man m’uge nanan géa dann si’t se go kule ra’n.