Marc 8:15 - Nouveau Testament en Gulay 2004

¹⁵ Jésu ndeje njékuwe-girnge ndej-ndej ede nè: – Undei kumkunju dè ra si’t le gang kɔte pululu’t le Pharisienge éké le Hérode Antipas nga lé.

Marc 8:15 Iomraidhean Croise

Matthieu 14:1

Kêm ɓaln’t nè nga, ngar Hérode Antipas oo kɔbe nyan ra Jésu. Ngar Hérode Antipas è njèkonɓee ke Galilée kêl ɓeekon karé ke kété bɔ’n Hérode on.

Matthieu 14:3

Kété Hérode ade d’uwe Jean, dé tɔ’n d’ile’n dangai’t tede tà le Hérodiade neen ngokon’n Philippe.

Matthieu 14:6

Ndɔ karé bè, Hérode ra nan koje’n. E ɓar dooge bule ngain. Ngonn le Hérodiade ke mande ɔse nang in ndam tàkum dooge’t nè nga ade taa kum Hérode.

Matthieu 16:6

Jésu ede de ede nè: – Kêm si dè ra si’t, undei kumkunju dè ra si’t le kade sei njékede gosge tite Pharisienge se Saddusienge bè lé.

Marc 12:13

D’ɔr Pharisienge se pajage le Hérode Antipas ke nange d’ule de ra Jésu’t le kade uwei nin se tà se go tà ke à tee tànn’t.

Marc 8:14

Kêm njékuwe-gir-Jésuge wei nal dè kɔi mapa bule ji de’t. Nè nyan ra maje ade mapa karé bere luk-luk nain kêm bato’t.

Marc 8:16

Njékuwe-gir-Jésuge murin tà dann de’t edi nè: – Ké n’tam tà nè nga bè tede mapa ke goto ji jéi’t nga wa?

Tà ke Maje ke Luc ndang 12:15

Taɓai Jésu ede doobulege ede nè: – Kêm si dè ra si’t nè a kadi ngur kebe nyanbawge ke rara dè nang nè ra sei pênn-pênn. Tede ndikumgajer le doo nga, tò ɔje dè nyanbawge le’n ke tò ndaj-ndaj nga lé.

1 Timothee 5:21

Man m’ndeji tàkum Nube’t a, tàkum Jésu-Krist a, se tàkum dooge ke danrán le Nube a tɔ: an dè nyange nè nga sêw-sêw anje ndête éké kɔr kum doo a tɔ.

1 Timothee 6:13

M’unn ndu’m m’adi non Nube’t ke è ngire ndikumgajer le nyange malang a, se non Jésu-Krist’t ke ndɔ ke ɔrgo tà maje ngain tàkum ngar Ponce Pilate’t:

2 Timothee 2:14

Olé kem̂ de dè nyange’t nè nga a, i ndeje de non Nube’t le kade d’inye go naje tà ke raikarè. Tede tà najege ke raikarè nè nga à tuju njé ke ooi tà’n se mbi de.