Marc 8:12 - Nouveau Testament en Gulay 2004

¹² Jésu ile kêm’n puun ede nè: – Ké bain á sei dooge ke i ndii dè nang ɗarinè i deji nyankɔbe ke gai ke in danrán ra Nube’t wa? Kerɔte kuwe, man m’ede sei ndàt, nyankɔbe ke i deji nga, d’a ra kade an-in ndan lé.

Marc 8:12 Iomraidhean Croise

Matthieu 12:38

Njékɔrgir gute-nduge se Pharisienge ke nange deji Jésu edi nè: – Ngar, jè ndige le kade i ra nyankɔbe karé ade j’an.

Matthieu 16:4

Sei dooge ke njé kêm majelége se njétur gide si kade Nube ke ɗarinè i ndii dè nang nè nga, i sangi le kan-in nyankɔbe. Nè nyankɔbe karé ke rang géa a an-in lé. Jonas njèribe-dè-tà ke tà Nube’t ke è nyankɔbe ke ndɔ ke an-in kété ɓá non kuwe ase. Loo ke Jésu tam tà nè nga bè ɓaa, è inye de ɔte aw.

Marc 3:5

Jésu an de ɗêrêr-ɗêrêr ɓaa, wur’n ndir’n njàk-njàk tede kêm majelé le de. Go’t gugu è ede dingem ke ji’n wei tonrin nè nga ede nè: – I ndaje jii. Dingem nè nga ndaje ji’n ɓaa, tel tò karé titeke kété.

Marc 6:6

Tà ige Jésu sêl dè kunn mbi dè tà’t le doobulege. Jésu ɔte aw se ngann ɓeege ke gan-in dè Nazareth gêrêr ndó dooge nyan.

Marc 7:34

Go’t gugu Jésu an loo ke dɔ danrán, ile kêm’n puun ɓaa, è ede njè mbi mbe nè ede nè: – Ephrata! tel se tà koje jéi ɓaa, è «Ka mbi dingem i gang reng.»

Marc 8:13

Jésu se njékuwe-girnge inyei Pharisienge ali kêm bato’t awi gide ba’t gugu.

Marc 9:19

Jésu deje njékuwe-girnge ɓai ede nè: – Sei dooge ke i ndii dè nang nè ɗarinè nga, ké sei doo rige á kundekêm le si goto bè wa? Ké m’a ndi se si dè nang nè ndɔ kandang ɓita kundekêm le si à tò ɓai wa? Ké m’a kile kêm’m dè si’t nja kandang wa? I reei se ngonn nè nga ram’t laa.

Tà ke Maje ke Luc ndang 19:41

Loo ke Jésu an dè ɓee-bò ke Jérusalem ngɔr ɓaa, è non se mann-non kumn’t tede nyan ke à tee dè dooge ke kêm ɓee’t nè nga.