Marc 7:5 - Nouveau Testament en Gulay 2004

⁵ Gir’n ke nè á Pharisienge se njékɔrgir gute-nduge deji Jésu edi nè: – Ké bain á njékuwe-girige inyei go nyangirkà le bɔ dege ɓaa, usei nyan se ji de ke yoro wa?

Marc 7:5 Iomraidhean Croise

Matthieu 15:2

– Ké bain á njékuwe-girige ali tà tà nyangirkà’t le kà jéige wa? Ké bain á ei togoi ji de lé kuwe usei nyan wa?

Marc 7:13

Titeke bè á, sei teli tà le Nube ke nyan ke raikarè tede nyangirkà le si ke i ndói nan ke kété-kété nga. E ke nè á se kar’n lé, nè sei rai nyange ke rang ke titeke bè ngain ɓai.

Marc 7:8

Jésu ede nè: – Sei inyei go ndukunnge le Nube ɓaa, nyangirkà le dooge karè tá i tɔsi kum si dè’t.

Marc 7:9

Jésu aw se de ke kété-kété ede nè: – Kerɔte kuwe, sei surei go ndukunnge le Nube inyei tede le liger dè nyangirkà’t le si tá lagr-lagr.

Nyanra Njekawkulege 21:21

Nè d’ede de titeke i ndó Juipge ke ndii dann dooge ke ei Juipge lé le kade tɔri ji de gir gute-ndu’t le Moise. Taɓai d’ede de d’ede nè i ndó Juipge le kade mbati kuje tà mɔte ngann dege a, le kade mbati rai nyangirkàge le jéi a tɔ.

Nyanra Njekawkulege 21:24

Aw se de ade d’ɔr sei gonm. Uge dè de ade dé ndise dè de kɔke. Titeke bè á dooge malang à geri titeke sertà ke ɓar tchoo ɔje dèi nga, è tà lanm karè. Nè i kuwe géa, an dè gute-ndu Moise sêw-sêw tɔ.

Nje Ke Rome 4:12

Abraham tel è bɔ njékuje tà mɔte dege nga tɔ. E bɔ njé ke d’uje tà mɔte de ɔje dè danra karè lé, nè njé ke unni dè nja kundekêm le’n. Bɔ jéi Abraham nga, ndɔ ke unde kêm’n dè Nube’t kété pa ɓita d’uje tà mɔte’n ɓai.

Nje Ke Galatie 1:14

M’aw kum’m ke kété-kété dè nyangirkàge’t le Juipge m’dum njé dèkasenange le’m bule ke girkoje’t. Ra’m ɔlé pêl-pêl dè nyangirkàge’t le kàmge dum njé dèkasenange le’m malang.

2 Nje Ke Thessalonique 3:11

Taɓai, jè j’oo titeke njé ke nange dann si’t ei njé ra dabege. Kule ra de ke rang goto, nè ei njé kunde ra de nyan’t le dooge ke rang.

2 Nje Ke Thessalonique 3:6

Ngakon jége, j’unn ndu jé j’ade sei se ri Kuwe le jéi Jésu-Krist: Utei ra si mbeng ra njètaakem̂-Kristge ke rai dabe a, ke mbati kumi kem̂ de dè nyan-ndó ke ndɔ jè ndó de’t nga lé.