Marc 7:4 - Nouveau Testament en Gulay 2004

⁴ Loo ke Juipge se Pharisienge in-in nata teli reei kêm kei ɓaa, ndogi mann ɓita usei nyan ɓai. Nyangirkàge ke rang ngain ke tite togo nyankain mannge se jó gɔrge se jó ke ninge-kasege nga, d’an go de sêw-sêw. E ke nè á se kar lé; gute nyangirkàge nain ɓai.

Marc 7:4 Iomraidhean Croise

Matthieu 23:25

Sei njékɔrgir gute-nduge se sei Pharisienge ke njékede gosge a an-in ɓai! Sei togoi gide nyankain mannge se nyankuse nyange le si adi d’unju nyan-nyang. Nè ngur banm dooge se kêmkein rusu kêm si njin-njin.

Matthieu 23:26

I Pharisien ke njèkumtɔ: I togo kêm nyankain mann se nyankuse nyan ade unju kété ɓita i togo gide de ade unju ɓai.

Matthieu 27:24

Loo ke Pilate an titeke nyan ke soo’t goto nè doobulege rai nyan wuu ke kété-kété ɓaa, è unn mann togo’n ji’n tàkum dooge’t malang ede nè: – Man ɓaa, tà le mese njè ra nyan se dè naje’n nè nga uwe dè’m man lé. E tà le si sei kuwe.

Marc 7:8

Jésu ede nè: – Sei inyei go ndukunnge le Nube ɓaa, nyangirkà le dooge karè tá i tɔsi kum si dè’t.

Jean 2:6

Jó-rebege mute-mute ke d’ube se her ɔje dè kɔr se-ra le Juipge tooi tutu. Mann kêm litre kɔr-sɔsɔ éké aru se kɔr-joo ɓita à rusu jó-rebe karé ɓai.

Jean 3:25

Ndɔ karé bè, tà naje ke ɔje dè kɔr se-ra oso dann pajage’t le Jean se Juip karé bè.

Hebreuge 9:10

Tàge ke ɔje dè nyankuje-mese se nyankain a, se togo rage ke se ri de-ri de nga, ei ndukunnge le dooge. Ndukunnge nè nga d’unde de d’ade tooi bè sár le ngine’n ndɔ ke Nube à tel gɔl’n nyan malang kade aw danné.

Jacques 4:8

Agi ngɔr ke ra Nube’t ɓaa, è géa à age ngɔr ke ra si’t tɔ. I togoi ji si, sei njé ra majelége; ɔri se-nyange ke majelé kɔke dè ɓengre si’t, sei njé kem̂ jooge.

1 Jean 1:7

Ke nè á jè njiyei dann lookar’t titeke Nube ndii’n dann lookar’t nga bè ɓaa, j’umi nan’t bɔk a, mese Ngonn’n Jésu-Krist togo kaiya le jéi bere mbak ndát-ndát ɔr kɔke.