Marc 7:20 - Nouveau Testament en Gulay 2004

²⁰ Jésu ede de ɓai ede nè: – Nyan ke in kêm ɓengre doo’t á tel’n ke doo ke mine.

Marc 7:20 Iomraidhean Croise

Matthieu 15:18

Nyan ke tee tà doo’t nga in dè ɓengrenn’t. E nè á è nyan ke tel doo ke nyan ke mine.

Matthieu 4:4

Nè Jésu tel ilé dè’t ede nè: – Dé ndang kêm magtub’t d’ede nè: «Doo à ndi kumgajer takul mapa á go karé lé. Nè doo à ndi kumgajer takul tà malang ke tee tà Nube’t.»

Marc 7:15

Nyan ke doo use nga, è karé bè ke à tel’n ke doo ke mine goto. Nè nyan ke in ɓengre doo’t á à tel’n ke doo ke mine. [

Marc 7:21

Tàgirge ke majelé in-in kêm ɓengre dooge’t kei. Titeke bè á dooge teli ei njé tooi se nan ke kaiya’t, njéɓog-ge, njé tɔl dooge,

Marc 7:23

Nyange ke majelé malang nè nga in-in kêm ɓengre doo’t kei á adi doo mine’n tanm-tanm.

Hebreuge 7:6

Melkisédec nga è girkà le Lévi lé. Nè né è bè géa, ke nè á nyan è dɔg ji Abraham’t ɓaa, è unn tà karé ade’n. Abraham è doo ke ndɔ ke Nube unn ndu’n ade’n ɓá. Nè né è bè géa, Melkisédec tɔr ndu’n dènn’t.

Jacques 3:6

Ndon doo nga géa tò asenan se por bè tɔ. Ndon doo nga è kei ndi le nyanrage ke pás-pàs. Ndon jéi nga ube dann balkum ra jéige’t, nè ra ade danra jéi bere mbak tel mine tanm-tanm. Ndon doo nga è njè tee se tàge ke majelé tuju’n dookundege le Nube titeke kɔr por oso’n loo’t ró’n bè. Tàge ke majelé ke ndon doo tuju’n dooge nga in loo ke tur ke dooge à non-in se mann non kum de’t tutu.

Jacques 4:1

Kɔl nan se tin nan le si nga, ké i geri loo ke in-in tutu wa? Kɔl nan se tin nan le si nga in-in ra ngur nyange’t le danra si sei’t á ndii à rɔi se si.