Marc 7:2 - Nouveau Testament en Gulay 2004

² Ei an-in njékuwe-gir-Jésuge ke nange ndii usei nyan se ji de ke mine anje togo se go nyangirkà le Pharisienge.

Marc 7:2 Iomraidhean Croise

Matthieu 15:2

– Ké bain á njékuwe-girige ali tà tà nyangirkà’t le kà jéige wa? Ké bain á ei togoi ji de lé kuwe usei nyan wa?

Marc 7:5

Gir’n ke nè á Pharisienge se njékɔrgir gute-nduge deji Jésu edi nè: – Ké bain á njékuwe-girige inyei go nyangirkà le bɔ dege ɓaa, usei nyan se ji de ke yoro wa?

Tà ke Maje ke Luc ndang 11:38

Loo ke Pharisien nè an titeke Jésu use nyan nal togo ji’n kété ɓaa, tà ige’n sêl.

Nyanra Njekawkulege 10:28

Pierre ede de ede nè: – Sei geri mbak, doo ke è Juip nga d’ɔge’n loo kuwe made nan éké loo kum nan’t bɔk se doo ke è Juip lé. Nè man ɓaa, Nube ndoo’m le kade m’an doo karé bè ke nyan ke raikarè éké ke nyan ke mine lé gar-gar.

Nyanra Njekawkulege 11:8

Nè m’ede’n m’ede nè: «Ḿ-m̀ Kuwe-ɓee, nyan ke pás-pàs éké nyan ke mine ke titeke bè nga ɔde tà’m nja karé lé ɓai.»

Nje Ke Rome 14:14

Kuwe-ɓee Jésu ndó’m ade m’ger kêm’t maje titeke nyan karé bè géa mine se dè ra’n lé. Ke nè á doo karé gir kêmn’t titeke nyan karé mine ɓaa, mine tede le’n è kuwe.

Hebreuge 10:29

Doo ke an Ngonn le Nube ke nyan lé nga, d’a gangtà ke tò ɓel dènn’t dum madege ke rang. Ké sei giri bè an-in lé wa? Kerɔte kuwe, doo nè nga ile koje dè mese mann-ra ke d’ɔr’n d’unde’n se ninn’n gai nga lé. E nede Ndil-Kem̂nda ke njè kade jè geri kem̂noje le Nube nga.

Lookilera’n 21:27

Nyan ke mine ke rara karé bè géa à aw kem̂ ɓee-bò’t nè nga ndan lé. Doo ke njé ra nyan ke yêr éké njè tam tà lanm se ndɔ’n-ndɔ’n nga à ile nja’n kem̂ ɓee-bò’t nè nga ndan lé a tɔ. Nè njé ke dé ndang ri de kem̂ magtub ndikumgajer’t le Ngonn Bate kuwe karé á à ilei nja de kem̂ ɓee-bò’t nè nga.