Marc 7:18 - Nouveau Testament en Gulay 2004

¹⁸ E ede de ede nè: – Sei géa ké kêm si tɔ kuju tà lé titeke bè tɔ wa? Nyan ke doo use nga à tel’n ke doo ke mine lé.

Marc 7:18 Iomraidhean Croise

Matthieu 15:11

Nyan ke in nata aw kêm doo’t á tel’n ke doo ke mine lé, nè nyan ke in kêm doo’t tee tànn’t á ke nyan ke ade doo tel mine’n.

Matthieu 16:11

Ma m’ede sei m’ede nè: Undei kumkunju dè ra si’t le kade sei njékede gosge tite Pharisienge se Saddusienge lé á m’tam bè m m’tam se si tede mapa ke sei ɔyi ji si’t lé nga lé. Ké bain á kum si gang dè tà’t nè nga lé sár wa?

Marc 4:13

Go’t gugu, Jésu deje njékuwe-girnge ede nè: – Ke nè á i geri gir gostà ke nè nga lé ɓaa, ké a i geri gir ke rang-ge ke ɔje dè Konɓee le Nube nga titeke bain wa?

Marc 7:17

Loo ke Jésu inye doobulege tel ree kei ɓaa, njékuwe-girnge deji nin gir gostà nè.

Marc 7:19

Kerɔte kuwe, nyan ke doo use nga aw kêm ɓengrenn’t lé, nè aw kêm jebelenn’t ade go’t gugu ɓaa, è aw ede’n yide. Jésu tam tà nè nga titeke bè tede è tel nyankuse malang ade è ke unju tede le njétaa-kêmnge.

Tà ke Maje ke Luc ndang 24:25

E ede de ede nè: – Sei njé kêm tɔ kuju tà lége tur se si ngain le ger gir tà ke njéribe-dè-tàge ke tà Nube’t tami kété mari nga.

Jean 3:10

Jesu tel ile Nicodème dè’t ede nè: – I ke njèndó dooge nyan ke kɔbi oso se loo mbit-mbit kêm ɓeekon ke Israel’t nga, ké i ger nyange nè lé taɓai wa?

1 Nje Ke Corinthe 3:2

Mbà á m’ade ili m m’ade sei mur ke mong lé, tede sei asikum kon-in mur lé ɓai. Sár ɗarinè géa, tɔg si ase kon mur ke mong nga lé ɓai,

Hebreuge 5:11

J’aw se tàge ngain le kede sei dè eige ke nè ɓai. Nè loo kɔrgir nyange nè nga ɗêi-ɗêi tur se jé tede sei i teli i rai rakate dè koo girtà kɔr sonn’t.