Marc 6:56 - Nouveau Testament en Gulay 2004

⁵⁶ Se looge malang ke Jésu aw tutu, kêm ngann ɓeege se ɓee-bòge éké loo ndɔrge géa, dooge otoi njératurge umi de nang rip-rip ndá-loo’t. Dé ndête Jésu le kade inye njératurge ade ɔdi tà kubu ke rann’t lêm. Gir’n ke nè á, njératurge malang ke ɔdi tà kubu ke rann’t ɓaa, ratur le de in dè de’t kengeng.

Marc 6:56 Iomraidhean Croise

Matthieu 14:36

Dé ra ndoo ra Jésu’t le kade inye loo ade d’ɔde tà kubu ke rann’t lêm. Dooge malang ke ɔdi tà kubu ke rann’t lêm nga, ra de tel tò karé ndát-ndát.

Matthieu 9:20

An! dinye karé bè ke mese an-in rann’t ase ɓal dɔg-gidé-joo ngein jêke^-jêke^ go Jésu’t ree ɔde tà kubu le’n ke rann’t.

Marc 3:10

Jésu ɔr ratur ra dooge’t bule kêm ndɔn’t nè nga. Gir’n ke nè á njé raturge malang nanri nan loo tede kɔde ra’n lêm.

Marc 6:55

Dooge awi se loo-loo kêm ɓeekon’t nè bere mbak. Taɓai unni gir koto njératurge se nyan tò de reei se de ra Jésu’t tede d’ede de loo ke è ndi tutu.

Tà ke Maje ke Luc ndang 22:51

Nè Jésu ede de ede nè: – Adi ase bè. E ɔde mbi dingem nè nga ade tel tò karè ndát-ndát.

Tà ke Maje ke Luc ndang 6:19

Nanan géa dann de’t sang le kɔde ra’n lêm tede tɔgmong kaje njératurge tee rann’t aje de malang.

Tà ke Maje ke Luc ndang 8:44

E ngein go Jésu’t ree ɔde tà kubu ke kàdenn’t lêm. Ke loon’t nè kuwe mese ke tal rann’t nga gang ɗás.

Nyanra Njekawkulege 4:12

Doo karé ke rang ke kaje à in rann’t goto. Gar-gar ri doo karé ke rang dann dooge ke danrán éké ke dè nang nè ke j’asekum kinge kaje se takul’n goto.

Nyanra Njekawkulege 4:9

jè ra kêm-maje se njèdɔgemete j’ade in njiye ɗaj-ɗaj. Ɓila sei deji jè gir nyan ke jè ra á j’ade nja dingem ke njèdɔgemete tel mong’n ɗaj-ɗaj.

Nyanra Njekawkulege 5:15

Gir’n ke nè á, dé koto’n njératurge se tuwe tò de a, se tire tò de bere mbak d’unde’n de nata ɗêng-ɗêng ka-rebege’t. Dé ra titeke bè tede kade loo ke Pierre à dere ɓaa, ndil’n ke ɓer kuwe oso dè doo karé dann njératurge’t nè nga.