Marc 6:52 - Nouveau Testament en Gulay 2004

⁵² Dé ger gir nyan ke ɔje dè mapa ke Jésu ade in dè made’t ke kété-kété nga lé. Nè d’uwe kêm de mong dè kunn mbi dè tà’t le de nga ke kété-kété.

Marc 6:52 Iomraidhean Croise

Marc 16:14

Loo ke njékuwe-gir-Jésuge ke dɔg-gidé-karé ndii à usei nyan ɓaa, Jésu tee pan kum de’t malang. Jésu in se de ede nè: – Sei njé kunn mbi dè tàge’t se njékêm nderge! Sei mbati kumi kêm si dè tà’t le njè ke an-in man kumgajer loo kunde loo tee’t le’m dann njé ke koo’t.

Marc 3:5

Jésu an de ɗêrêr-ɗêrêr ɓaa, wur’n ndir’n njàk-njàk tede kêm majelé le de. Go’t gugu è ede dingem ke ji’n wei tonrin nè nga ede nè: – I ndaje jii. Dingem nè nga ndaje ji’n ɓaa, tel tò karé titeke kété.

Marc 7:18

E ede de ede nè: – Sei géa ké kêm si tɔ kuju tà lé titeke bè tɔ wa? Nyan ke doo use nga à tel’n ke doo ke mine lé.

Tà ke Maje ke Luc ndang 24:25

E ede de ede nè: – Sei njé kêm tɔ kuju tà lége tur se si ngain le ger gir tà ke njéribe-dè-tàge ke tà Nube’t tami kété mari nga.

Jean 12:40

«Kosdooge nè nga, Nube libe kum de ade an-in loo lé. E ade ngarankêm de tɔ kuju tà mbêt lé. Ke nè á kum kosdooge an loo a, ngarankêm de tɔ kuju tà a tɔ ɓaa, bainléa à ɔsi wan teli ke ra Nube’t kade aje de.»

Nje Ke Rome 11:7

Ké tà nè nga gir’n è ri wa? Kosdooge ke Israel sangi le kade tà ɔr dè de’t non Nube’t, nè loo’n dum de. Nè né è bè géa, kalè dege ke ndêin bè ke Nube tɔr de á tà ɔr dè de’t. Gute kosdooge ke rang malang ɓaa unni mbi de dè tà’t le Nube,