Marc 6:48 - Nouveau Testament en Gulay 2004

⁴⁸ E an titeke tur se njékuwe-girnge ngain loo kɔse bato kade aw ke kété tede nel tile kum de ɔse de ke gugu-gugu. Ase tite tà gir loo’t á Jésu njiye dè ba’t ɔje ke ra njékuwe-girnge’t. E ra titeke ayé tuge tà de gang bè.

Marc 6:48 Iomraidhean Croise

Matthieu 14:24

Loo ke Jésu nain dè mbal’t ɓai nga, bato aw dann ba’t danné bɔp ɓá ta. Kɔr mann tal tile bato mbàs-mbàs tede nel ule tile kum’n.

Matthieu 24:43

Maje kade i geri tà nè nga maje: loo ke kuwe-kei ger kàde ke njèɓog à ree’n ɓaa, è à ɔge kum’n ɓi le kinye loo kade mbute’n kum bolè ɓoge’n nyange le’n ke kêm kei lé.

Marc 13:35

Sei géa, i ndii dè nja si’t kekek tede sei geri ndɔ éké kàde ke kuwe-kei à tel ree’n nga lé. Bainléa à è tà ndalé, éké dann loo bɔp, éké non kunje ke desêin, éké tàgir loo’t.

Marc 6:47

Ndɔ il ɓá, njékuwe-gir-Jésuge ali kêm bato’t awi danné bɔp. Jésu kuwe se kar’n bere á nain nang.

Marc 6:49

Loo ke njékuwe-gir-Jésuge an-in nin njiye dè ba’t titeke bè ɓaa, ei giri kêm de’t edi nè è doo ke koo. E á ei noin kaláng-kaláng.

Tà ke Maje ke Luc ndang 12:38

Ke nè á kuwe de ree dann ndɔ bɔp éké se non kunje ke desêin á inge de dè ɓi’t lé ɓaa, ra de à nel de.

Tà ke Maje ke Luc ndang 24:28

Loo ke nain ngɔr kade dé tee kêm ngonn ɓee’t ke d’a d’aw tutu nè nga ɓaa, Jésu ra titeke ayé tuge dɔ gang kaw.

Jean 1:13

Ei nè nga teli ei ngann le Nube se go girkoje le de ke dè nang nè lé. Nè girkoje le de in ra Nube’t ke njè kade de kebe ke kige.