Marc 6:41 - Nouveau Testament en Gulay 2004

⁴¹ Jésu unn mapa ke mi se tutu kanjege ke joo nè nga jinn’t. E an loo ke danrán, ra Nube oiyo ɓita tête danné ade njékuwe-girnge le kade kayai awi undei non mate dooge malang. Go’t gugu, Jésu kai kanje ke joo nè nga kosdooge malang.

Marc 6:41 Iomraidhean Croise

Matthieu 14:19

Taɓai è unn ndu’n ade kosdoo-bulege ade têti ra de ndii nang dè walè’t. E oto mapage ke mi se tutu kanjege ke joo nè nga, an loo ke danrán ra Nube oiyo. Go’t gugu è tête mapa nè nga danné ade njékuwe-girnge, taɓai in-in ke kété noboi kosdoo-bulege tɔ.

Matthieu 15:36

E unn mapa ke ji sejimute se kanjege nè nga, ra Nube oiyo ɓita uwe tête danné ade njékuwe-girnge. Njékuwe-girnge in-in ke kété adi doobulege.

Matthieu 26:26

Loo ke dé ndi tà nyankuse’t ɓaa, Jésu unn mapa karé deje ndutɔr le Nube ɓita tête danné ade njékuwe-girnge ede nè: – I taai usei, è ke nè è danra’m.

Marc 14:22

Loo ke Jésu se njékuwe-girnge ndii tà nyankuse’t ɓaa, Jésu unn mapa karé, è ra Nube oiyo ɓita uwe tête danné ade de ede nè: – I taai, è ke nè è danra’m.

Marc 6:40

Dooge ndi nang rip-rip se mate de, mate de. Njé ke nange ndii dè nan’t aru, njé ke nange ndii dè nan’t asi kɔr-mi a tɔ.

Marc 6:42

Nanan géa use mapa ndann gɔj-gɔj.

Marc 7:34

Go’t gugu Jésu an loo ke dɔ danrán, ile kêm’n puun ɓaa, è ede njè mbi mbe nè ede nè: – Ephrata! tel se tà koje jéi ɓaa, è «Ka mbi dingem i gang reng.»

Marc 8:19

Mapa ke mi ke ndɔ ke m’tête danné m’ade i kayai kosdoo-bulege aru mi loo dɔg nga, ké ndɔ ke i kotoi gute ke nain rusu ngann janga kandang wa? Njékuwe-gir-Jésuge ilei nin dè’t edi nè: – Ndɔ ke j’oto gute ke nain rusu ngann janga dɔg-gidé-joo.

Tà ke Maje ke Luc ndang 24:30

Loo ke è ndi se de tà nyankuse’t ɓaa, è unn mapa karé ra Nube oiyo pa ɓita uwe tête danné ade de ɓai.

Tà ke Maje ke Luc ndang 9:16

Jésu koto wal-mur ke mi se tutu kanjege ke joo nè, an loo ke danrán, ra Nube oiyo ɓita è kai ade njékuwe-girnge kade noboi doobulege nè nga ɓai.

Jean 11:41

Dé ndubri kuberi her ke bòi nga d’ile rang. Jésu an loo ke dɔ danrán tam ede nè: – Bɔ’m, m’rai oiyo tede i oo ndu kɔ le’m.

Jean 17:1

Loo ke Jésu ede njékuwe-girnge tàge nè gir gang ɓá ɓaa, è unn kum’n ke danrán ede nè: – Bɔ’m, kàde’n ree ɓá ta. Ile riɓar dè ngonni’t, tede kade ngonni géa ile riɓar dèi’t tɔ.

Jean 6:11

Jésu ɔi mapa nè nga, ra Nube oiyo pa ɓita ade njékuwe-girnge noboi dooge ke ndii nang rip-rip ɓai. Kanje géa è ra titeke bè tɔ ɓita nobo de ade d’use titeke kêm de ndige.

Jean 6:23

Nè né è bè géa, ngann batoge ke rang in-in kêm ɓee-bò ke Tibériade reei. Dé ree ngɔr kɔte loo ke tagela Jésu ra’n Nube oiyo pa ɓita ade dooge mapa usei ɓai nga.

Nyanra Njekawkulege 27:35

Loo ke Paul tam tàge nè nga titeke bè ɓá ɓaa, è unn mapa uwe jinn’t. E ra Nube oiyo tàkum de’t malang ɓita è tête danné unn gir kuse.

Nje Ke Rome 14:6

Doo ke ɔr ndɔ karé ke ndɔ ke bò dum madege nga, è ra tede ɗɔi’n Kuwe-ɓee. Doo ke use nyan malang nga géa ra tede le ɗɔi’n Kuwe-ɓee a tɔ, tede è kuwe géa ra Nube oiyo dè nyankusenn’t tɔ.

1 Nje Ke Corinthe 10:31

Ke nè á usei nyan éké an-in nyan, éké i rai nyange ke rang gai-gai géa, i rai nyan malang kade Nube inge’n riɓar.

Nje Ke Colosses 3:17

Nyan ke rara ke a i rai, né è tà tam si éké nyanra si géa, i rai se ri Kuwe-ɓee Jésu. I rai Bɔ jéi Nube oiyo se takul’n è Krist.